السلام عليكم ورحمة الله وبركاته
ابي حل الى ولدي عمره 3 سنوات و3 اشهر وايد وايد تعبانة صاير لي عنود وشيطان يحب بعاندنب وطول اليوم بس اصياح ومناح لي في البيت ومن يشوف اخته اللي توها 3 اشهر يروح لها وانا غافلة ويقعدها من النووم او يتم يصارخ بأعلى صوته في البيت غير هذا السهر اللي ذابحني فيه يعني يرقد لي الساعة 3 الصبح او 4 وقعد لي بين فترة وفترة من ارقاده ويتم يصيح من قمة راسه ومن دون ما يتكلم بس اصياح وانا اكون في هالوقت وايد معصبة بس اتمالك نفسي !! ما اطقه بس اعصب وارفع صوتي وزوجي ما يعجبهاني اعامل ولده جذي يقول لي انتي وايد عصبية والله ان بالعكس ويه ولدي وايد مدلعته يعني طول اليوم مفضية روحي له اقعد العب وياه واطالع وياه تلفزيون ومرة وحدة اشوفه يعصب ويقول لي انا ما احبش وانتي مو ماما انا ما ابيش >> صج هالكلام من ياهل بس انا احس نفسي وايد اتحسس واقول ليش ياربي ولدي جذي صاير
غير هذا احس انه على طول يبي يشغل يدي وياه يعني ماما رسمي لي ماما تعالي وياي ماما انتين لي بروحي تعالي قعدي وياي قبال التلفزيون اتعالي وياي الحمام وانتو بكرامة وانا اليوم من جد عصبني وطقيته لان انا اليوم في بيت هلي ومفشلني حتىامي هاوشتني لما شافتني اطقه مع انيوالله ما احب طق اليهال ولا اشجعه بس اذا جدي بيعور قلبي وبيجنن اخته ويظل يقعدها وهي راقدة انا بستخف وبستجن
اتمنى الاقي حل شنو اسوي له ي برنامج في شي له والله كل من يشوفني ويشوف عناد ولدي يقول لي الله يساعدج مع انه ما كان جدي .. في انتظار ارائكم وردودكم لي
اخر الايام اشوفه دايما يخلي يده في بوزه انا خايفة ان ولدي وياه شي ؟!
