هل أنا أم فاشـــــــلة..؟؟

مرحبا بنات


زمان ما نزلت موضوع و نادر ما أنزّل أصلاً..

و هذه أول موضوع لي في هذا القسم ..على ما أظن و ان لم تخني الذاكره ..


لكن يا بنات الله يخليكم لا تبخلو علي برد واضح و فيه من التفصيل و الحلول الأكيده

لنه أنا شبعت كلام ع الماشي و حلول من هنا و هناك ..

و نصايح على كثرتها بس مش في محلها أبدن ..مع ولدي ذا ..!!



الزبده مطلع لي قرون ..حاليا عمره 3 سنوات و 3 شهور ..و هو وحيدي ..لسه ما حملت بآخر ..


لو أقولكم السبب هو ..ما بتصدقون ..!!


لكن فعلاً ولدي هو السبب في تأخير حملي أكثر من 3 سنوات ..!!


تاعبني و كل ما اشوف تعبه و مجهودي معاه ..أشيل فكري عن انجاب المزيد ..!!

رغم انه نفسي أحمل مجددا كل ما شفت بيبي صغير ملفوف بالللفه ..


يعني أحن لأيام الحمل و انه يجيني بيبي كتكوت ثاني ..


بقولكم مشكلتي مع ولدي ..بشرح مفصل شوي ..


طبعا بما انه الوحيد و كما قالت آخر البحوث ..)طلبات الطفل الوحيد أوامر)


طبعاً انا يشهد الله أحاول ما أعطيه كل شي يبيه عشان لا تتحق صحة البحوث هذه ..


و عشان مابيه يطلع مدلل ..


بس هو طالع مدلل غصب ..

لنه اذا انا شديت معه ..فأبوه يرخي ..و هذا غير اهلي يرخون و اهل زوجي كمان يرخون معاه

هو مدلل العايله الكريمه كلها ..

وين ما يروح ..طلباته أوامر ..معاملته غير ..


يعني ماما مثلا ..ممكن تضرب عيال اخواني الثانيين بس هو مهما عمل ما تضربه ..!!

بابا نفس الشي ..

و جده و جدته لأبوه نفس الشيء..



خواتي برضو شايلينه على كفوف الراحه ..!! و يفرقون كثير بمعاملته عن معاملة عيال اخواني الثانيين ..

يعني تصدقون اذا اقولكم حريم اخواني صايرين حاقدين علي و على ولدي

بسبب التفرقه في معاملة ولدي من قبل ماما و بابا و خواتي..!!



مدري اش السبب بالضبط .. هل لأنه انا كنت البنت المدلله قبل زواجي عندهم..؟؟


والله مدري يا بنات ..

الزبده ولدي عنييييييد و كل شي يبغاه و عادي يقعد يصيح عليه بالساعات لين ياخذه ..

ثانيا المشكله الكبيره بالنسبه لي ..انه مشالله عليه حافظته قويه جدا بشكل ما تتخيلونه ..

يعني اذا قلت له بس خلاص لا تبكي روح نام يلا و بكره الصباح ابوديك عند خالتك ..

راح ينام و اول ما يصحى الصبح ..راح يقول ماما وديني بيت خالتي ..؟؟


ناهيك عن الكلمات يلي يلقطها من هنا و هناك و يرددها ..عاد اذا كويسه تمام لكن اذا سيئه خلاص ..مستحيل يرتكها ..حاولت اني زي ما قال الاخصائي انه قال كلمه وحشه لا تهاوشيه لكن طنشيه كنك ما سمعتي ..و اذا قال كلمه حلوه اعطيه شوكلاته مشان يصير معه ارتباط انه اذا

قال الكلمه ذا ياخذ حلاوه و اذا قال ذي ما يحصل شي ..و راح يتركها ..

لكن عبثاً راحت محاولاتي ..


ولدي يتشبث بكل ما يسمعه ..و يردده في كل وقت ..و احيان يسوي له لحن ..و يقعد يقول كلماته اللي حافظها بطريقة انشوده ..يعني على لحن فهمتوني ..

و ذي برضو نقطه تزعجني انه مشالله عليه ما يسكت ابدن ..يرغي كثير..مزعج مره ..

و صراخه لما يبكي يجيب لي صداع ..أقوى حاجه فيه حنجرته ..والله تعبت يا بنات


تلقائيا اروح احبسه ف غرفه و اقفل الباب مشان امنع صوت صراخه يوصل لي ..


طبعا ادري مو زين كذا ..لكن هذه هيه طريقتي الحاليه بعد طريقة الضرب..و اتوقع انها افضل

ع الأقل بالنسبه لي ..لنه كنت شايله هم ضربه و كان نفسي اعتمد ع طريقه ثانيه غيرها

تكون أصلح و افضل ..و ما لقيت الا ذي رغم انها أكيد طريقه فاشله ..

بس دلوني ..

وش أسوي مشان أحد من عناد الطفل ذا و صراخه الحاد ..و كلامه الكثير ..؟؟


حتى بالسياره مشالله ما يسكت ..يعني انا و ابوه ما نقدر نسولف ..بس نجاوب ع اسئلته

او نرد ع كلامه ..لغاية ما نتعب و نسكت احنا و يقعد هو يكلم روحه و يردد كل كلمه حافظها..!!

تتوقعون ذا شي طبيعي ..

بليز لا تقولون ايه ..

انا عايشه في بيئه كبيره و اطفال حولي كثار من أهلي و جيراني ..

و صديقاتي ....صدقوني ما لقيت شخصية طفل فيهم زي طفلي..؟؟!!



مدري الغلط وين ..فيني و الا طفلي ..و الا في بيئتي..؟؟

ساعدوني ...


كيف اتعامل معه بالهدوء..

تراه عنيد ..و لا تجي وحده تقولي اذا كان يبغي شي اطرحي عليه شيء آخر ..لنه ما ينسى والله ما ينسى

يعني اذا قلت له لا تبكي الكوره ذي مو حلوه و راح بدلها اعطيك شوكلاته ..راح يقول اوكي ماما
هاتي شوكلاته و بعدين اعطيني الكوره ..


بخليها ف باله و بقعد يبكي عليها لما يخلص الشوكلاتا ..فهمتو..؟؟

والله تعبت منه ..


أبوه يقول ذا مشكلته حافظته قويه مشالله ..

بالله وشلون اتعامل معاه ..و خصوصا اذا يبكي ..وش اسوي أحد من صراخه ..؟؟


حاليا احبسه بالغرفه ..و أول كنت اضربه ..




أمانه نفسيتي تعبانه و آسفه للاطاله ..


لكن اللي بتكتب لي كلام عام و نصايح عابره ..و مكرره كثيراً لا تكتبها لنه ما يرفع ضغطي غيرها

ابغى حل أحس انه جديد و فعال ..

ابغى حل أحس انه اللي طرحته فعلا قرت مشكلتي صح ..!!


لنه يا بنات انا تعبت و لفيت و تعاملت مع اخصائي بمشكلة ابني ..و لسه ما حصلت حل مناسب ..


اتمنى تقدرون وضعي..فيا ريت يلي ما معها حل ..تكتفي بالدعاء لي..


و الله يهدي الجميع و ييسر امور الجميع و لاحد يزعل مني ..


تحياتي


شذى