شلون قدرتوا تنظمون وقتكم بعد الولادة؟؟

هلا حبيبتي

مسألة تنظيم الوقت مشكلة معظمنا يعاني منها

وبالنسبة لي للحين ما انتظم وقتي عدل بس صار أحسن من قبل

لما ينام ولدي اسوي أغراضي من تنظيف أو غسال وبعد ما ألحق

وتشوفين يوم وقتش منتظم ويوم كلش ما في وقت انش تسوين شي

وكلما كبر البيبي أحس ان الوقت ينتظم لما يتعدل نومه

وان شاء الله أحد يفيدنا من تجربته

وعلى فكرة لأنه أول مولود من جذي عندنا هالمشكله وهالاكتئاب

واللي عندهم 2 ينشغلون ببعض أو الابن او الابنه الاكبر تهتم بالصغير لو بس بالمراقبة وهذا يسمح للام انها تفضى لروحها شوي وخصوصاً اذا كانا البكر بنت أما الولد ف..


بنت جيرانا ما شاء الله عليها تهتم بخوانها الاصغر منها وامها ترتاح أو تطلع وما تتعطل وهي عمرها 10 سنين

هلا حبيبتنا ام شجاع او ام نجودة .. ماعرف ليش للحين ما غيرتي الاسم :)

اكيد دخول فرد جديد الى الاسرة لازم ياخذ حيز ومساحة ووقت منكم كلكم...

وشيء يجيب الاحباط فعلا لما تشوفي انك مفتقدة اشياء كثيرة كنتي تمارسيها قبل الولادة بمنتهى السهولة والهدوء والراحة..

اكبر نصيحة هي : اغتنمي الفرص..
اي فرصة :
ينام الطفل..
يطلع به ابوه..
تاخذه اختك او امك او عمتك او اي احد قريب...

لا تقعدين متحيرة.. مباشرة اعملي اللي خاطرك فيه.. تتصفحي النت.. تاخذي حمام بهدوووء وراحة دون ترقب وتوتر.. تتسوقي.. اللي تحبيه..

ممكن انك حاسة بلخبطة كبيرة حالياً لأن نجد لساتها شهرين وكم يوم.. وبتحسي انها محتاجة لك بصورة كبيرة جداً.. وان اي اهمال او غفلة من جانبك راح يؤذيها...
لكن اصبري.. شوي بس..
بس تصير 4 او 5 شهور.. راح تخف حنتها وصياحها..
وراح تنتبه للاشياء المتحركة اكثر، ويخف البكاء..
راح تطول الفترات بين الرضاعة.. وتستمعي انك تأكليها ويدخل عامل جديد الى الروتين اليومي..
بتلاحظي انها رتبت اوقات نومها وصارت عندها مواعيد للنوم والاستيقاظ..
اشتغلي على موضوع نومها ليلياً في فترة معينة ومحددة ما تتغير .. عشان تتعود على النظام..

ممكن يتعبك تعليمها شوي في البداية لكن بعدين راح ترتاح وتريحك عشان من تنام في موعدها الليلة تنطلقي انت وتعملي اللي خاطرك فيه << اعرفك من خفافيش الليل وما يهنى لك الشغل الا انصاف الليالي مثلي ههه

موفقة حبوبة ،

فعلا هااي المشكله واجهتني في اول اشهر ولادتي ووايد اكتئبت..
بس الحمدلله الشئ اللي مسهل علي اني قاعده في بيت اهل ريلي يعني ماطبخ ولا اغسل ولاشئ كله ع الخدامه ..
بس الحين يوم صار ع ولدي 4 شهوور احس حللللو لأن وقت نومه انتظم واحاو كثر ماقدر اسوي اللي ابيه وهو ساكت ...او يلعب
حتى القعده مع زوجي احاول انوم الياهل وبعدين اتفرغ اول اني اشبعه واخلي يلعب علشان مايحن وانه قاعده معاه

فعلا اول ايام الولاده بيكون وقتج كله خربطه ومو منتظم بس بعدين مع الوقت راح يعتدل الوقت وتقدرين اتنظمين وقتج وتسوين اللي تبينه بس يبله اشويه صبر

السلام عليكم ورحمة الله وبركاته

حبيبتي صدقيني بتتعدل شوي شوي مع الوقت

لو تقدرين جيبي خدامة يكون شلتي من راسك شغل البيت والطبخ والتنظيف والملابس وكل ها البلاوي بتفتكين منها واااااااااااااايد

واذا ما تقدرين جيبي الخدامة الي يجوون للساعات

ويوم الخميس والجمعة روحي نامي عند اهلك وصدقيني اجازة لك ولزوجك ما يصير كل الضغط عليك بتتعبين كذا بيساعدوك كثير صدقيني ما بتشوفينها غير وقت الرضاعه التبديل والشيل والحط كله بيخف عنك بتحسين شوي نفسيتك تعدلت

ولا تضايقي نفسك كل هذا مؤقت وكل ما بتكبر دلوعتك بتتعدل

الله يصبرك ويوفقك بتربيتها يا رب وتشوفينها عروس

انوار انت عندج اكتئاب للحين؟؟

جمانة ما اقدر اغير اسم ام شجاع لانه زوجي اللي سماني اياه عشان جذي وايد احبه، ويالله ننتظر ليما نجودة يصير عمرها 4-5 شهور

كحل العيون يعني مو بس انا اللي جايني اكتئاب

هنوفة الله يجيب الصبر والله اتمنى ان نجودة تكبر بسرعة، يعني اغمض وافتح الا هي كبيرة نفس المسلسلات

ملاك الله يسلمك انا عندي خدامة اللي يجون بالساعات يعني شغل البيت مو علي، واروح انام بيت اهلي بين الفترة والثانية ومع هذا احس بالضغط واللخبطة

ام شجاع;5104861:


ملاك الله يسلمك انا عندي خدامة اللي يجون بالساعات يعني شغل البيت مو علي، واروح انام بيت اهلي بين الفترة والثانية ومع هذا احس بالضغط واللخبطة

ام نجوده خالتي قالتلي كلمة وخلاص خليتها ببالي قالت تأقلمي مع الوضع لانه بيستمر لمده سنتين واذا ما تأقلمتي وتعايشتي برضا مع السالفة بتتعبين

ووجودهم يسوا كل التعب والضيق والملل

ربي يجعلهم من الذرية الصالحة ان شاء الله

سنتين يا ملاك خوفتينيييييييييييييي انا ولدى باجيله 10 ايام ويكمل 6 شهور وليييين الحين مانظم نومه ويقوم كل شوي يرضع تعبت نفسيا ماعندي وقت لشي حتى المنتدى ادخل بسرررررعه واطلع الله يعيينا

مين قلك اني انا اصلا وقتي انتظم ... وانا الي الان حاسة اني محتاسة ....
انا زيادة على هذا كله امرأة عاملة اجي من العمل الساعة 3 العصر .. مش لاقيه وقت لنفسي ابدا ,,
ومش عارفة كيف اعملها ؟؟؟

السلام عليكم ورحمة الله وبركاته..
الله يعينك والله .. بس انصحك تروحي قسم الخبرات هناك مسويه ترانيم موضع للامهات الجدد ومشاكلهم مع الياهل والله يعنا و يعينك..

وهج الحب;5110685:
سنتين يا ملاك خوفتينيييييييييييييي انا ولدى باجيله 10 ايام ويكمل 6 شهور وليييين الحين مانظم نومه ويقوم كل شوي يرضع تعبت نفسيا ماعندي وقت لشي حتى المنتدى ادخل بسرررررعه واطلع الله يعيينا

خخخخخخخخخخخخخ لا ان شاء الله عيالنا يكونو اهون احنا مو اشكال تعب

الف حمدلله على سلامتش خيو ام شجاع
انا للحين وقتي مو منتظم
الصبح أودي بنتي بيت اهلي ليما أرجع من الكلية
أتغذى عندهم واتم لليل
أرجع البيت والشغل يتراكم لآخر الاسبوع

في آخر الأسبوع أخلي بنتي يوم الجمعة عند أم زوجي وأرجع بيتنا أنظف وأعدل وأسوي الملابس
وبعد ما ألحق..
وعلى قولتش النفسية حدّث ولا حرج!

الله يصبرنا

ملاك تراج خوفتيني وخوفت كل اللي قرا سنتين، سنتييييييييييييييييييييييين ليش؟؟؟؟؟؟؟؟؟؟انا قالوا لي الياهل بس يقعد ويلعب التعب يهون


اي والله يا بنت الاصايل حدث ولا حرج في النفسية

ياااااربي !!

لا تتكلمون عن الوقت ماااافي

هذا واني لاا اشتغل ولا ادرش وشقتي صغنووونه ومنعفسة ومنغفصة حدييي زين اقدر اسوي لنا اكل ولها واغسل المواعين ولو مو غسالتي اتوماتيك اقط الثياب وامشي جان ماتغسلوا
اكو احين من ثواني بس اني اسوي الغدى وهي تصيييح علشان ترضع شوي وتوقف وش اسوي فيها
حتى لو اخليها مع احد عشان اشتغل مااالحق واحاتيها فاصير مرتبكه
الله يكون في العوون مردنا انظم وقتنا عدل

:
:

ام تاامي ..تحياتي

ام تامي الله المعين

وصدقتي عيالنا لو نخليهم عند احد نظل نحاتيهم

انا زوجة اخوي قالت لي قبل لا اسوي اي شي انوم البيبي وبعدين اشتغل

يمكن لو رضعتيها ونيمتيها بيصير اريح لج

في ناس يقولون لمن الطفل ينام سوي الشغل بس مرات اكون انا الي تعبانه ابي انااااااااااااااام
فا لمن البيبي ينام اروحانام و الشغل يضل مثل ما هو


بس احسن شي بالنسبة لي اهوا نظام الجدول حق شغل البيت ممتاز بس يبيله ارادة

احلى ملح هو فعلا شغل البيا وتربية بيبي شي وايد صعب

اللي تقدر تجيب خدامة هان عندها الموضوع وايد باعتقادي

انا ما انكر ان خدامة اهل زوجي تساعدني اذا احتجت لكن 99% من الشغل عليي

بس لو عندي خدامة اتوقع يكون عندي وقت اكثر بس زوجي رافض رفض تاااااااااااام ان نييب خدامة خاصة فينا
مادري والله هل هذا شي زين و لا لأ

لان وايد ناس يذمون الخدم و نسمع قصص اعوذ بالله بس والله ساعات اتمنى يكون عندي خادمة