الحب شوه ويهي .. أرجوكم أبي مساعدتكم ضروري

ما تشوفين شر حبيبتي
انا من فترة صارت لي حبوب بس بمنطقة الذقن وجربت منتجات بيزلين (تلاقينها عند صيدلية رويان)
جربي الغسول ولونه مثل العسل وحتى ريحته تشبه العسل واااااااايد يجفف الحبوب ويشد البشرة
وبعدها جربي ماسك الطين وحطيه تقريبا 15 دقيقة على الحبوب وغسلي ويهج بالماي عادي
وآخر شي جربي الجل المنقي للوجه.. هو بعد مثل العسل بس بسرعة ينشف عالوجه وما يضايق وريحته اشياء طبيعيه وبتحسين بعد فترة الحبوب جفت والاثر مع الاستعمال بيتغير لونه لحد ما يخف

وان شالله اكون فدتج

حبيبتي هذا حب شباب لازم اخصائي جلديه والله كان مع قريبتي نفسه وصفلها الدكتور كريم على مااظن وماني متأكده منه يمكن سوديرم وصفلها معه زي التونك حجمه صغير بس حار يبيله صبر تحط منه الصبح بقطنه بعد ماتنظف وييها وقالها تكثر من الخضروات الورقيه والفواكه مع الابتعاد عن السكريات والدهون (اسم التونك والله ناسيته) راجعي الدكتور وقولي له اكيد بيوصفلج

ما لج غير الدكتوووور الجلدي

مشكوريييين جدا ع المساعدة السريعة

BHR_Sun :

ما تشوفين شر حبيبتي
انا من فترة صارت لي حبوب بس بمنطقة الذقن وجربت منتجات بيزلين (تلاقينها عند صيدلية رويان)
جربي الغسول ولونه مثل العسل وحتى ريحته تشبه العسل واااااااايد يجفف الحبوب ويشد البشرة
وبعدها جربي ماسك الطين وحطيه تقريبا 15 دقيقة على الحبوب وغسلي ويهج بالماي عادي
وآخر شي جربي الجل المنقي للوجه.. هو بعد مثل العسل بس بسرعة ينشف عالوجه وما يضايق وريحته اشياء طبيعيه وبتحسين بعد فترة الحبوب جفت والاثر مع الاستعمال بيتغير لونه لحد ما يخف

بس عفوا شنو هذي منتجات بيزلين ؟ يعني لنا أروح الصيدلية أقول لهم أبي منتجات بيزلين ؟

و صيدلية رويان وين صايرة <<< لاخت ماتطلع وايد من البيت

والطين بعد ألقاه في الصيدليات والا خلطة آنه أسويها والجل المنقي في جل معين والا أي جل مو مشكلة و من وين أييبه

آسفة أسألتي كثيرة بس اعذريني الله يخليج


sdra :

حبيبتي هذا حب شباب لازم اخصائي جلديه والله كان مع قريبتي نفسه وصفلها الدكتور كريم على مااظن وماني متأكده منه يمكن سوديرم وصفلها معه زي التونك حجمه صغير بس حار يبيله صبر تحط منه الصبح بقطنه بعد ماتنظف وييها وقالها تكثر من الخضروات الورقيه والفواكه مع الابتعاد عن السكريات والدهون (اسم التونك والله ناسيته) راجعي الدكتور وقولي له اكيد بيوصفلج

آسفة بس شنو التونك ؟

على كل حال آنه مستحيل أروح المستشفى كفاية رحت مرة وحدة وكشفت عن ويهي بدون فايدة


ماسة قطر :

والله إنج متفائلة يا ماسة قطر

يبا دكاترتكم غييير ودكاترتنا غيييير

دكاترتكم دكاترة صج مو مثلنا .. شاكرة لج محاولتج للمساعدة وبارك الله فيج

BHR_Sun :

بغيت أعرف بعد إذا ممكن إسم المنتج بالإنجليزي إذا كان بالإنجليزي واذا كانت متوفرة عندج صورة المنتج حطيها لي الله لا يهينج واذا كانت مو متوفرة مو مشكلة

وجزاج الله خير الجزاء في الدنيا والآخرة إن شاء الله

ماتشوفي شر اختي
عزيزتي نصيحه انا اقول لج لاتستخدمين ادويه من غير استشارة الطبيب لان
كل وحده بشرتها غير عن الثانيه يمكن تستخدمي ادويه فادت وحده ثانيه وتضري نفسج
وتتضخم عندج المشكله ...
اقولج جربي استخدمي الاشياء الطبيعيه اللي ماتضرج جربي الطين لانه يجفف اخلطيه مع ماي الورد
او جربي البطاطس هنا كاتبين عنها كثير يمدحونها البنات ويقولن مستفيدين من هالطرق .......
واستخدمي صابونه طبيعيه غير معطره لبشرة وجهك......
المهم العلاج الا باشري به يكون اشياء طبيعيه حتى ماتضرج وماشاءالله كثير من الاخوات كاتبين عن اشياء طبيعيه وتجاربهم
بعد اعملي لك بخار لوجهك اذا بشرتك دهنيه كل اسبوعين واذا جافه كل شهر مره
حلو ينزل لك كل الاوساخ اللي بالحبوب ويارب اكون افدتج
وان شاءالله الله يعافيش واخر السوء ياربي .....

في امان الله اختي

روحي طبيب جلدية

rafall , نوفمبر 128

مشكورين على محاولتكم للمساعدة ومثل ما قلت لكم الأطباء ما سوو لي فايدة مالت عليهم

مادري شلون ماخذين الشهادة

ليش ما سيرين عند طبيب جلدي واكيد بيعطيج حبوب اسمها الريو أكوتان وهاي لحبوب معروفه بس تستخدمينها 6 شهور بس بجوفين النتايج بتكون رهيييييييييييييييبه بشرتج بتغير 180 درجه لان ربيعني كان فيها نفسج واخس عنج بعد بس ماشالله يوم سارت عند دكتوره جلديه وعطوها هالحبوب بصراحة شو ويها الحين ماشالله عليها احسن عن ويه وحده موووووووووووول ما ظهرلا حبوب شو نعومه شو صفاء شو لمعه في ويها تقولين ماشالله منظره انصحج نصيحة للله انج تسيرين عند دكتور جلدي

حبيبتي انا من كنت بالمتوسط والثانوي عندي نفس مشكلتج
بس الحمد لله الحين مافي الا شويييييية حبوب حقين الدورة
مع اني مارحت طبيب
من الكسل طبعا
بس راحوا الحالهم مااستخدمت شي
بس الحين استخدم منتجات بيزلين اللي قالت لج عنهم الاخت بس احس ان مابيفيدون معاج لان حلتج صعبة شوي
وهالمنتجات ينفعون بس احس انهم للحاالات الخفيفة
بس بقول لج عليهم
اسمهم بالانجليزي BEESLINE
منتجات لبنانية معظم محتوياته العسل
واشيا طبيعية جدا
وصدقيني ااااامنة ومامنها اي ضرر
والطين هو نفسه من نفس الشركة ونفس الشي الجل من نفس الشركة
وبعد عندهم منقي سايل مثل الماي بس لونه بني
انتي اشتريهم وجربيهم
بس حبيبتي اقراي طريقة الاستخدام منهم

وانا اللي اعرف بنات كان فيهم حبوب نفس حالتك راحوا الدكتور شااااااطر عندنا ومعروف >>>بالشرقية بالسعودية
واكثرهم يعطيهم الحبوب اللي قالت عنها الاخت >>حبوب الاكوتان << او اسمها الرو أكوتان
واسمه العلمي ايزوتريتينوين
هذا دوا لحب الشباب وخصوصا للي حالتهم صعبة شوي
بس لازم تحليل والله نسيت وش هي بس منها تحاليل وظائف الكبد
تستخدمينه 6 الى 7 شهور
بس هذاالدوا يصرف حسب الوزن >> يعني عيار الجرعة هل هي 10 او 30 او 40 لازم طبيب علشان يحدد كم الجرعة اللي تناسبج
حبيبتي اذا ماتبين تتبهذلين مع اطبا اتصلي مستشفى فيه استشاري جلدية واسأليه كم الجرعة اللي تناسبج
قولي له على وزنج وهو يقول لج

بس ابقول لج عن اثاره الجانبيةجفاف جلد وأغشية مخاطية
بس جفاف الجلد اكثر شي بالشفايف تجف مررررررررررة مرة مرة
بس لازم اذا تبين تروح حب الشباب تتحمليييييين
وبعد فيه اثار جانبية ثانية بس مو دايما تحصل مثل ألم عضلي وصداع
بس شرطه ان اللي تستخدمه ماتكون حامل لانه يسبب تشوه للجنين وما تحمل الا بعد فترة من الانقطاع عنه تقريبا بعد 7شهور من انتهاء مدة العلاج>>مو متأكدة كم الفترة بس اسألي الصيدلاني
وفي فترة العلاج ماتكثرين من فيتامين أ مثل الجزر
ومايصلح تتبرعين بالدم ابد
اتمنى افدتك بس مو تقولين انا قلت لك استخدميييه
لاني انا ما استخدمته
والدوا لازم لازم تستشيرين فيه طبيب

اسفة على الطالة
واتمنى افدتك
واي سؤال انا حاضرة

استخدمي مقشر من بودي شوب

تختي جوري أحمر مشكوووورة وايد ع المعلومات .. جزاج الله خير

اختي الجوهرة السعودية بعد مشكورة على مساعدتج

شكرا لكل اللي حاولو يساعدوني عضوة عضوة وجزاكم الله خير

و آنه من كم يوم شفت عدة وصفات على قناة عالم حواء بجربها أول لأنها طبيعية واذا مانفعت بجرب وصفاتكم وأدويتكم

الله يشفيك حبيبتي

بجد مشوهه الحبوب

لاازم أخصااائي واللي ناسب غيركـ مارااح يناسبكـ

انتبهي