>>>> نـادي عــــــروس الرياضـي <<<<
بشه المنفشه
10-02-2008
157 رد
9,138 مشاهدة
السلام عليكم ورحمة الله وبركاته
أغلبنا يسوي رجيم والكثيرات منا يمارسون الرياضة لتخفيف الوزن لكن مثل ما انتو عارفين تحوشنا حالات كسل ماودنا انتحرك من مكاننا :tv_horror:
لكن من اليوم ورايح
لا للمــلل .. لا للزهــــق .. لا للكســـل :poster_dots:
هنا نادي رياضيات عروس :winner_second_h4h_a
كل وحدة تذكر شنو رياضتها أو جهازها اللي تستخدمه وكم دقيقة وتعطينا يومياتها بحيث إنها إذا ملت انشجعها
وأنا أولكم .. ملولة الصراحة مهما كان عندي وقت طويل أظل أقول ماكو وقت بس عشان أنحاش من الرياضة :SOFA:
وبعد عشان نتشجع أكثر .. كل وحدة تذكر وزنها الحالي ومن خلال استمرارنا على الرياضة نكتب تطورات الوزن ووين كنا ووين صرنا
بسنا رجيم وربادة لأن جذي ماراح نضعف وإن ضعفنا بيكون جسمنا مترهل
صح كلامي ؟ أكيد صح :shiny:
وينكم يا بنات .. ناطرتكم
معاكم مؤسسة النادي
بشه :biggthum:
راح أبدي أنا أول وحدة كوني مؤسسة النادي <<< مصدقة :poster_kewlpics:
جهازي اللي أستخدمه هو شبيه الاوربترك لكنه ماركة ثانية وشاريته من محل الرياضي بالسالمية
وبإذن الله ناوية أنقص من وزني 8 كيلو ( من غير شر ) وإذا ربي قدرني ونقصت أكثر .. خير وبركة :wavey:
محتاجين تشجيع يا جماعة :z_clap:
انا بشترك معاك وان شاء الله الاقي فايده انا ما امارس اي رياضه لكن احب الرقص وعندي درج في البيت اطلع وانزل فيه كل يوم اكثر من مره هذي رياضتي لكني اللي مسمني اني ضعيفه امام الاكل وزني الحالي 67كيلو ونفسي انزل 12 كيلو علشان يتناسق جسمي جبت حبوب قطع الشهيه وإن شاء الله أستفيد ادعولي
مســـــــاء النشاااااااااط يارشيقات
اليوم كان يومي حلو بالرياضه بالنسبه لي اليوم اول يوم لي بالنادي بعد انقطاع دام سنه ونص
طبعا انواع التعب هههههههههه مافي لياقه
المهم ياحلوات ماعلينا من النادي حقي خلنا بناديناااا
اليوم لعبت على الدراجه 10 دقايق وناويه امشي كيلو زي كل يوم بس اليوم للاسف تأخرت
واذا ماصار بنط على النطيطه وانزل واطلع الدرج
بنوتااااااااات لازم تتشجعوو ونتحرك شوي يكفي كسل الصيف جاااااي والعروس جايه ودنا نلبس احلى الفساتين
<<<ناويه على فستان منفوش خخخخخخخخ حلم الطفوله
المهم ياحلوات بوافيكم بالتطورات بالليل
نور موضوعي بالرشيقات ما شاء الله
بنات سوولكم شريط الوزن مو أحسن ؟ لما أشوفه يعطيني دافع الصراحة :wavey:
--
سر الاحساس
هلا حبيبتي
ليش أدوية ؟؟ لالالا يا عمري كلنا ناكل ونترس كروشنا لكن أدوية لأ ديري بالج ترى ضررها أكبر من فايدتها ولو فيها خير جان محد تعب برجيم ولا برياضة !!
خلج معانا نظمي أكلج وشربي سوائل كثيرة خصوصاً الماي وانضمي لفريقنا الرياضي وبتشوفين النتيجة اللي تسرج إن شاء الله :handup:
--
عبير نجد
بخصوص الفستان .. عندي بدلة سواريه رووووعة شاريتها بالسعر الفلاني وما لبستها ولا مرة تخيلي !! الحين السحاب مو تقولين نصه إلا ثلاث أرباعه ما يتسكر :(
يا أنا يا هي :poster_spam:
ويا قلبي لا تشدين على روحج وايد إذا كنتي قاطعة الرياضة لا يحوشج تمزق أو شد عضلي لا سمح الله !!
بشه المنفشه
يابعد قلبي بتلبسينه ان شاء الله قرييييييييب
تسلمين ياقلبي على النصيحه وان شاء الله مااشد على نفسي
بسوي شريط الوزن بعد ماانحف هههههههه
بس اهم شي ياحلوات نستمرررر لان هذا الشي لصحتنا مو بس لشكلنا
سر الاحساس
ياقلبي صدق الادويه ماتفيد الا كلها ترسبات بمعدتك انتي قللي شهيتك بنفسك اشغلي نفسك واذا جعتي كلي خضار وفواكه ومويه
انا جربت كل شي ادويه انظمه غذائيه عشوائيه والله ماتفيد الا وقتها وبعدين تخرب كل شي
*** بنوتات ماقلت لكم تخيلو نص جسمي دهون سوت لي الاخصائيه قياس الدهون بالجسم
صدق تحطمت بس بنستمر بإذن اللللللله
شدووووو ياااحلوااااات
الله يسمع منج يا عبير نجد :1_42:
وترى شريط الوزن يرفع المعنويات لما تشوفينه كل شوي يمشي نحو الهدف .. ياعيني :poster_dev:
وديري بالج من الكولسترول الله يكافينا شره
احنا مو ذابحنا إلا قل الحركة :schmoll:
ر
رفـآعـيـهـ دبـدوبـهـ
عروس مشرقة
10-02-2008 | 10:36 PM
و انا وياكم
وزني 96 و طولي 165 ابي اوصل 60 او 65
الحمدلله مشيت ساعة اليوم
وناسة
ابشركم ياحلواااااات
مشيت كيلو اليوم ب 40 دقيقه يعني مشي سريع على جري خفيف
الحمدلله مره كان حلو والجو حلوو
بشه المنفشه
يابعد قلبب انا هذا المخوفني عشان كذا انا همني الدهون تنزل اكثر من الوزن عشان كذا مدهره رياضه والله ينحفنا كلنا بصحه وعافيه
رفاعيه دبدوبه
ياقلبي مرررررررررره حلو استمري ياااقلبي وحاولي كل يومين ثلاث تزودين السرعه
يااارب كلنا ننزل بصحه وعافيه
اشوفكم بكره ان شاء الله بعد النادي واقول لكم وش سويت
مرحبا بنات
انا توني يديده بالمنتدى وشفت موضوعكن وبصراحه عيبني
فما ادري إذا بتقبلوني وياكن
"انا انط بالحبل قرابة المية نطه متواصله "
اصعد وأنزل الدرج أكثر من 10 مرات
وعندي آلة الاوربت تراك امشي عليها مرتين باليوم بحدود 20 دقيقه للمرة الوحدة
وطبعا اختمها بالمشي بالليل حدود النص ساعه او اقل "
وبما اني ملوله ما استمر يوميا يعني بالاسبوع مرتين او ثلاث مرات
وزني 86 وطولي 168
صباح الخير على الجميلات الرشيقات :cool2:
--
رفـآعـيـهـ دبـدوبـهـ
حياج الله حبيبتي اتنورين النادي
وعلى كلمة وناسه .. اتصدقين صج وناسه
لما اتسوين رياضة اتحسين معنوياتج عالية وإنج بالفعل مسوية شي مفيد :thumbs:
--
همس القلوب
حياج يا قلبي .. ما شاء الله عليج تبارك الرحمن خففي شوي وقسميهم على أيام الأسبوع عشان ما يكون حيل مركز
خوفج باجر انعضل .. ما ينفع أنوثة وعضلات :21_209:
--
عبير نجد
الله يوفقج يارب .. الجو روعة ما شاء الله بس مافي مجال أطلع أمشي تدرين بعد قوانين الدولة :2_106:
ر
رفـآعـيـهـ دبـدوبـهـ
عروس مشرقة
11-02-2008 | 03:44 PM
عبير مشكورة قلبي ع الدافع الحلو مثلج
بشة اي احساس روعة ما ينوصف
همس مثل ما قالت بشة وزعي رياضتج مثلا يوم مشي و يوم الة عشان ما تملين و لا تتعبين
حبوبتي بشة بسالج شلون تسوين مقياس الوزن اللي في توقيعج خاطري اسوي مثله احس دافع و سوري تعبتج وياي ^.^
يا قلبي لا تعبتيني ولا شي بالعكس أنا ودي نتواصل ونشجع بعض واللي تقول تعبت ولا مليت يا ويلها :ok:
اذا تبين اتسوين شريط الوزن دخلي على هذا الرابط :
http://www.tickerfactory.com/
واختاري weight loss
وبيمشي معاج خطوة خطوة .. تختارين شكل الشريط وبعدين الصورة اللي اتحرك معاج وبالأخير يقولج حطي وزنج الحالي و الوزن اللي تبين توصلين له
ترى وايد سهل و إذا عندج أي سؤال من عيوني :shy:
همـس القلـوب
هلا بك عيوني معنا وماشاء الله مررررررره حلو اللي تسوينه
استمررررري ياقلبي
رفـآعـيـهـ دبـدوبـهـ
وينك عيوووووني اليوووم ؟؟ طمنيني عليك ياااقلبي
بشه المنفشه
هلا عيوني لا حنا عندنا شارع للمشي والكل يمشي هناك مرررره حلووو
يوميــاتي **
اليوم رحت النادي ولعبت على البايك شوي
ودخلت كلاس مررررررره تــعبت بعده مرررررره خخخخخ جسمي كله مشدود بس احلى شيي :D
وان شاء الله الليل اروح امشي بالممشى واقول لكم التطورات :cool:
استمـروووووووووو ياحلوااااااات
ياحليلج يا عبير نجد .. ترفعين المعنويات ما شاء الله عليج :smile:
انا عيل توني متغدية وأشوف الجهاز اللي عندي وأفكر متى استخدمه .. توني ماكله وما يصير أستعمله على معدة مليانة
بس شجعتيني أتحرك شوي على ما يتهضم الغدا وأرجع للجهاز
وترى عندنا ممشى رووعة اشحلاته بس قوانين الدولة أقصد بيتنا :poster_offtopic: لازم أحد يروح معاي لأن هناك وايد شباب
يا رشيقات لازم انتابع الوزن لا تنسون اتبشرونا إذا تلحلح الميزان شوي
مادري اشسالفته مغرز هههههههههههه
يااااحبي لك
يلا انتظر تبشريني بعد ساعتين وش سويتي
عندي وعندك خير قوانينا وحده خخخخخ بس انا اسحب اخوي معي غصب خخخخخ اعطيه تشجيع ويقوم :)
انا بالنسبه لي بعد شهر اعطيكم التطورات بالوزن وبالنسبه للجسم اقول لكم كل اسبوعين
ر
رفـآعـيـهـ دبـدوبـهـ
عروس مشرقة
11-02-2008 | 06:16 PM
This ticker only supports a target weight of 100 lb or more.
ما صار فديتج
لالا حبيبتي رفاعية غيري وحدة القياس .. هم حاطينها lb
انتي خليها kg يعني كيلو جرام
و بعدين كملي عادي :)
--
عبير نجد
بصلي العشا وأتفرغ للجهاز إن شاء الله .. ادعولي <<< حشى داشة حرب !!
ر
رفـآعـيـهـ دبـدوبـهـ
عروس مشرقة
11-02-2008 | 07:01 PM
اي صح ما انتبهت
مشكورة قلبي تعبتج وياي
و انا بعد اتعشى و بتمشى ان شاء الله
و بحطه في توقيعي ان شاء الله