لعبت بأسناني في هالحمل..واتحمل النتايج الحين

الله يعينج اختي ادعي وايد ان شاء الله ماشي يضر البيبي يارب
اختي انا كانت مشكلتي مشكله مع الاسنان لدرجه في شهر العسل اسير اتعالج جلسات مع العصب وغيره الناس يفكروني ضاهره اتمشى وانا ضاهره اتعالج:ss: المهم الغاليه انا يتني تقريبا نفس حالتج الدكتوره اونها شالت العصب كامل بس تعالي شوفوني والله ما نام من الألم اصيح وبعدين
سرت عند دكتور مازن عيادة الصباح في الباهيه ماشاء الله عليه والله كثر ما بمدح شغله مابوفي حقه اللهم لك الحمد اول ماشاف الضرس قالي من هاي الدكتوره إلي قصت عليج وقالت إنها سحبت العصب :( بعده موجود المهم شال العصب وحشاه وحشا الضرس والحمد لله ماحسيت بشي
اختي تقدرين توقفين حاليا من العلاج لين ماتربين عشان ماتضرين عمرج او تعالجي في مستشفى الحوامل إلي ترجعين حملج فيه والله يعافيج الغاليه

الله يعافيج ويعفو عنج

قصنتج قصة... وربي يعينج


وقفي علاج الين تربين وعقب سوي اللي تبينة ...

وربي يسهل امرج

روحي فداك ..

فديتج الاسنان الي تعورني الحين فيهم عصب يعني مب منشل ..وهالدكتور وايد شاطر يعني في الصيف اتلعوزت وايد واغلب الدكاترة ما عرفوا لي للحين وهو عرف من يلست على كرسيه السالفة ومن بعدها انا بخير ..
بس اتصدقين الجل الي وصفه لي .. استعملته مرتين بس للحين .. وماشالله ماشالله اتغديت من شوي وماعورتني اسناني ..يعني الم اخف عن قبل بوايد .. قبل ما روم اكل شي ابد ..

ام نيلا.. ترا انا اصلا وقفت علاج وخلصت من عنده ما رديت له اللا لما ياني الم.. وتوبه العب بأسناني وانا حامل ..

والله الوحدة ما تعدل اسنانها اللا اذا مضطرة اما مني والدرب ما تسير تلعب بهم

لاوالله ماعليه كلام هالدكتور الله يوفقه


خلاص تبتي هذا درس لج عشان ما تلعبين بأسنانج اوكي موفقه الغاليه:)

اهلين عيون وما تشوفين شر ان شاء الله ..


انا عانيت من اسناني في بداية حملي الثاني ولما رحت سووا لي حشوة مؤقته وبدون بنج لاني كنت توني 6 اسابيع فقط ، وبعدها قام يألمني ضرسي وكنت مستحمله ولما كملت الشهر ال3 ودخلت ال4 جاني الم فظييييع فيه فركضت في نص الليل الى اقرب عيادة اسنان فاتحة ولما كشف على الضرس قال ان العصب ملتهب ومحتاج الى علاج عصب او قلع .. ولاني كنت حامل قال ما يصلح اسوي علاج العصب فقلت له قلعه خلاص هههههههههههههههههههههه بس زوجي ما رضى اقلعه وطلب من الدكتور يعطيني مهدئات وكتب لي على بندول ومضاد ..

انا بصراحه تخوفت من المضاد فاستخدمت بس البندول وكان اوكى معاي ..

وكانت معاي في نفس الفترةاخت زوجي حامل وعندها مشاكل مع اسنانها وقالت لي عن دوا من الصيدليه اسمه مسمار حار هو وايد اغمس قطنة فيه وبعدين اخليه على الضرس ويخف الالم وجربته كذا مرة ونفعني ..

وتصدقين اني للحين حاقرة ضرسي ولا عالجته واذا يدق علي بقوة اشرب بندول مع ان السالفه بتكمل سنتين لكني مستحمله <<<< عندي فوبيا طبيب الاسنان :(

والله يا ماما حسون اكره ماعلي ويع الاسنان والله

هلكت بس شسوي الحمدلله على كل حال .. لو الضرس مسوس او محفور مب مشكله

بس يكون الضرس سليم ولا فيه شي هني المرض ..

اتمين محتارة ومحيرة الدكاترة ما يعرفون شو يسوون لج..

:( صدق نحن الحوامل مجاهدات.. الله المستعان

اختي والله ما عندي فكره

لكن الله يعينج و يخفف عليج يارب

مرحبا

والله اجيتي على الوجع,, انا توني في الثالث ,, بس بعد اسبوع بدخل في الرابع ومقررة اسال الدكتورة لان عندي سن كنت مسويتله حشوة مؤقتة لانو انا بعد عندي فوبيا اسنان مش طبيعية,, وبس اجلس على الكرسي يجيني وجع بطن مش طبيعي ,, واخر مرة رحت قبل العرس عشان انظف اسناني صرت ابكي من الخوف,, والله فشيلة قدام زوجي,, بس انا والاسنان مانتفق ابدا,,

بس انا الحين السن وايد معورني والحشوة وقعت والسن مفتوح ,, وكل مااكل شي يضرب براسي الوجع,, بس خايفة اروح دكتور عشان الحمل,, والله ربي يعينج ويعين الكل,,,

بس شكلي بتحمل وماابتدي العب بنفسي لغاية مااخلص الحمل على خير وسلامة وبتحمل الوجع ,, شو بسوي يعني,, الله يعينا

انا ركبت تقويم في بدايه حملي وقالولي عادي ....

وهالفتره كانوا بيسويلي جراحة لثه وسالت الدكتوره قالتلي عادي ... بس الجراح قال ما ينفع لانها حامل وبتتاثر لثتها... وقال والافضل عقب ما اربي

بس من يومين احس بوجع في اسناني...؟

الله يعطيج العافية ان شاء الله ....

بقولج عن زوجة عمي ... يحليلها في كل حمل لازم تعاني من اسنانها وما تنام الليل وكل حمل لازم تقلع ضرس واحد .... الحين ولدت وهذي خامس ولادة حقها وقلعت خامس ضرس يحليلها خخخخخخخخخخ والله ما اضحك عليها بس ارحمها والحمدلله الله ما بلاني بهالشي ...

يالله .. الله يعينها الصراحة ..

الحمدلله انا فترة وطافت .. الحين الم خفييف شكله الجل الي عطاني اياه الدكتور له مفعول الحمدلله

مأساه والله عوار الاسنان

عيون بوظبي ممكن اسم الجل بالانجليزي^_^

الله يشافيك أنشاء الله

دخلت ادور حل
الدكتوره امس تقل لانج بشهورج الاولي
احتمال تنفصل المشيمه
لاتسوي شئ
بس اليوم متوعده اروح اقرب عياده
ضرسي طايح ولاعب فيني والله