عروس متوهقة

loozah 03-02-2008 7 رد 1,112 مشاهدة
l
السلام عليكم ورحمة الله وبركاتة

شلونكم بنوتات شخباركم
انا عرسي شهر 5 ولين الحين ما شريت شي ولاااااا شي
ومادري شلون ابدي
وصراحة احاتي بدلة العرس ماشفت لي الحين رحت لأنجفة وبرجوازية
وكم مشغل بحولي وماحصلت شي عجبني
ياليت تفيدوني مع العلم ان الميزانية مش ولا بد :confused::(
عفية خواتي قولولي من وين ابدي وشلون خايفة ومتوهقة


مشكووووورين مقدما


فشلة بليز غيرو مكان موضوعي حطيتة اهني بالغلط
ا
اسلام عليكم ورحمه الله وبركاته:

اولا اكتبي في ورقه شو محتاجه والسعر التقريبي.
ثانيا حبيبتي حطي ميزانية حق (فستان العرس +مكياج يوم العرس والتسريحه) وخليهم في ظرف بروحه.
ثالثا خذي قطع وحطيهن عند الخياط لانه بياخذ وقت وفصلي العبي والشيل.
رابعا اشتري الملابس الداخليه و ملابس النوم.
خامسا اشتري النعال والشنط والمكياج.
ط
انا بعد انصحج تكتبين كل الاشياء بورقه ومثل ما قالت لج اختي الاماكن لانه انا سويت نفس الشي (:
i
الخوات ما قصروا ..

كل ما حجزتي لج شي يخص يوم العرس حطي بيزاته في ظرف و اكتبي عليه .. ( الميك اب - الشعر - التصوير - الكوشه -الفندق ) الخ ...

وسعر تقريبي لفستان العرس ( في اخر زيارتي للكويت حبيت استايل محل الاسطوره - ان شاء الله تحصلين عندهم اللي يناسبج )

قمصان النوم والملابس الداخليه ..

ملابس طلعه و عزايم ..

جلابيات ..

مكياج وعطور ..

طبعا لاتنسين كورسات تنظيف البشره والحمام زيت مع الحمام المغربي ..

الشنط و الاكسسوارات ..

التعل و الجواتي ..



ان شاء الله اكون افدتج .. والف مبروك مقدمــــا :)
l
مشكورين حبايبي على النصايح
وإن شاء الله أمشي فيهم
أدعولي
جـــــزاكــــــم الــــــلــــه خير
ع
الله يوفقك حبيبتي
م
كل شي تشتريه اكتبيه في ورقه
U
اختي نصيحتي لج اذا بتشترين ملابس لا تكثرين، لان جسمج راح يتغير بعد العرس، وهذي النصيحة جاتني من بنت عمتي، قبل العرس قالت لي لا تكثرين ملابس لان جسمج بيتغير على طول، وفعلا سمعت بنصيحتها ولا كثرت والحين ملابس قبل العرس كلهم مو سايزي، فلا تكثرين ملابس... والذهب بعد لا تكثرين منه، لان الذهب ما ينلبس كثير، انا اشتريت طقم الماس واحد بس والباقي كله جاتني هدايا بعد العرس، وعلى فكره الالماس مهما لبستيه بيكون له شكله الخاص ولمعته غير عن الذهب، واشتريته بسعر ما يفرق عن الذهب بكثير...
اشتري لج ثياب كشخة حق الزيارات، وشنط وجواتي لونها مناسب لهم...
بالنسبة حق الفستان وتجهيزات الصالة، افضل انج تسوين الفستان والمسكة والكوشة والدي جي (ان كنتي بتحطين دي جي) كلهم في محل واحد، في محلات تسوي كل شي حتى تجهيز الطاولات، كذا بيطلع عليج ارخص وبتسوي لج خصم، بيطلع لج واااايد ارخص من انج تسوين في محلات متفرقة...
وبالنسبة للتصوير روحي محل تكونين واثقة من تصويرهم ولا تسوين البوم بو 8 افلام لاني احسه كبير وماله داعي والصور فيه وايد بلا داعي... سوي البوم يكون سعره معقول وحجمه يكون صغير للذكرى...
المكياج احجزيه عند وحدة تكونين مجربتها من قبل، لا تجازفين وتعتمدين على كلام الناس ورايهم بس، والا بيصير فيج نفس اللي صار فيني XD ...
نصيحتي لج لما تروحين تتشرين مكياج، بما ان ميزانيتج قليلة فمافي داعي للمكياج الغالي، اهم شي تشترينه بسعر غالي هو (البودرة، الاساس، الحكل "السائل والجاف"، الماسكارا، البلشر، الكونسيلر) اما ظل العيون واللمعات والسوالف الاضافية مو لازم تكون ماركة كشخة وايد، عادي تكتفين بماركة مكياجي... اما عن الارواج اشتري لج روج واحد بس ويكون ماركة ضامنتها ولونه فاتح "بيج" وخذي لج اكثر من قلوس تحطينهم عليه، ومو شرط يكونون ماركات كشخة...
ادري اني كثرت حجي... معروف عني من افتح حلجي ما اصكه XP... والله يوفقج ويتمم على خير
X