لماذا..... تركت الامهات الرضاعة الطبيعية؟

والله انا بجلس احاول يمين ويسار واخر شي ابوء بالفشل بس الله يعين واجلس مكتبه وزعلانه علشان مايرضوا ياخذوه نفسي اس بالامومه زي زي الخلق

انا زوجه خالي هي واخواتها ما رضعم طبيعي واعتقد عشان شكل صدرهم ما يبوظ وكمان لانهم بينزلم الشغل بعد شهرين من الولاده عشان المال الله يلعن المال اللي بيحرم الطفل من رزقه

الام اللي هيك هاي مجردة من الاحساس الا اذا في عذر شدييييد وغير هيك ابدا
على فكرى الام اللي ماترضع طبيعي ويكون هالشي من قناعة منها وبارادتها سبحان يطلع البيبي
غير حنون عليها او اقل حنان من اطفال غيره بكرر وقول الام اللي هي ترفض ارضاع طفلها

اما الام اللي تحاول وتحاول فهذه الها الاجر والثواب لان ربنا اعطاها رزق اولادها وهي تحاول معهم بس
مشيئة الله

مشكوورة على الطرح اختي يمكن يكون بمثابة تنبيه لكثير امهات من شاكلة قريبتك
جزاكي الله الف خير

بصراحــة أنـا عنــدي الرضـاعـة الطبيعيـة أهم من كل شي
صدري يختـرب خله يختـرب أهــم شي ولدي...

طبعا الرضاعة الطبيعية اهم شيئ والله انا كمان افضل احاول واحاول بس للاسف بنتي وزنها كان نازل فالدكتور قاللي لازم نكمل للها بصناعي و مع الوقت فضلت البيبرونة على الرضاعة الطبيعية و تاخد صدري وقت النوم فقط

انا الي عور قلبي ان هذي قريبتي قاعدة تحرم نفسها و طفلها من اجمل احساس
و فوائد صحية لا حصر لها


انا بالنسبة لي لا يوجد سبب مقنع لعدم رضاعة الطفل طبيعياً الا اذا كانت الام بحاله صحية سيئة جداً يعني فاقدة الوعي او ماشابه



لان لو والدة قيصرية تقدر ترضع يا اما تحط مخاد او مخدة الرضاعة او ترضع على جنب الي اهيا وضعية football hold

و لو والدة طفل خديج او مريض و ظل بالمستشفى بعد ما در الحليب تقدر تشفطة و تثلجه او تعطيه المستشفى لان يعتبر الافضل للاطفال الخدج و المرضى

و لو والدة توأم او اكثر تقدر ترضع لان الجسم ينتج حليب على قد الطلب
و لو ولدوا خدج تقدر تشفط و لو تحس تعب عليها ممكن تخلي احد يساعدها بشغل البيت او اذا كان صعبجداً تعطيهم شوي صناعي بس الاعتماد الاساسي عالطبيعي

و سالفة ان الصدر يخترب يمكن ان نتفادى هالشي بارياضة و الستيان المناسب و التغذية السليمة

و لو الوحدة تبي تطلع من البيت بدون الطفل تقدر تشفطله و تخليه عند الشخص الي يعتني بالطفل

و لو تشتغل او تدرس تقدر تشفط كذلك و في اجهزة شفط ممتازة تلائم المرأة العامله


اعرف و سمعت عن و قرأت عن امهات رضعوا طبيعي بجمييييع الحالات



مادري هل كلامي صحيح او انا غلطانه؟؟؟؟

حرام عليها والله انا عبادي كان خاطري ارضعه ست شهور ع الاقل بس للاسف رضعته بس شهر حليبي وااااااااااااااااااااااااااايد خف الحمدلله ع كل حال

مو معقووولة كذا أمهات, اجل ليش خلفوا وين الحنان ليش تحرم نفسها وتحرم صغيرها من ضمة الى صدرها وارضاعه ,, عشان مايخترب صدري امنع طفلي من الرضااااااعة0
هذه معلوووومةغلط في غلط0
اصلا الصدر بيخترب برضاعة او بدووووون رضاعة

في حريم يخافون ان الرضاعة مؤلمة
بس في مراهم تزيل التشققات و الالم خلال يوم او يومين

احلى ملح كلامج عين العقل ومثل ماقالت اختي الدمشقيه يمكن رسالتك اليوم تأثر في هالنوعيه من الامهات وانا مااقصد الامهات اللي تجبرها الظروف يعني فيه كثير اطفال بنفسهم مايرضعون انا اقصد هذوللي اللي المفروض من وجهة نظري مانطلق عليهم لقب امهات لسبب بسيط جدا لانهم فكروا بمظهرهم الخارجي ومافكروا بعيالهم انا اعرف وحده عندها ثلاث اطفال ومارضعت ولا واحد فيهم والسبب تقول ليش اخرب صدري ويمكن اذا كبر يطلع فيه خير ويمكن لا بالله عليكم هلي كلام ام والا وحده تقول انا مااحب ارضع لانها متعبه وكل الناس يرضعون صناعي ربي لاتبلانا ولك الحمد كماينبغي لجلال وجهك العظيم

[GRADE="00008B FF6347 008000 4B0082"]انا ارضع بنتي رضااعه طبيعيه واحسن لي ولها والصناعي بعد مفييد بس فايدته مو مثل الطبيعي

يعني اللي ما ترضع ولدها طبيعي خايفه على روحها هذي ام ماعندها حنان لولدها والله يهديهم

تحيااتي[/GRADE]

انا احس احلى تجربة بحياتي اهيا الرضاعة الطبيعية
احس بالحب و الحنان المتبادل بيني و بين بنتي
اتمنى كل الامهات يجربون هالاحساس

و صج ادعي ربي اني استمر برضاعة بنتي سنتين
و كل عيالي ان شاءالله

و زوجي الحمدلله يساندني بهالشي لان يقول ان حاس بالنقص لان رضع من امه شهرين بس

الصراحه ما اعرف شو اقول عذر اقبح من ذنب

يعني على الاقل اول اسبوع عشان ياخذ ذرة مناعه منع الله عنها وعن طفلها الاذى

اتصدقون بنتي احيانا وانا ارضعها احس ان ما يطلع شي قلبي يعورني اقعد اصيح مع انها ما شاء الله عمرها سنه و4 شهور وهي ترضع طبيعي وبعدني احاول والحمدلله ترضع لو فاليوم مرتين ..

اتصدقين ما احب اطلع من دونها لو انها تلعوزني فالسيارة كل شوي تبا ترضع مع اني اكون مشبعتنها .. لكن احس انها ما تبا حليب تبا حنان عشان جي تطلب الرضاعه

لكن ما اقول فالنهاية الا الله يعين الطفل اليوم منعته من الرضاعه باجر بتمنعه من حنانها عادي تنيمه مع الخدامة لانها مجرده من الاحساس

ماشاءالله عليج يا bj3a

الله يخليلج عيالج

:cry:

الصراحه هاذي الام غريبه وماعندها احساس بالامومه كلش

انا ولدي رضعته من صدري شهر وبعدها عااف صدري وكنت احاول معاه بشتى الطرق لدرجه اني وديته لدكتور وقالي خلاص كمليمعاه بصناعي

لاني لمدة يومين طحت تعباانه كللش ومايعلم بتعبي غير ربي وصدري ماكان يدر حليب نااشف وماخليت شي ماكلته وبعدهاعاف صدري :( والله اني تضايقت حييل وهاذي الام ولدها ودها يرضع منها وهي ماتبي

الله يعيننا ونقدر نرضع اولادنا الرضاعه الطبيعيه سنتين
كااااااااااااااااااااااااااااااااااااااااااااملتين ان شاء الله..
فيه بعض الامهات ما يفكرون باولادهم لا وهم صغار ولا لين يكبروااا
بعدين يطالبوهم بالبر والرحمه والعطف!!!!!!!!!!!!!
وينكم عنهم يوم كانو محتاجينكم وبخلتوا عنهم!!!!!!!!!!
الله يسامحهم ويهديهم ويكبر عقولهم يارب عشان يعرفوا قيمة
الهديه اللي الله وهبها لهم وكيف يحافظوا عليها بكل ما يقدروااا
ولو على حساب النفس..

الله المستعان والهى انا كنت اتمنى ارضع بنتى بس من صدرى بس الدكتورة قالت لى لازم صناعى علشان كانت مولودة بالثامن و وزنها قليل بس الحمد لله ما بطلت صدرى مع ان الحليب فية نقط بس والناس تقولى كفاية الصناعى بس انا اخدة عهد على نفسى باذن الله لو نقطة بضل اعطيها صدرى مع الصناعى

معقولة لهالدرجة عاد لدرجة تضرب ابر
يا سبحان الله
آنا ادعي ربي ليل نهار إن بنتي ما تقطع الرضاعة الطبيعية وودي اعطيها سنتين بإذن الواحد الأحد وادعي لكل الاطفال لأن ما في شي أفضل من رزق الله عطانا اياه وعطاه أطفالنا صحيح ان ممكن ندخل الصناعي لظروف خارجة عن ارادتنا بس ما نحرمهم بعد من رزقهم فينا الله يطرح فيه البركة يا رب
وإن شاء الله أطفالنا كلهم بصحة وعافية