انصحوني انا اخذ ابر منشطة ولكن؟؟؟؟؟؟؟؟

السلام عليكم
اخواتي الغاليات
بدون مقدمات:
انا خذت اولا الابره التحضيرية ولم تنزل الدوره الا بعد22 يوم
وبعدها لم تكن الدوره طبيعيه كانت غير عن العادة خفيفه نوعا ما
وقلت للدكتوره وقالت ان هذا الشي عادي بعد ماسوت لي اشعة سونار
وبعدها ثاني يوم من الدوره استخدمت الابر لمدة 6 ايام وكان كمية العينه بسيطه جدا اقل كميه وهي 50
وبعد 6 ايام سويت اشعه وكانت كمية البويضات زينه لكن حجمها بين7 الى ثمانيه فقط:eek:
وبعدين عطتني الدكتوره ابرتين وجرعتهم اقوى 100 يعني ضعف الجرعه الاولى
وبعد يومين سوت لي اشعه وطلع حجم البويضات بين 8 الى 9 فقط:ss:
وللأسف دكتورتي سافرت وانا عند دكتوره ثانيه بس بعد زينه
المهم قالت لي هالدكتوره ان المفروض الدكتوره الي انا كنت عندها ماتعطيني الابر الا لما تنزل الدوره من الابرة التحضيريه
وبما ان انا لم تنزل الدورة عندي من الابره التحضيرية ولكن بعدها ب22 يوم يعني اكيد راح مفعول الابرة التحضيريه
لذلك لم تنفعني الابر السابقه
وقالت كملي الابر 3 ايام بعد واذا مازاد حجم البويضات راح نتوقف عن العلاج وننتظر الدوره الثانيه
بس انا خايفه ان الابر تأثر علي لان زيادة هالهرمونات ممكن تسبب ماء في الرئه والكلى والجسم كله وهذا طبعا خطير مثل ما قالت الدكتوره
وسألتني سؤال هل عندج انتفاخ في المبيض لان هذا خطير
وانا بصراحه مب عارفه خايفه لان اليوم العاشر من الدوره
خايفه اوقف ابر وخايفه استمر
وبصراحه الدكتورة ما عطتني امل كلش
انصحوني اكمل الابر ولا اتوقف
واذا وقفت بيسير شي لي
انا اليوم رحت وخذت الابره بس انصحوني اكمل يعني في امل ولا لا وهل في وحده صادها هالشي
ارجوكم فيدوني اذا عنكم اي معلومه
وجزاكم الله خير
"اللهم لا تذرني فردا وانت خير الوارثين"