أبيات أعجبتني00 من الشعر النبطي00

أسجل أبيات للشاعر ضيدان بن قضعان00

حزين اي والله ان قلبي حزين وخاطري مكسور *** لو اضحك واتظاهر بالسعاده يا بحر جده
وانا يا بحر يوم اصـد واخــفي دمــعتي معــذور *** لك الله يا بحر صديت والصده هي الصده
اخاف تقول عني يا بحر ضيدان ابن منــصــــور *** وقف في يوم من الايام ودموعه على خده
وانا ماني حيا الله بشر يكشفلك المــستــــــور *** انا رجلن يموت ولا درت الامواج عن سـده
ولا اقف مافقن مهوب قدي لاطغا المــغــــرور *** انا قد الكلام وما قفي قدي وانــا قــــده
اباقف وابتسم لوني حزين وخاطري مكسور *** لين الله يفرجها علينا يا بــــــحر جــــــده

(أعجبتني (وردة الحسره)للشاعر مرضي الخمعلي

دخيلك يالحمام اللي على خضر الغصون تنوح
تجر النوح في هونك ترى قلبي فقد صبره

دخيلك وأنت في نوحك وحيدولالك المصلوح
تهد الصوت لاتطعن قلوب حيل منشطره

قلوب ماهناها الوقت وكل اللي تحصد جروح
تشوف الورد في قطفه...وتقطف وردة الحسره

وأنا اللي متعبآ حالي وأدور بالزمان فروح
أروي زهرة النرجس وأجمع سقيها قطره(w)

هذا هو اللي تبيه
ليه
هذا هو اللي تبيه
إني أرحل من حياتك
وأشعل عيوني بليه
بس خلاص!
هذا هو اللي قدرته
وقدرك ربي عليه
بذمتك هذا كلام
إني أرجع من جديد
ارجع افرش كل تعب عمري
وأنام
زين لحظة
لاسألوني الناس
وينك
وان دروا ضحكة عيوننك عن عيوني
سافرت
ردت لعينك
بذمتك أقول وش اقول
قول قول قول قول
يخرب بيت بيتك
توي يادوبي بديت
بعت عمري واشتريتك
خطوة خطوة واشتريت
توني باطراف البداية
مدري وشلون انتهيت
ياخي حس
والله عيب اللي تبيه
إني ارحل من حياتك
واشعل عيوني بليه
لاجبينك شمس واحساسك مطر لاعيونك شوق وشعورك دفا
جبت لك بايدي ابتسامات العمر
ليه تكسرها على اطراف الشفا
شوف
بعثرني احتياجي بالنظر
شوف وجهي امتلا منك بأفاا
ماتجي منك ولكن يابشر
منت اول من طعني بالجفا
ابرا منك كل جروحي بالسهر
ولا افكر من ورا قلبك شفا
ول ياقلبك مايجيب إلا القهر
ول ياعمرك ماعرف طعم الوفا

وإلا أنا مثل النهر ابقى نهر
من تحوسه ترجع تشوفه صفا
فيني والله احساس لامنه ظهر
يشعل ضلوعك اذا قلبك طفا
هذا هو اللي تبيه
وهذا اللي قدرته وقدرك ربي عليه

بذمتك هذا كلام
إني أرجع من جديد
ارجع افرش كل تعب عمري
وأنام
وين اروح
وشلون اجيب لقلبي المجروح روح
هذا هو اللي تبيه
والله عيب اللي تبيه
والله عيب اللي تبيه00

(قصيدة أحبها جدا وخاصة وهي ملقاة00 سالم سيار00)

مهرة العشق00عطرت المكان بانتقائك المميز00

للاسف ياعادي لن تجدي ورقة الورد هنا فأنا لاأحب الشعر النبطي أبدا ابدا ولن احبه في يوم من الايام لأنني أعتبره عدوا للغة الضاد...وغن كان البعض له راي آخر فلا مشكلة عندي فالناس اذواق...

أهلا ورقة الورد00
أنا من رأيك أن العامية هي عدوة الضاد لكنني وضعته00 لأنني وضعت الفصيح ولم أجدذلك الإقبال فأردت
أن أعرف هل يفضل التراث(الشعر العامي) على الفصيح00
ولا أخفي عليك00 تعجبني بعض قصائد الشعر النبطي00 خصوصا ما عرضته في الأعلى00

لك أجمل تحية يامحامية الفصحى00

والله أنني لأعتز بهذا اللقب" محامية الفصحى" واتمنى أن تقبلني الفصحى من أحد جنودها ..لك حبي يا عادي,, ولم أشأ ان ادخل موضوعك دون رد فكتبت رأيي بصراحة ولولا ثقتي فيك بالتفهم ما كتبته...

ياسلاااااااااااام على الموضوع الروعه

هذي ابيات احبها موت

ولي عودات كثيرات ^_^

يا اماني ضايعه كيف السبيل
بسمتي غطى عليها المستحيل
صار همي من علامات الضياع
صار حزني له على وجهي دليل
كل ماطالعت للعليا هويت
كلما حظي اعتدل عود يميل

•

•

•



مشكوووورة الغالية عالموضوع الروووعه..

لي عوده ان شاء الله..^^



•

•

•

【 أح ـبـك 】




:

قلتي ..
" أحبك "
من بعيد و ....... ضعت
شوفي عاد , لو من قريب ؟
ما تغيب أحلام قلبي في وجودك
لك أسلِّم نفسي , أربطني بقيودك
جابك الله ..؟
مدري لي جابك نصيب
المُهم أسمع " أحبك "

:

من لسانك
- غير [ صح الله لسانك ]
هو مكانك
ليه يبكي !
إن مشيتي من مكانك ؟
إحتملت وقلت ما أسمَع :
قلتي من ثاني أحبك ..!
رحت ساعاتها من الدنيا
إلى ساحل عيونك وما رجعت
الوطن حضنك .. وأنا من غير أحضانك " غريب " !
يعني من صجِّك ؟ سكوت ..!
ما أبي أكثر ألجِّك
قولي بسمعها , " أحبك "
وبعدَهَا يمكن ... أموت

:
قلتي ساهي
قلتي لاهي
وآنا ساكت ..!
عاجز أستوعب كلامك
وماهو تقليل إحترامك
بس عيونك
من عيونك
ما قدر أي شي ياخذني مِنْهَا
( الملاهي ) رمش عينك
والطفل ..
كان [ إنتباهي ]
ايه داخل في عيونك ما طلعت
الله لا يبعدني عَنْهَا
جعت شوقِك ,
لكن بشوفك .. شبعت
منجرح صبعي وإذا ودِّك يطيب
بطلبك بس شي واحد ما ( طمعت )
قولي " أحبك "
بصوت عاااالي
ما سمعت ..!


:

(أحمد الصانع)

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياحبيـبـي لاتـلـوم ولاتـثــور=لاتخلـي شـك قلـبـك يقتـلـك
من عرفتك قلت لـي طبعـك غيـور=وحتى أنـا طبعـي غيـور وقلتلـك :
السنيـن تـروح والدنـيـا تــدور=وأنت باقي 00 مثـل عبـدالله ملـك
لارحلت 00 تضيـق آلاف الصـدور=وإن رجعت 00 الشمس جت تستقبلك
وإن سهرت الليل 00 شعّ الليل نـور=وإن رقدت 00 الحلم جالك يسألك :
(وش تبي هالحلـم يابـدر البـدور ؟=أطلب أنت وكـل أنواعـي إلـك )
وإن طلعت 00 أعند اشارات المـرور=ولّعـت خضـراء لأجـل ماتزعلـك
أنت بس اللـي يحـق إلـك الغـرور=وأنت بس اللـي أبـد مـا أهملـك
أنـت وافـي بـس عيبـك ماتـزور=وأدري إن أحيـان وقتـك يخـذلـك
دام قلبي بيت 00 هو لـك دور دور=اسكنه 00 لاعاد تسكن مـع هلـك
أدري إنـك ماسكنـت إلا القصـور=بـس مـن مـدة وقلبـي منـزلـك
والسنيـن تـروح والدنيـا تــدور=وأنت باقي00 مثل أبو متعـب ملـك [/POEM]

(عبدالرحمن الرويس)

ظماي إنت ..ومن يعشق ظماه غيري
جروحي إنت ..ومن يكره دواه غيري
اسقني لو ما ارتويت .. داوني لو ما شكيت
ماهقيت إني اعطش .. في حياتي لغيرك إنت
مادريت إنّ مابه أغلى منك ..إلا إنت
***
ما تصور إنّ عيني مره تغفى وما أشوفك
ما تصور لو يطول الصمت ما اسمع حروفك
***
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك..!
ياللي يسبقني زماني ..من عطش ..ليلي ونهاري
عطني موعد وانسى موعد
بس لا...تهجر وتبعد
***
يا ظما قلبي لقلبي ..وغربة عيوني عن عيوني
وينك إنت
ياترى الليله في صدري
لا
في جفني
لا
في الشعور اللي خطفني
آه ....لو تدري بشوقي
آه ....يا ظما الدنيا بعروقي
بدر عبدالمحسن

الشمعه الى دمــعتها في يـدي سال
ذابــــت وداع وذاب قلـــبي عليـــهـا
لــيت الزمــان الى جـمعني بها طال
وياليتـني مــاشــفت هــزت يديـــها
حــرتــني وراحــت وانا حــالتي حال
قــفت ودمعـــتها عـــلى وجنــتيـــها
وداع يامـــن فـــي خـــيالي لك آمـال
ماتنتهي مهما طال الزمــن يعتريــها
وداع يامــــن بــين الاجــفــان نــــزال
حتى تقــوم الشــمس من مغربيهـــا
دنيا بدونـــك كلــــها هـــم وأحــــمــــال
غــــير الكآبه والــــحزن ويــش فيــــهـــا...
**خالد بن سعود الكبير**

انا عنصر محايد احب الشعر الفصيح و احب النبطي.. تأسرني كتابات د.مانع سعيد العتيبة و في نفس الوقت أعشق قصايد الشاعر حامد زيد << خير الامور الوسط :)

شوفي عادي أنا من وجهة نظري ان كل انواع الشعر رائعة اذا وجد من يعرف نظمها,, يعني يا شين الشعر الفصيح لا كتبه انسان ما يعرف اللغة ((يا شين السرج على البقرة)) خخخخ

المهم هذي احد قصايد الشاعر حامد زيد:

القصيده :غرام أحباب

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني


تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني


لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني


صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني


عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني


أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني


رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني


تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني


تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني


وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني


ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني


أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني


زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني


غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني


إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني


أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني


سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني


عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني


أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني


وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني


وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني


ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني


أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني


ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني


ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني

اي بالله أخطوا والخطا اللي جابهم عين الصواب

مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد بتاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما قدره

عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

قصـيده اعجبتـني ل حامد زيـد ..

هلا وغلا
الا النبطييييييييييييييييي ابد مااحبه
كانت سيارة زوجي مليئه بهذا النوع والان ولا شريط انتقمت منهن

(والدي يشعر بالفصيح وكل مايكتبه يشاورني به اما اذا كان نبطي فهو يعلم مابيني وبينه

رعاك الله

دمتِ بطهر

أخاف اضحك ومن عيني تهل دموع تفضحني
ووسط الدمع بتبين معاني الضحك كذابه

بعد ماصار كل الوقت ضدي وصار يجرحني
غدى قلبي غريب الدارين بين اهله واصحابه

اقوم من التعب اوقف الاقي الوقت طيحني
على ارضٍ فضا ظلمه وكل من حولي ذيابه

احاول ابتعد أهرع ألاقي الذيب يلمحني
وألقي الــموت يتحــقق مابين ايـده وانيايه

بدنـيا مابـــها صاحــب ولاخلٍ يريحــني
يموت الشخص مايعرف عدوه بين اصحابه

ولو أضحك على نفسي ألاقي الدمع يفضحني
ويرسم في وسط خدي قصيده شعركذابه

أحلى ندو00 بدور الليل00 لحن الأشواق00
وجدت المتصفح يتراقص فرحا فعلمت أن هناك غاليات مررن به
فوجدت زهرات (بريد الأعضاء)متواجدت00
مما أسعدني00 وأفرحني00
مروركم يكبلني بالحب تجاهكم00

تسبيحات00
مرورك يكفي حتى ولو لم تدوني00
ولكن أحببت أن أفرد للنبطي موضوعا لأننا لا ننكر فله شعبية أكثر من الفصيح00
كل الورد لك00