( مسجات منوعة من كلماتي أهديها لكم )

حلمت إني اكتبلك رسالة
سطورها شوق و حروفها حب
و جيت اكتبها لكن استحالة
اقدر اعبّر عن غلاك فالقلب
معزة و قدرن ابد محد طاله
صعب اشرحلك و الله صعب
حالة غيابك ياشينها حالة
كنها نار بين الضلوع تشب
ويا سعد والله من كنت فاله
يعيش العمر متهني مايتعب
وهذي بإختصار كل الرسالة
يا رفيق العمر يا خوي الدرب


حبيبي يا ضنى عمري تعال
من بعد فرقاك ترى الحظ مال
ارجع و رجّع ماضيات الليالي
واقطع لسان عاذلن قال:
إن عهد الوفا عندك كلام
و إن الحب في عينك مجرد خيال
يعني معقولة حبيبك تخون
معقولة كل ذاك الحب زال
انا باقي على وعدك لأني
بدونك ما أعيش على أي حال
حياتي بدونك عذاب و ألم
و الهوى لك مهما الزمن طال



ياذا الفكر هاتلّي قصيد
به كلامن في وصفه فريد
لجل عين خلّن اشوفه
دايمن غالي و هذا اكيد
صديق في هالزمن نادر
وفاه ماينقص دايم يزيد
على الخير دايم اشوفه
و طبعه ع الزين ابد مايحيد
هو رفيقي و نعم الصديق
رفيع الشان و المجد العتيد



لامن طريتلّي يغشاني قهر
يكتئب ليلي و يبكي القمر
شجاب طاريك في هالليل
شجاب سيرتك في هالسهر
مادري كيف جيت في بالي
لا جمال لا دلال و لا فخر
بقولك يمكن ماعندك خبر
يا شين السرج والله ع البقر



كيفي مزاجي بقول اللي بقوله
وإن كان فخطارك شيء قوله
بس تحمّل تتجاوز حدودك معاي
تراك منت قدّي و قدري ماتطوله
رحم الله امرء عرف قدر نفسه
هذي حكمة أمم من زمان مقيولة
خلك في حدودك و بسّك من جحودك
ولأ تراني بلغيك بكل سهولة



سلام يامن له الشوق يشتاق
يا رفيع الشان يا راعي الذوق
عساك سالم من كل لعواق
عسى عدوّينك بهم كل عوق
تفداك عين ماها من البعد راق
و يفداك قلبن من غيابك شفوق
قلّي شسوي بقلب خفاق
لامن طريتله لأحضانك يتوق
شسوي و بالي من الهجر ضاق
ضاقت دنياه من أدناها لفوق
ارجوك ارجع فراقك ما ينطاق
ارجع ترى خلك صابه العوق



يا خسارة هالرسايل فيك
و يا خسارة كل فلس فيها
لأنك بايع وانا دوم شاريك
لأن كل وعودك ما توفيها
غبي تعتقد انا ميتن فيك
ترى حتى الخواطر ماتجيها
خذها كلمة و الكلام يجيك
هذي آخر رسالة و فيها:
غرام بالوفا "كان" مغليك
و كلمة بالهجر انا باديها



أشوف المسا بدونك جحيم
و الصباح بليا شوفك كآبة
و الليل بليا صوتك بهيم
يرتجي الشمس تعلن ذهابه
و القلب دقاته تبكي حميم
اشعل الجوف بنيران غيابه
قلي متى الوصل يا نديم
متى يحن قلبك على احبابه
يعني يرضيك خلّك سقيم
شفاه حضنك وانت ادرابه
بنطرك و يشهد ربن عليم
على هجرن تفتحت ابوابه



اتمنى تكون نالت اعجابكم

صـــارع