محتاره .. وما اعرف شو اسوي؟؟!

الجوهره 2000;5111686:
نعم حبيبتي

الكلام اللي قالوه لك الخوات هو عين الصواب

ولو تلاحظين كثير من اللي يكلمون ازواجهم قبل الزواج تصير بينهم مشاحنات وسوء فهم

وبالتالي تخلق بينهم فجوات ومو فجوه وحده بس

وانا برايي بصراحه ما اشجع البنت على مكالمة زوجها بالتيلفون

لان كثير من الشباب لمن يشوف البنيه على طول طيحت الميانه وياه يقوم يختبر حياها ويشوف ردة فعلها

والمسكينه بحسن نيه وبحكم انه اصبح زوجها خلاص تجيب كل اللي عندها

وهنا تجي النقطه الحاسمه

ياخذ عنها فكره شينه وانها جريئه وقليلة حيا وهذا وهي مابعد صارت في بيته

وتتكلم معه كذا واشلون اذا خذها وقعد يفكر بينه وبين نفسه وتلعب به الافكار يميم وشمال

وتقوم المشاكل بينهم وهي حتى مو عارفه وش سبب تغيره عليها

واذا تطيعين الشور لاحقه عليه وبتشبعين منه

لكن لا تنزلين نفسك وترخصينها مهما كان السبب

وبالعكس انتي كذا بتطبخينه على نار هاديه ومايجي وقت العرس الاوهو مستوي عالاخر

وبتصيرين في عينه ملاك وبيحطك وسط عيونه بس انتي تحملي اشوي واصبري وبترتاحين باقي عمرك كله

ومثل ماقلوا لك البنات اذا فيه انفقوا معه كل اسبوع مثلا ليلة الجمعه يكون عشاه او غداه عندكم

وتجلسين معه وتاخذين راحتك

وحطي كلامنا هذا في بالك والتزمي بالحياء معه لابعد الحدود لانه والله اكثر مايعجب الرجال بالمراه حياها

ولومهما كان جمالها ومالها ونفوذها وماعندها حيا والله مايقبلها ولو بريال وخذي هذي قاعده

فترة الملكه فترة تجارب بين الاثنين وكل واحد يختبر اخلاق الثاني فيها وهي اللي بالتالي

تحدد مصير هم ويبنون حياتهم عليها وهي اهم نقطه انطلاقه بحياتهم

وبالنسبه لربيعاتك لاتعطينهم شي من اللي يصير بينك وبين زوجك وخلي كل حاجه تصير بينك وبينه بس
ولاتهتمين من كلامهم ولايأثرون فيك ابد وقولي لهم كل رجال وله طبعه

واصابيعكم بايديكم ماهيب واحد ولاعاد تسمحين لاي أحد منهم يتدخل بخصوصياتك

وانتبهي منهم مهما كانت صداقتهم ومعزتهم

فعلشان كذا اتمنى انك تطيعين شورنا وتقتعين به وربي يوفقك وياه ويرزقك حبه وتقديره

ويألف بين قلوبكم ويجمعكم على طاعته اللهم آآآمين.