/////خبرات ومعلومات تخصك يا ماما /////

أنا ما عندي بيبي لسه بس أكيد الموضوع يهمني ويهم أي أمراة في الكون وراح أطبق الموضوع على عيال خواتي وأبلغهم عن موضوعج لأنهم راح يستفيدوا كثير
شكرا عزيزني على الموضوع إلي متأكدة إنه راح يكون رائع
أعمار عيال خواتي
سنتين (شمة) سنة (فطومة) 8شهور (مرايم)

الصراحه انا مو متزوجه بس ما حبيت ادخل الموضوع و ما اعلق

لانه بصراحه مواضيعج مميزة ما شالله فااا صب على ما ارد


مبروك على الاشراف


تحــ ديما ــياتي

اولا مبررررررررررررررررررررررررررررررروك الاشراف وفعلا مواضيعك جدا مميزة
انا يشرفني اني اول واحدة تسجل بنتي عمرها سنة وشهرين

هلا بالغاليةترانيم

شكرا لانك لبيتي طلبي بهالسرعة ما قصرتي بعد عمري

انا عندي عمور (عمار) عمره 7 شهور و نص

اكبر مشاكلي معاه وقت النوم يعني لازم اهزه لحد ما ينقطع نفسي يالله ينام و نومته بعدها متخربطة يعني يقعد بالليل احيانا 6 مرات مع انه يشرب رضعة بس مرة وحدة بس جذي يقعد يبكي و لازم ارجع اهزه و ينام
و اخر سؤال متى انومه بغرفته بروحه؟؟

و شكرا لك مقدما

موفقه ترانيم على اختيار الموضوع
انا ام لاربع اولاد
بس اصغر واحد عمره اربع ونص
مشكلته التبول اللارادي
وتحياتي لك
وانا متابعه معكم
واي افاده ما راح اقصر باذن الله

ماشاء الله
موضع كلمة رائع اشوية علية:)

انا ولدي عبادي عمرة 7 شهور
ومشاكلي معاه هو النوم
يعني لازم يبي ينام على رجولي واذا خليته على السرير يقعد يبكي ومايسكت الا اذا خليت راسة على كتفي ولا نيمتة على رجولي
احس اني علمتة على الحمل في الايادي

وبعد مشكلة ثانية مايحب ينام الا على الجهة اليمين
واذا خليتة على اليسار يقعد يصيح ولا ينام الا على جه اليمين
وبعض الاحيان يصير لة ساعات طويلة وهو على جه وحدة

لكن ساعات اذا اشوفة كلش رايحة علية نومة اقلبة وهو نايم
لكن هل هذا شي مضر يعني لة اذا ينام بس على جه وحدة؟؟
وفي انتظار ردج
ويسلمووو مرة ثانية على الموضوع:)

مشكوووووورة حبيبتي ترانيم على الموضوع الرااااااائع ومبروك عليك الاشراف لانك فعلا تستحقين:clap: وان شاء الله ساكون من المتابعات لهذا الموضوع لانك وضعت اصبععععععععك على الجرررررح

بنتي بسم الله ماشاء الله عندها سنتين ومن يوووم ما اتولدت سبحان الله كتيرة البكاء قلت ربما الشهور الاولى او المغص الي بيجيهم لكن مرت الشهور الاولى وهي كذالك لكن الحمد لله لاني انتهيت من هذا المشكل مع نهاية عامها الاول المشكل الكبير والي يارقني قللللللللة نومها:21_163: تصوري انها من اليوم الي ازدادت فيه نحسب لها الوقت نلقى انها تنام ساعتين في 24 ساعة تخيلي وحااااولت معها كل الي سمعت عنه لكن بدون جدوى

لحد الان عمرها سنتين ابداااا لاتنام القيلولة اما في الليل لغااااية 23.00 ليلا واكترررر وتقوم في السابعة صباحا وخلالالالاص لغاية الحاية عشر ليلا في اليوم التالي وفي الصراحة انا خايفة لاني حامل بالتاني ويصير معي نفس الي حصل اتمنى اني استفيد من تجااااربك وعساها تنفع معاي واطبقها مع مولودي القادم ان شاء الله
طوووولت عليك لكن لالالالالابد انت فتحتي لي الباااب ههههه وربنا مايحرمنا من مواضيعك يالغالية:shy:

ما شاء الله عليكم

الله يخلي لكم عيالكم وكتاكيتكم يارب

الى الحين تعرفنا على بعض أعمار مواليد الخوات بالمنتدى

وعرفنا بعض المشاكل منها النوم والبكاء والتبول ..

ننتظر ونشوف باقي تسجيلات الحضور علشان نواصل معكم من بكره اول الخبرات

الأخت rayaan

الله يقومك بالسلامه ان شاء الله

في اي شهر انتي ؟؟
واذا عندك اسئله بالنسبه للحمل تفضلي
وبالعكس ما طولتي علي استمتع وانا اقرأ كل رد من ردودكم

بالنسبه لبكاء الطفل له سبع اسباب كما درست سابقا راح اذكرهم كلهم علشان تعرفون وين تلاقون

الحل لبكاء الاطفال

وان شاء الله بكتب لكم كل الي تبون تعرفونه ...


:::::::::::::::

بنت النواعم

لا عزيزتي ما يأثر عليه ولكن الأثر الوحيد انه ينام على جهه وحده ان

ممكن تشكيلة الرأس تتغير وتصير كبيره من الناحيه الي ما ينام عليها

وطريقتك زينه انك تقلبينه بنفسك وان شاء الله راح اقول لك كيف تنومينه بالشكل الصحيح

...........................

لي رجعه غدا علشان انزل اول مجموعه من الخبرات

...................................

وننتظر باقي الخوات

ويا هلا ويا سهلا بالجميع

ربنا يبارك لك في عمرك واولادك وزوجك وجزاك الله عنا كل خير
انا في نهاية الشهر السادس ان شاء الله ربي يسر ما بقي لنا ولجميع الاخوات

وننتظر افاداتك الطيبة

في انتظارك عزيزتي ترانيم

هلا ترانيم حبيبتي وموضوعج روووعة وان شاء اللة البنات يستفيدو
انا عندي بنت وعمرها سنتين
ومشكلتي وياها انها تطلب اي شي جدامها ولازم تكسر وتعفس المكان سواء بيتنا او اي مكان ثاني وعصبية ودايما تضرب ولد عمها الصغير يعني عدوانية بشكل رهيب وسلامتج يالغاليةومو عارفة شسوي وياها تعبتني وربي يوفقج يا ترانيم

السلام عليكم ورحمة الله وبركاته..
هلا ومشكورة اختي ترانيم..
انا بنت عمرها 7 شهور الحمد الله نومها منتظم.. لكنها تحط اصبعها في فمها.. مرات .. شنو الحل مع العلم بانني البسها قفاز بالليل ..وسؤال ثاني قررت اني افصلها بغرفة لوحدها بعد الانتهاء فصل اصيف لكني خايفة انها تتاثر نفسيا يعني ما تشوفنا حوالينها..؟؟ هل قراري صح او انتظر فترة..

وعليكم السلام ورحمة الله
بارك الله فيج اختي ترانيم
موضوع ان شاء الله تضم صفحاته النصايح القيمة بحكم خبرتج وتجاربج

طيب انا لي الحين ما تزوجت

بس اخوي الصغير عمره الحين تقريبا 10 شهور

مشكلته مثل مشكلة الخوات
ان نومه لازم يكون على ريلنا
ومع الهز والهدهده
ولازم مكان هادي

يعني اشوف بنات قرايبنا ربي يبارك فيهم ويحفظهم
مرات يخلونهم في القعاده تبعهم
واول مايحسون انهم تعبانين ينامون من نفسهم
حتى لو وسط جمعتنا


تهقين مسألة التعود اثرت عليه سلبا؟
وممكن نصلح الوضع وهو بهالعمر ولا شلون؟

مساء الخير اختي ترانيم ....والف مبروك الاشراف
انا عندي بنت عمرها سنه وشهرين ومشكلتي معها النوم مادري كيف انظمه معها وفيه مشكله ثانيه بحكم اني ساكنه فوق اهل زوجي تبغا تقعد عنده طول اليوم وتكره بيتي وماجيبها الا بصياح وحالتها حاله وانا مامنعها بلعكس انزلها يومين ساعه ساعتين بس هي اذا نزلت خلاص ماتبغا تطلع

الــــــــــــــــــــــــــــــــــــــــــــــــــــف
الــــــــــــــــــــــــــــــــــــــــــــــــــــف
مــــــــــــــــبــــــــــــــــــــــروك
حبيبتي ترانيم انا عندي بنت عمرهاسته شهور ونص صاير مزاجها هاليومين متعكر مزاجها
ونومها موزين خصوصا نوم العصر والمغرب وماتشرب الحليب زين وماتبغى اي احد يشيلها
الا انا اوابوها ماتبغى حتى امي ولا اي احد ومن يوم تشوف احد غريب تبكي وماتبغاهم يشيلونها
معليش حبيبتي طولت عليك عاد انامايخلص حكيي عن بنتي ويعطيك الف صحه وعافيه

هلا فيكي أختي ترانيم .. أنا الى الآن ما عندي بس انشالله ربي يرزقني و أكون حامل هذا الشهر على خير انشالله و راح أتابعكم و كل جديد معاكم انشالله .. لا تنسوني من الدعاء

واوووووووو واخيرا لقيت مكان بالصفحة الثانية

انا عندي محمود 4 سنوات و7 شهور
وعندي بنوتي (( شام )) سنتين و7 شهور

وبحب استفيد من خبراتك اكيييييد وبانتظارك ان شاء الله

والموضوع اكييد مميز

السلام عليكم ورحمه الله وبكراته

اول ابارك لك الاشراف غاليتي صدق تستاهلين الله يكون بعونك يالغلا

موضوعك جدا نايس وجاه بوقته لان عندي مشكله مع طفلي الاول

عمره سنتين وسته شهور ..

مجنني الله يهديه .. ما يحب يقعد لوحده ولازق فيني وما بعرف اشتغل بالبيت ..
وما يحب يلعب بالالعابه لكن لما اروح لناس ويكون في اطفال يحب يلعب ويندمج معهم
لكن بالبيت لاااااااااااااااااااا
يعني لا جيت اكنس طفي لي المكنسه .. لو رحت اطبخ تقوم حرب .. لو جيت اغسل المواعين لاصق فيني لين ازهق حياتي..
ولانه ما شاء الله شقي شويه .. حتى الحمام اللي يكرمكم ما بقدر ادخله وهو بره .. يعني انتظر ابوه لين يرجع من العمل حتى اتحمم

والله يصلحه ويهديه تعلق فين ياكثر بعد فطامي له وحملي حاليا انا بالشهر 6

:
:
مشكلتي الثانيه معاه ..
مو عارفه كيف اعوده على الحمام
وليت بالحفاظه اكرمك الله خالصه ما يحب يغيرها نهائي ومجنني .. اقعد اجري وراه كثير حتى يرضى يغيرها
:
:
المشكله الثالثه
ما يحب ينام بسريره لازم ينام بيني وبين ابوه واحيانا لما ينام اشيله واحطه على سرير ..
لكنه ما شاء الله يحس بعد ساعه او اقل او اكثر ينقز من سريره ويرجع على سريري
لاني حاطه السرير جنب سريري فسوره واطي واخاف يطيح لو بعدته

:
:
المشكله الرابعه
لو مرض ما ياخذ العلاج

:
:
الخامسه
اهو عنيد مو عارفه كيف اكسر عناده
:
:
السادسه والاهم
نومه مخربط
يعني ينام لي الصباح 6 -7 الصبح
ويصحي العصر
وحتى لما حاولت اعدل نومه وما انيمه قيلوله وخليته ينام 12 بالليل يرقد ساعه اثنين ويصحى يبكي لين اطلعه عند التلفزيون ..
ونقعد نكمل السهره
( على فكره قيلولته ممكن ساعه تجلسه وقت طويل حتى ينام .. فهو قليل النوم .. ولو نام هالساعه لو عملت شو ما يقوم)

::
معليش يالغاليه طولت عليك
بس ودي استفيد من نصائحك خاصه ما عندي شغاله وعايشه بمدينه بعيد عن اهلي
على فكره عمل زوجي اسبوعيا يتغيرا يعني مره الصابح مره العصر ومره اخر الليل ويرجع الصبح
مافي نظام :(

مودتي