بنااااات شلونكم شخباركم ,, انشالله بخير و بصحة و عافية
جمعة مباركة ان شاء الله
و لأهل ديرتي الحبيبة الكويت أحب اهنيكم بزيادة الرواتب خاصة انه قرروا الزيادة شهر فبــراير ,,
المهم ,, موضوعنا اليوم ,,تبين لمعة حق الجسم وبطريقة سهلة وحلوووة و من اختراعي
ووايد مناسبة اذا عندج حفلة او عرس ..الخ ,, و خصوصا للمتزوجات لزوم الكشخة
الأغراض اللي تحتاجينها :
لوس باودر Loose Powder
لا تييبين من ماك او فورفر لالالالالا ,, تعرفين اللوس باودر بو دينار و نص من عند الهنود هذا استخدميه ,,وانا جربته تره ما يضر ولا يسوي حساسية او اي شي جذي خصوصا انه بودرة
ويفضل تشترين البرونزي او اغمج من لونج بدرجة
ولاااااااااااازم تشترين اللي معاه لمعة
واخر شي Body lotion .. اي كريم مرطب مناسبج بينفع
انا استخدمت كريم من Boots اسمه Cocoa Butter & Mallow
واذا تبين تقدرين تستخدمين اي كريم مرطب معطر خصوصا انه اللوس باودر ماله ريحة
الطريقة ولا أسهل
خلطي كمية من الكريم + اللوس باودر
اذا تبين لمعة وايد زيدي اللوس باودر
وحطي على جسمج والنتيجة يا بنات انه يصير مثل التان و يصير لمعة خفيفة بس وايد حلوة
و يخليه برونزي اذا استخدمتي لوس باودر برونز (y)
امس كان عندي عرس و طلعت لي هالفكرة مادري شلون (i) وقلت لازم اقولكم
,, اسمحولي عالأطالة وانشالله تعجبكم الطريقة وتدعونلي بالزوج الصالح ,,(a)