سؤال عن عريس متقدم لصحبتى ترفض ولا تقبل

هو عريس اتقدم لصحبتى وهو انسان كويس اخلاقة كويسة او دة اللى كان باين يعنى بيراعى شعورها اوى ومتفهم وبيحبها وبيخاف عليها وبيعملها اللى يريحها حتى لو حاجة عملها ولقاها بتضايقها ميكررهاش بس فى مرة وهما اعدين سوا بتكلموا عشان يتعرفوا اكتر عرفت منة انة قبل ما يتقدم لخطبتها بحوالى 6 شهور ترك عادة سيئة جدا وبيقول انة تاب عنها خلاص وانة كان غصب عنة كان بيعرف بنات وكانت بعض علاقاتة تمتد لعلاقة المحرمة اكيد فهمتوا قصدى هو بررلها تصرفة انة كبير هو عندة 30 سنة ومتجوزش لغاية دلوقتى و اصحاب السوء وحاجات كتير المهم انة وعدها انة بطل دة خالص وتاب لربنا وحاسس بغلطتة وندمان على معصية ربنا وقالها انا حتجوز واحدة عشان اتلم بس هى مش عارفة توافق ولا لأ ولما سالتنى انا احترت مش عارفة انسان زى دة ممكن يرجع لحاجة زى كدة تانى ولا اية وبعدين انتوا واخدين بالكم دة زنا يعنى هل ربنا يغفرلة ولا اية وفى نفس الوقت هى خايفة متكملش تكون هى السبب فى رجوعة لنفس السكة بس هو انسان كويس حسب كلامها بس هى خايفة وانا مش عارفة ارسيها على بر انا مش عارفة تكمل ولا لأ