ذكرى زواجي+بالصور

مرحبا خواتي ........اخباركم ان شاءالله بخير ..........هذي اول مشاركه لي فهالقسم .وحبيت اني افيدكم باللي سويته يمكن يساعدكم في احتفالياتكم مع ازواجكم :)


راح اخبركم كل التفاصيل عسب الكل يستفيد وبالميزانيه بعد ........

اول شي خل نبدأ بنفسي >>>> رحت للصالون حفيت شعري ب100درهم +حمام مغربي ب100درهم +حنيت ايدين ورجول ب100 درهم+استشوار ب50 درهم .....حلو اتفقنا :wink: بس طبعا مو كلهم في نفس اليوم .

حجزت في فندق الميريديان (ابوظبي) ب800 درهم +16% خدمه =928 درهم مع الفطور طبعا
اتفقت معاهم انهم يرتبولي الغرفه بس للاسف ما سوو ولا شي من اللي قتلهم :confused::confused:وهقوني ورحت اراكض اشتري ورود وشموع امشي حالي وهم يابولي كيكه وعصير والفاكهه؟؟؟؟<<<مشيت حالي فيهم .والحمدلله ان زوجي ما يحب السويت وايديعني ديزاين بس

طبعا فكرت شو اهديه قلت ماله الا قسيمة مساج في نفس الفندق ب250 درهم .........والحمدلله استانس عليها قال فعلا جت في وقتها .........

تاريخ زواجي 8/2 .....طلعت من البيت العصر وقلتله انا رايحه بيت خالتي شوي وراجعه :tongue: وصلت الفندق حطيت اغراضنا ورتبت الغرفه واتصلتبه قال انا في البيت .........قلت طيب انا بطرشلك مسج وانت ترجمه لي ما فهمته <<<قال تعالي البيت وبشوفه قلت لا اللحين ضروري خخخخخ المهم طرشتله مسج مكتوب فيه ((قلبي يسلم على الغالين ..ويبعث ورد وفل وياسمين ..ويقول كل عام وانت بخير..(مرت سنه على زواجنا وان شاءالله باقي العمر) انتظرك ياعمري<<<مريديان غرفه رقم ؟؟؟))

رد طرشلي مسج ((واااااااو حلو ..كل عام وانتي بخير..مفاجأه رائعه )):o:D

وصل ابو الشباب وقعدنا مع بعض شوي وعقب عزمته على العشا وقلتله اختار وين تحب تتعشا قال نفس الفندق ونزلنا تمشينا عالبحر وعقب اختار مطعم تاييلندي وتعشينا ب 191درهم

ورجعنا نمنا وقمنا الصبح وتريقنا وبصراحه كان واااااااااايد حلو بس للاسف ما صورته كنت يوعانه نسيت :ss: والحمدلله كان يوم حلو واهم شي ابو الشباب استانس واتمنى اني قدرت اعطيكم افكار والله يخليلكم ازواجكم ..........
ولاتنسوني بدعوه صادقه الله يخليلي زوجي واولد بالسلامه ان شاءالله
وهذي الصور .......

هذي قسيمة المساج