ارجوكم ابغي خبرتكم طفلي بيكمل السنه اكمل على سيميلاك 3 او استخدم نيدو للسنه الاولى؟

هلا اختي ماحبيت مارد عليج مع اني ماجربت الأثنين لكن اشوف الأحسن اتواصلين على سيميلاك 3 مدام ولدج متعود عليه و بعد نيدو سامعه انه مب لي هناك حتى سعره ارخيص يعني اكيد سيميلاك افضل

هلا اختي مشكورة على رايج واتمني المشاركات اكثر

اختي تستخدم نيدو لولدها و تقول انه ممتاز

والله زيك محتارة احيانا اقول خلاص بقلب على نيدو واحيانا اخاف يعتفس بطن جاهل

مشكورين حبايبي

أختى جربي بروجرس عن جد رائع وماشاء الله مفيد فيه كمية كافية من الحديد حسب كلام الدكاترة وطعمه حلو بالفانيلا والعيال يحبونه...

والله يااختي اسمع ناس واجد عيالهم م يكملون اسنه يروحون لواحد غير بس اني ع نفسي للحين مادري اظل على نان1والله اغير ادا كمل سنه

انا ولدي عطيته نان 1 وبعدها نان 2 وبعد السنه عطيته نيدوو

وماشالله ماشي معاه

والبطن يعتفس اذا البيبي بس ياخذ حليب اما بعد السنه ماشالله ياكل من اكل البيت يعني ماعليه خوووف

انا صراحه شفت اطفال يشربون نيديو وماشالله صحتهم كويسه وفي اطفال مايطيقونه يعني من يرضع شوي يرجع لان يكون ثقيل على معدته وانا صراحه بنتي عمرها 3شهور واعطيها سميلاك وناويه اخليها عليه لما تكمل السنه

انا بدي بنتي نيدو اول ما كملت السنه ومفيش مشكله الحمد الله . بس تذكري يا حبيبتي نيدو بعد العام الاول وليس نيدو العادي بتعنا اللي الكبار يستخدموه .

أنا استخدمت لبنتي سيميلاك 1 و 2 و بعدين 3 و يوم كملت السنتين غيرت لها لحليب نيدو..
و الحين ولدي اعطيه سيميلاك 2 وانشاالله باكمل له نفس اخته..

والله انا زيك اختي محتاره ابدل لبنتي وانا اعطيها هالحين كيكوز,,,

انصحج تكملين عالسيميلاك...هذي كانت نصيحه الدكتور بعد لانه فيه مواد ضروريه لنموه...حاولت اغير لنيدو ما اتقبله ابدا ولا رضى يشربه..وبعدين من مدح البنات لبروجرس جربته و الحمدلله عيبه و من يومها استخدمه ...

الغالية انا اعطى ولدى حاليآ سيميلاك2 واذا كمل السنة ان شاء الله مثل اخوانة بأعطية المراعى كامل الدسم انا اشوفة جدآ رائع اما بلنسبة لنيدو انا ما افضلة للأني احسةثقيل على المعدة

مشكورين اخواتي

لاعطيه نيدو بوسنه الخاص للاطفال وايد زين ويعطى صحه لطفل

انا استخدم سيميلاك1 حق ولدي
ولدكتور نصحني في سيميلاك قالي انه نوعيه جيده
وبالنسبه لبنتي عمرها سنتين استخدم لها نيدو وماشي حالها بس كانت تشرب نان1 ونان 2

انا سمعت ان نيدو الخاص بالاطفال مرشوش فيه سم في مصانعهم
وان في اطفال اماراتيين تسمموا منه مادري عاد انا قالوا لي ان قالوا في الراديو
بس كلمت دكتور بنتي قالي كلام فاضي وماعليج منه وكملت نيدو


صح ترا تذكرت شي ياليت لو ولدج يشرب حليب المراعي الفرش اللي كل 4 ايام تنتهي صلاحيته مب هذاك طويل الامد
لان الدكتور نصحني فيه ويوم عطيته حق بنتي ارفضته لانها تعودت على طعم النيدو للاسف

بنتي كملت عليها سيميلاك 3 دكتورة نصحتني فيه