المدرسة هم للم قبل الطفل .. تعالوا شوفوا حالتي ؟؟

يا امهات ساعدوني بنفجر من التفكر

صدق مرحلة ما قبل المدرسة هم وتفكير مو بس للطفل ..للام بعد

تخيلوا من كمن شهر وانا افكر اي مدرسة اودي حمود محتارة من ينصحوني بمدرسة على طوول ثاني يوم اتصل فيهم وتسال عن المناهج وعن اسلوبهم فالدراسة ..

الحين ولدي محمد وقت التسجيل بيكون عمرة 3 سنوات و3 شهور ومحتارة بين 3 مدارس :

1) مدرسة رويال دبي ... طبعا المنهج كله انجليزب امريكي يبتدون يعطون الدين والعربي من سن ال6 سنوات .. وطلابهم اكثرهم اجانب من انجليز وهنود في شويت مواطنين...

2) مدرسة الاتحاد الخاصه الي في الممزر ... بيقبلونه بري كيجي وبيهياونه للكيجي لانهم يقبلون كيجي من 3 سنوات و7 شهور .... بيعلمونهم عربي وانجليزي مع ايات قصيرة من القران ...

3) دبي الدولية .... يقبلون الكيجي من 3 سنوات طبعا يشوفون مستواه اذا مقدور اذا مب مقدور يدخلونه بري كيجي .. ومنهجهم نفس الاتحاد بس مع منهج اضافي الي هو الفرنسي ..


شو رايكم يا جماعه والي عيالهم في احد هاي المدارس يكلمني عنه وكل وحده تدخل تعطيني رايها في اي مدرسه ادخله ....