نولدها ... لا مانبي نولدها ... مليـــــــــــــــــــــــــــت

مرحبا بنات

انا بدخل في مشكلتي على طول و ياليت الي مرت بهالحاله تقول لي والي ماعندها فكرة على الاقل تدعي لي لان حدي محتاجه الدعاء


انا حامل بالشهر الثامن و طول فترة الحمل كنت اشتكي من قلة حركة البيبي كانوا يقولون لي يمكن من التعب انسدحي و ارتاحي و من هالكلام

قبل اسبوع كلمت دكتورتي قالت لي علشان نتطمن روحي سوي تخطيط و فعلا رحت سويته في مستشفى الحكومة و طلع التخطيط جدا ضعيف يعني خط تقريبا مستقيم و قال لي الدكتور لازم ينعاد

ثاني يوم رحت مستشفى خاص و نفس النتيجه قالوا لي اكلي و عيديه اكلت و عدته و نفس الشي سوووا لي سونار و قالوا لي ان كل شي الحمدلله تمام ما عدا الحركة كلمت دكتورتي قالت لي خلاص كل يوم تسوين لي تخطيط

اليوم الي بعده سويت التخطيط في مستشفى الحكومة و قال لي الدكتور لازم تدخلين عندنا استشرت دكتورتي قالت لي دخلي و فعلا دخلت
طبعا ممنوع اي احد يدخل معاي و ممنوع الموبايل و حالتي النفسيه جدا بالحظيظ دخلوني غرفة الولادة على طول و ركبوا علي جهاز التخطيط من الساعه 10 بالليل لمن الساعه 12 الظهر و كل ما ايي دكتور يشوف التخطيط يقول لي كلمة

مرة يقولون نولدها و مرة لأ و على هالحالة بعدها سووا لي سونر تفصيلي و نفس الكلام الحمدلله كل شي زين ما عدا الحركة و صعدوني الجناح

بس يا فرحة مااااااااااااااا تمت
بعدها بنص ساعه بس ركبوا علي جهاز التخطيط و وصل شفت الدكاترة الثاني و نزلوني الولادة مره ثانيه و نفس الكلام دكتور يقول نولد و دكتور يقول لأ لحد ما كلمني الاستشاري و قال ان مافي شي يستدعي ان احنا نولد الحين خلينا نعطيج ابرة دكساميثازون حق رئة البيبي و نخليج تحت الملاحظه و طلعوني الجناح مرة ثانيه

امس خلاص قررت اني اطلع من المستشفى بما ان مافي شي يديد و كل ما ايي دكتور راح يرجع ينزلني الولادة طلعت على مسؤوليتي على اساس اني كل يوم اسوي تخطيط

اليوم رحت سويت التخطيط طلع نفس الشي ضعيف و قال لي الدكتور دخول و نولدج قلت له الكلام الي قالوا لي اياه و اني ما راح ادخل لاني تبهذلت قال لازم توقعين على مسؤوليتج و طلعت

بنات حالتي النفسية تحت الصفر ما ادري شللي قاعد يصير لي او يصير لبنتي ولا احد يدري

شتشورون علي