أحبه بجنووون ولكـــن !!

السلام عليكم ورحمة الله وبركاته
أول شي احب اعرفكم على نفسي
انا "أعشقه" من الامارات
وهذي اول مشاركة لي
اتمنى انكم تقدرون تساعدوني وانا وايد معجبة بهالمنتدى وبمواضيعه
وبالاعضاء

انا عندي مشكلة اعاني منها كل دقيقة وكل ثانية
انخطبت من 3 سنين وخطيبي هو ولد خالي
طبيعتي وايد هادية ما آخذ واعطي مع اي حد الا اللي ارتاحلهم
بدينا نكلم بعض اول ما خطبني يعني من ثلاث سنين وهو كان اول
رجل في حياتي بديت اعرفه اكثر ويعرفني اكثر حتى انه غيرني وايد
خلاني اصير من هادية لوحدة ما تسكت حركية واجتماعية وهالشي وايد حبيته
وعمري في حياتي خلال الفترة اللي طافت ما شكيت فيه
تناقشنا بأمور علاقاته ويا البنات واعترفلي انه كان يكلم وقطعهم من زمان
واني انا الوحيدة الحين اللي في حياته
المهم
اكتشفت انه بعده عنده علاقة ويا وحدة منهم وكانت مستمرة من قبل ما يخطبني
حتى بعد الخطوبة بسنة وانا معاه وانا ما كنت اشك فيه ابدا كنت اثق فيه ثقة
عمياء كنت اعتبره ملاك.. لانه رسم هالصورة في بالي وصدقتها
المهم
واجهته وقلت له اني عرفت كل شي وخلاص كنت ناوية انهي كل شي بيننا
الا انه دموعه هي اللي وقفتني لاني اعرف هو شكثر يحبني وحلف انه ما يعيدها وانها هي اللي تتصله دايما وهو حاول انه يقطعها وخالي يدري بسالفته وقالي انه صح كان يقطعها وهي ترد تتصله
المهم سامحته مع انه انا الخيانة شي مستحيل اغفر له بس من حبي له نسيت كل شي والله
مرت الايام
بس الشك عمره ما فارقني ولا دقيقة وعرسي بعد شهر ونص
اشك في كل حركة يسويها اذا كان عنده خط اشك اذا تأخر في الدوام اشك اذا سرح بعد اشك
ما اعرف شو اسوي اكثر من مرة حلفته انه اذا كان يسوي شي من وراي والا لا ولا فيه فايدة الشك صار في دمي اخس شعور عرفته في حياتي خاطري ارجع الثقة اللي انهدمت بيننا بس مب عارفة كيف خاطري اصدقه في كل شي يقوله لي بس صعبة كل ما اذكر الموقف اقسى عليه وساعات احقد عليه خاطري انسى مب قادرة
اتمنى تساعدوني