ام شجاع;5113026:
اعرف ان بعد الولادة ودخول مولود جديد للاسرة شي صعب ومفرح في نفس الوقت، عشت هذا الشي بنفسي، بس المشكلة انه اذا هذا البيبي اخذ الوقت كله وما عاد لا لج ولا لزوجج وقت
المشكلة شلون انظم وقتي؟
ولا راضية اتقبل البيبي في حياتي على الرغم من مرور 3 شهور من الولادة
افيدوني لاني اعيش حالة اكتئاب بسبب اني مو لاقية لا لي ولا لزوجي وقت فبشنو تنصحوني؟؟
حبيبتي أم شجاع :
لا تستسلمي لهاذي الأفكار و إلا راح تدمر العلاقة اللي بينج و بين زوجج و بينج و بين البيبي . أنا عانيت من نفس المشكلة و من نفس الأفكار لدرجة إني خليت المسألة تسيطر علي بشكل كبير حتى خليت فرحة زوجي بالبيبي تتحول الى هم و نكد و لا استمتعت بهاذي الأيام اللي المفروض كل أم تفرح فيها .و لدرجة وصلتني إني أستشير طبيب نفسي و ما زلت .و صدقيني و أنا أقرأ مشكلتك حسيت كأني أقرأ مشكلتي .. و نصيحتي انك تتجاهلين المسألة و افرحي بالبيبي لأني الحين بعد 4 سنوات من ولادة بنتي حسيت بالندم الشديد إني ما استمتعت بهاي الفترة و كل ما أشوف وحده من أهلنا والدة جديد و فرحانة أتحسر و أقول كنت أقدر أفرح بالبيبي و أفرح زوجي بدل ما أنكد على نفسي و على زوجي لكن للأسف اتحولت الفرحة الى نكد. و على فكرة أنا عارفة ان المسألة صعبة و صعبة جدا لكن أنا واثقة انك راح تتخطينها بكل سهولة . و ممكن تعطين البيبي لوالدتك أو اخواتك أو أهل زوجك يشيلونه عشان تطلعين برا مع زوجج تتمشون أو تتعشون في مطعم ،إلا هي كم ساعة . و صدقيني راح ترتاحين كثير . و صدقيني ان هذي الحالة تمر فيها ملايين النساء حول العالم بعد الولادة .بس المهم انك ما تخلين المسألة تسطر عليكي انتي بإمكانك إنك تسيطرين عليها .
الله ييسر عليج و يزيل عنك الاكتئاب و يبدله لفرح و سرور يا رب العالمين .