..خاطـــــــرة..

..كنت أمشي وراها..تلاحقني
كنت أناظر خطاها..تتبعني
إن خذاني غيابها..صدقوني تحس فيني
و لو جرحني عذابها..تموت و تداويني
كانت..تحن علينا حبيبتي
لما كان هالشوق في لوعته يدفني..تجي و تحييني
تمشي على ألمها..ما همها غير تطفي نار حنيني
تنسى آهاتها تنسى عذابها..لا..و تحاول تشفيني
وينها حبيبتي اللي تعلم منها الاحساس
وينها حبيبتي اللي تحيى بها الأنفاس
وينها اللي كانت بظماها ترويني
تهمس لقلبي حبيبها: "يا نظر عيني"
و بأعذب مشاعرها دايم تناجيني:
"حبيبي كلما تاخذني معاك..و تطير روحي في سما دنياك
و اعيش عمري في بحار فتونك..و تغفى عيني على رعشة دفاك"
كنا شمعتين تحرقنا نار الهيام..نتاجى بوله و نذوب
و يضيع الحكي في هدوء الظلام..آه نحترق و لا عن هوانا نتوب
و نستنا اللي كانت تقول: "كل شي بها الدنيا معقول"
إلا إنني أنساك أو هوانا يزول
يوم نتخاصم يعذبني شوقها و يحرقني بركانها
ما نحتمل و اجري عليها تنسيني العالم و تاخذني بأحضانها
ما نصدق تجمعنا هالساعة سوا
كيف تلاقينا و اتنسينا في أحلام الهوى
وينها اللي كنت أغرق بأشواقها..و ابتعد عنها أعيش بأعماقها
كنا نحكي بحنان الهمس..و كنا نذوب في دفا اللمس
خلاص و بعدما اتغيرت و غابت الشمس
كنا و كنا و لا يمكن نكون ثاني
و يحن جفا اليوم و يعود حنان الأمس