من نفسي ؟!

ما بترتاحي الا لما تكبر اشوي وتمشي وشكلك معودتنها تكون عندك دايما
ماتتركيها بعيد عنك

ابوها لازم يساعدك يا انه يمسكها او يساعدك في شغل البيت اما ادا مايقبل يساعدك يجيب لك

شغاله تشتغل بالساعات وكده بترتاحي من الشغل وبتكون بنتك في حضنك

سويت

كلنا تعبانين حبيبتي يمكن لان هذاا اول مولود ويمكن لان ولادنا صغار بعدهم يعني لو عدنا اخ كبير يمسكهم بشغلنا كان بيخف هذا كله
انه الحين قلت مافي الا اسوي لي جدول تنظيم وقت ارسمه على كيفي بالمواعيد الي تناسبني وقت اخليه لككل حجرة بالشقة ووقت لولدي ووقت لنفسي لان يحتاج اععطيها حقهاوزوجي
وان شاء الله تنجح واعتقد لازم كلنا نسوي جذي
ونحاول قد مانقدر نرتب نفسنا نقعد ن 7 الصبح ولا ما بتقدرين تكملين شغل البيت

سبحان الله كأنش تتكلمين عني بدون مبالغة ولاني ساكنة بروحي ما عندي احد يساعدني

وساعات زوجي يقولي خذي فطوم وطلعو من الحجرة ابغي ارقد :21_161: اقوم اروح بها الصالة وانا منقهرة هذا بدل لا يساعدني عليها :mad2:

وعن اشغال الشقة ما اشتغل الا اذا نامت مع انها ما تطول بس اسوي الي اقدر علية ..

اني بعد بنتي ما تخليني اسوي شغلة في البيت

و لاعندي احد يجودها و حتى اخليها اقبالي و اشتغل اتصيح

و الاهل و الأصدقاء يقولون الية ليش ماتجينة بيتنة

و الله ما ادري ويش اسوي

و اذا حد عندة حل خلة يعطينا

و الله يساعدنا

هههههههههههههههههههههه

بناااااااات هم يضحك وهم يبكي

كلنا نعاني من نفس المشكله اقول للوالده شلون قدرتون اول تربون با السته والسبعه واحنا الحين واحد مو
قادرين

اول البيت ويش كبره ويطبخون وينظفون ويطلعون بعد

الحين احنا شقق صغار وما نطبخ الا قليل ولا نقدر نطلع يتراكم الشغل ونصيح من اولااادنااااا

الصراحه ما ادري شنو نسوي الحمد لله مو بس اني اعاني الكل يعاني

الله يساعدك اختي .. والله بجد صعب مسؤولية الطفل تصير كلها عالأم .. ! تعب عالجسم و النفسية ..

كان المفروض من البداية زوجك يتعود انه يقاسمك الدور .. و فيه رجال عبالهم ان هالمسؤولية على الزوجة بس و من الخطأ انهم يساعدون .. و دورهم الوحيد توفير غذاء الطفل و ثيابه و باقي المستلزمات ! و فعلا هاي شي خطأ !

اللي عليك تسوينه الحين انك تبدين تطلبين من زوجك انه يشاركك التعب ، يعني مثلا لما تلبسين بنتك ثيابها ، اتركي الجوارب و الحذاء هو اللي يلبسها .. و مرة ثانية اتركيه يحاول يعطيها أكلها دام انتي مشغولة .. و مرة ثالثة يدخل معاك الحمام عزك الله و يعطيك الشامبو من على الرف او يمسكها دام انتي تغسلين لها شعرها او بالنهاية ياخذها منك و يلفها بالفوطة و انتي ترتبين مستلزمات تحميمها .. و كل هالاشياء طبعا تطلبينها باسلوب حلو و بكلمات يفهم منها انه جزء من المسؤولية مثلا ( حبيبي جرب تلبس " بنتك " جواريبها حتى تتعود أكثر عليك ) ..

بهالتدرج راح يتقبل زوجك هالفكرة و ما يكرر و يطلب منك تطلعين من الحمام حتى تاخذين البنوتة .. !

و ان شاء الله بتحسين بالفرق ! تصدقين ان ولدي يحب ان ابوه يمشط شعره و يلبسه حذائه و انا يهرب عني !

السلام عليكم انا اعاني من نفس المشكلة ... وبنتي عمرها 8 شهور بعد وصياااااااااااااااااااحه وعايشه بروحي في امريكا ... يوم ابغي اطبخ اعطيها بسكوت في ايدها وخليها تمصص وتقرض ههههه واذا ابوها موجود نفس الشي اعطيها اي شي تاكله واخليها حذاله واذا صاحت بدون سبب اخليها تصييح ما اشيلها ... واذا حسيت انه مزاجها واااايد متعكر اسبحها وخليها تلعب في الماي اللين تعيز
بتقولون برد .... انا اشغل الماي الحار الين اسوي بخار فالحمام وما اطلعها الا اذا جسمها جف وشعرها بعد .. في اغلب الاحيان ترقد عقب السبوح ... اذا مارقدت يكون مزاجها احسن ... بعدين مب كل يوم اطبخ كل يومين اليوم اللي ما اطبخ فيه اختار شي انظفه مثلا الحمامات ... واليوم اللي عقبه الغرفه ... وجيه ومحدده يومين حق الغسيل فالاسبوع ... وبس

الله يكون في عونا

انا بعد تعبانة من ولدي وايد والحمد لله زوجي يساعدني اشوي بس هو في الشغل ويرجع تعبان والليل لازم ينام لانة عليه قعدة من الصبح وبصراحة الرجال معذورين اشوي لكن بعد حرام تكون مسؤوولية الطفل كل على الام انا ولدي لما كان عمره شهور للاسف زوجي يجوده ربع ساعة اذا طول ويناديني تعالي لولدج غربلني وانا اتعب وايد طول اليوم في جبدي ولا اقدر اتحرك منه بس الحين ولدي كبير عمره 3 سنوات ونص يعني هو مو مقصر في ابوه بس بعد متعلق فيني اكثرررر وانا صج مستغربة من امهاتنا اشلون يجبون عيال على بعض ويربونهم ...؟؟؟؟؟

أختي .........التنظيم حل لمشكلتك ......أختي انا بشتغل وما عندي شغالة ويخلص دوامي 4 العصر واجيب ابني وبعدين اتغدى انا واياه (يكون زوجي تغدى بروحه ) واخلي ابني بجانبي ومرات انام يمكن نصف ساعة اذا ابني ما نام واذا نام انام معاه بس ساعة واصحى على 5:30 العصر اعمل نسكافيه وبعدين اشوف البيت طبعا انا حاطة جدول بالغرف والمهام وكل يوم غرفة (2 ساعتان تقريبا ) ثم ارتب البيت ككل بس يكون ترتيب عادي يعني مسح طاولات وتكنيس طبعا يكون ابني صحى على الساعة 6:30 اخليه يشوف التلفزيون او يلعب بجانبي ومرات اخليه يرتب معي خخخخخخخ وبالعكس فترة الترتيب عندي فترة لعب لانه اقدر اتكلم وياه والعب معاه واعطيه اشياء يلعب فيها وصدقيني عودت ابني يرتب معي مره بالضحك ومره بالصراخ لحد ما فهم ....قبل ما ابدأ بالمطبخ والحمام ارتاح وأكل ابني طبعا نسيت اقولت اثناء الترتيب ارتاح 10 دقائق في الصلاة و اغير لابني ملابسه وبعدين انطلق للمطبخ ارتبه واجلي واشطف واطبخ لليوم الثاني (الطبيخ يوم بعد يوم ) واعمل العشى لزوجي (بيجي 10:30 بالليل واخليه يتعشى واعشي ابني ثم اسبح ولدي واخلي الولد عند ابوه يراقبه وهو يلعب وطبعا افتح التلفزيون وبعدين اروح الحمام انظفه واستحم طبعا تكون الساعة 12 بالليل وطبعا اكيد يا اختي الا ما يزعجني ابني ويلاحقني لكن اطنشه في اغلب الاحيان وعودته لما اكون مشغوله واطنشه مفروض يسكت مرات ما يسكت فاترك الشغل واشوفه .........انا عارفة طولت عليكي بس حبيت احكيلك جدول يومي كل يوم ماعدا الجمعة الي يكون عندي طلعات وسهرات واعوض حبسي في البيت وشغلي فيه وتعبي مع ابني في ها اليوم ......فانصححك بتنظيم امورك بالتدريج و لا تتكاسلي ابدا وحطي جدول بالبيت والمهام ..........الله يوفقك ويسعدك

معلش حبيبتي معظم الاطفال كدة وانا برضه لوحدي و بنتي مش بتخليني اعمل اي حاجة
شايلاها لى طول
و جوزي يلعب معاها حلو اوي بس اول ماتبكي يقول شوفيها مالها
الله يهدي اولادنا وازواجنا يااارب

انا اوافقك الراي اختي gha1982 ... تنظيم الوقت وعمل جدول ,, يعني كل يوم شي ,,, الطبيخ مش كل يوم بل يوم بعد يوم ,,, والحمامات كل يوم ,, ومعها ممكن غرفة في البيت ... والتكنيس مش كل يوم ممكن يوم بعد يوم يبقالك الترتيب والمطبخ .. بس انتي لازم تعودي بنتك على عدم الحمل ,, لانه باتعبك كثير ,, خليها تبكي .. باتبكي وتسكت ,,, ما باتموت ,, بس انك تكوني تحمليها طوالي هذا العذاب بعينه .

والله يعينك ..

الله يساعدش خيو ،، سوي نفس ما قالوا البنات جدول وامشي عليه لانه اني يبي ليه اسوي جديه وقولي لزوجش يجيب ليش شغاله وحني عليها للين ما يجيبها ،، وإذا انتين ساكنه في بيت عمش وعندهم شغاله خلها تجي تساعدش،،، وإنشاله بتكبر البنت وبتخف المعاناه ،، اني بنتي توه عمرها 45 يوم بس بيت عمي يساعدوني والحمد لله حتى اول ما ييت وكان زوجي يحن تعالي ابغيكم وما ادري ويش ولمه ييت الشقه صادني احتقان ومرضت صخونه وصدري حليبه ما يطلع بس ساعدني وكانت بنتي مع يدتها يزاها الله الف خير ،، بس بعدي لا حياه لمن تنادي اهو انام وله يدري عن شي ،، واني اعذره لانه شغل ولا بعد يشتغل اوفر تايم عشان انلحق على المصاريف ،، الله يكون في العون

الله يساعدكم جميعا الظاهر اولاد الحين كله جذي لصقة الماما
لان بنتي الله يخليها جذي ماتبي احد غيري وابوها مع العلم اني اطلع بها واجد واروح بها بيت ابوي يوميا ساعات اذا نوت تروح الى خالاتها ربع ساعة بالكثير ومن تشوفني تموت من لصياح
ابوها عادي تروح ليه مسكين مايقصر يقعد وياها في الليل ساعات يجودها وينيمها عني لاني اطفش ساعات اذا موراضية تنام ياخدها
ولا عرف اسوي منها شي ابدا قمت اخليها في المشاية وانقلها ويايي وين مااكون ابدا ولاتسكت بس اخليها تصيح شي لين اكمل الشغل اللي بأيدي
انزلها بعض الاوقات بيت عمي هم ماتبيهم اركب عقب 5 دقايق يجيبونها تصيييييح
شنو اسوي معاهااااااااااااااا
في بعض الاوقات اذا بطلع سوق او شي اخليها في بيت ابووي لان الجو بارد مااطلعها واذا ارجع ساعات يقولون ماصاحت بس تزن وان شاء الله تعود

الله يساعدك والله

اهو بعض الأزواج هالشكل إذا الطفل صغير

الله يخليها لكم بس خلي في البداية نومتك معاها وقعدتج عشان إذا اهي صاحيو ونتي صاحية في الوقت اللي تكون فيه ساكته تقدرين اتخلصين شوي من شغلج

ام حبيبي وسام;5133013:
انا اوافقك الراي اختي gha1982 ... تنظيم الوقت وعمل جدول ,, يعني كل يوم شي ,,, الطبيخ مش كل يوم بل يوم بعد يوم ,,, والحمامات كل يوم ,, ومعها ممكن غرفة في البيت ... والتكنيس مش كل يوم ممكن يوم بعد يوم يبقالك الترتيب والمطبخ .. بس انتي لازم تعودي بنتك على عدم الحمل ,, لانه باتعبك كثير ,, خليها تبكي .. باتبكي وتسكت ,,, ما باتموت ,, بس انك تكوني تحمليها طوالي هذا العذاب بعينه .

والله يعينك ..

انا معاهااا (y)

كأنج تتكلمين عني بالضبط

انا ساكنة بروحي من جذي اودي بنتي عند احد واستفرد بروحي في تنظيف الشقة..
والا ماكو حل..

اضطريت امس اخليها تصيح وانا اشتغل لأن محد كان يقدر يجودها..
شنسوي؟ لازم نتأقلم
وعلى قولة البنات نحاول نسوي جدول لتنظيم الوقت

ثانياً كلام أنثى أحسه حلو ومنطقي
راح أحاول وحاولي معاي نكون صبورين..
والله يقدّرنا