مــــن تـــــجــــاربــــي

عروس دبي 27-04-2003 62 رد 7,095 مشاهدة
ع
السلام


حبيت استعرض وياكم بعض المنتجات والمستحضرات للبشرة والمكياج


اللي جربيتها وعيبتني وان شاء الله تجربونها وتعيبكم


اول مستحضر كريم اساس خفيف من ماكس فاكتور خفيف يناسب

الصبح او للي يحب الكريم اساس خفيف وما يعاني من مشاكل بالبشرة

عشان يخفيها
ع
صح كلامج انا مجربتنة اوكية وعندج في رد أيرث كريم الاساس روعة
بس الاحين مخلص
ع
جل منظف روعة للبشرة من هيلينا روبنشتاين بالعسل ....


واستخدم معاه فرشاه مدورة عند بودي شوب نغسل الفرشاة ونحط عليها


شوي من الجل وبحركات دائرية ننظف البشرة نغسلها بالماي الدافيء


وبعدين البارد...


جربوه ....
ع
روج بنفسجي فاتح على وردي بلمعة محببة من ايف سان لوران

لونه تقريبا مثل الروج البنفسجي في الصورة بس العلبة من برع ذهبيه


رقمه 46
ع
من نفس الماركة السابقة ايلاينر كثير مريح في الأستخدام لأنه فرشاته


رفيعة وحتى المبتدئات ما بيواجهون صعوبة في وضع الأيلاينر .....
ع
قلم كحل باللون الأزرق مميز مع الروج البنفسجي اللي ذكرت رقمه فوق


القلم من برع لونه اسود وعليه كتابه بالفضي ورقمه 3
ع
شدو باللون الفيروزي من make up for ever لون كثير حلو لما تجربونه


وانا كنت ادوره من فترة وحصلته في هذي الماركة ودارج كثير في صور


المكياج


اسمه star powder


رقمه 90906


صورة توضيحيه للون الشدو
ع
للي يدور على كحل اسود يجرب لانكوم ...


انا اللي عندي مثل الصورة بس من غير الفرشاة في النهاية يمكن هذا


النوع اليديد
ع
وللحديث بقية ....فانتظروني
م
ما شاء الله عليكي يا عروس دبي :)

دايما مواضيعك حلوة و تفيد البنات (a)


تحياتي...
ع
عوشه المهيري شكرا لج عزيزتي على المرور...


مرموم شكرا لج عزيزتي على الأطراء وان شاء الله الكل يستفيد
ع
يلا نكمل بسم الله


من كريستيان ديور بلاشر لونه وردي حلو دائري الشكل مناسب للشنطة


وفيه من داخل مثل مشخلة صغيرة عشان ما تطلع كمية كبيرة واسفنجة


رفيعة للتوزيع ...



رقمه 825
ع
واللي يبغي نفس اللون تقريبا بس ماركة ارخص يجرب ماكس فاكتور


رقمه219 English ROSE
ح
السلام عليكم

تسلم ايدج .. يالغاليه .. على الموضوع المفيد ..

ويعطيج الف عافيه على الجهد .. ونطمع للمزيد ..:)

تحياتي ..
ع
من كريستيان ديور روج وردي فاتح لونه حلو اذا يتحدد بدرجة اغمق شوي


شكله مثل شكل العطر اليديد من كريستيان ديور ورقمه687
ع
من لانكوم ماسكرا حلوة تعمل على تطويل الرموش وتكثيفها في منها


ألوان بس انا خذت الأسود مالها رقم بس اسمها MAGNIFICILS


صورتها
ع
شكرا لج عزيزتي حوراء على المتابعة وان شاء الله اقدر افيدكم باللي


جربته


ص
ما قصرتي أختي عروس دبي على هاي السوالف الحلوة .....و يا عسى هالتواصل يدووووووووم

أختج
صوغـــــــــــة:)
م
رووووووعه عروس تسلمين
زيدينا الله يخليج
والي بشرتها دهنيه شنو افضل اساس


واللمعه الي بالوجه
وكلللل شي
طماااااااااااااااااعه
بس انتي كريمه
ع
هلا اختي صوغه وشكرا على مرورج على الموضوع ..


هلا عزيزتي مناهل ان شاء الله بكتب لج اللي جربته وشكرا على التواصل


X