سريع وصحى للكبار والاطفال

مستعجله ، تعبانه ، وراكى مشوار ، مكسله ، حتخرجى مع الاطفال للتنزه ومحتاجين وجبه خفيفه وبدل ما تشترى اكل جاهز الله اعلم به

يعنى لاى سبب افتحى الثلاجه وطلعى صدور دجاج بانيه وانقعيها فىماء وخل عقبال ما تعملى الاتى:

قعطى فلفل اخضر حلو وبصل مكعبات
وطماطم مكعبات

اغسلى الدجاج بالماء البارد بعد نقعه وصفيه من الماء

ضعى عليه البصل والفلفل والملح والكارى وشويه فلفل اسمر او ابيض او الاتنين وقلبىجيدا وضعيهم علىنار هادئه مع شويه زيت شمس

وقبل ما تطفى النار بشويه صغيرين ضعى مكعبات الطماطم عشان تبقى ماسكه نفسها

بس خلاص

ممكن تعمليه سندوتشات
ممكن تعملى رز لوحده بجانب الطبق ده
او ممكن بعد ما الدجاج يدخل فى السوا زيدى مايه عليه ثم ضعى الرز معاهم
او شيلى قطع الدجاج فىطبق خارجى واعملى الرز فىالصوص بتاع الدجاج
المهم فى الاخر حيبقى طعمه لذيذ وسريع وسهل وصحى