يا بنات تعالوا شوفوا قصتي هذا الشهر !!

مساء الخير بنات :)

شخباركم ؟؟


(f)





بنات مثل ما تعرفون انا عندي اطفال اثنين ووراي دراسة وولدي الصغير توه صغييير ، عمره سنة وشهرين وما افكر احمل الحين ابدااااااا واتمنى انهم يكبرون وارتاح شوي بحياتي .. لكن من شهر او اقل بس خلصت الدورة جاني احساس قوي ان بحمل هالشهر وكنت مستغربة من احساسي وخايفه رغم ان زوجي يستخدم طريقة العزل لمنع الحمل لكني كنت خايفه لاني حملت عليها بولدي الثاني ..
وبعد اسبوعين من الدورة قمت الاحظ ان عندي اسمرار في رقبتي وخفت زيادة وكنت ساكته ولا خبرت احد باحساسي حتى زوجي وتمر علي لحظات كنت احس روحي فعلا حامل خصوصا اول ما اقعد من النوم واقعد اطالع ولدي الصغير ويكسر خاطري ان بجيب عليه ياهل وتحطمت نفستي بشكلللللللل الى ان من اسبوع وصلت وحده من الاهل كانت تدرس بالخارج ورحت اسلم عليها الا تقول شكلج متغيره .. سويتيها ؟ :eek: وهني انا قلت خلاص شكلي اكيد حملت دام ان شكلي متغير بعد ولما خبرت زوجي قال تصدقين ان انا بعد حاس ان بيصير حمل هالشهر :rolleyes:

ما تتخيلون حالتي طول 5 ايام وانا حالتي النفسية تعباااااانه من التفكير خصوصا يوم خبرت الاهل اكلوووووووني لان ما ودهم احمل الحين والدورة المفروض موعدها 4 \ 2 وما اقدر احلل لان ما بتبين النتيجه الاكيده الحين ..

لكن الحمدلله بتاريخ 2 \ 2 يعني يوم السبت قعدت من النوم وانا حاسة بأعراض الدورة لكني كنت مشككة بعدها وقلت باقي على موعدها يومين ،، ثانيا عادي ممكن احس باعراض الدورة حتى وانا حامل .. وبعد ساعه من قعدت تقريبا لقيت نقطة دم نازلة فرحت وايد لكني رديت قلت هذه نقطة صغيره يعني ممكن اكون حامل والحين ينزل علي دم " لاني مجربة في حملي الاولي كان ينزل علي دم وايد في الاشهر الاولى لكن بشكل متقطع "
المهم تميت طول اليوم اراقب الدم :o لكني شفت انه قاعد ينزل بشكل متواصل وتأكدت انها دورة فعلا يعني ما في حمل وارتحت :)



والحمدلله على كل حال :D



وانتوا !!! هل عندكم قصص مع احاسيسكم للحمل ؟ (a)