بموت من القهر000خلاص مافيني اتحمل

السلام عليكم ورحمة الله0
اخواتي ارجوكم ساعدوني خلاص والله تعبت ماعاد فيني قدرة على الصبر اطلع من مشكلة واطيح بمشكلة-مشكلتي زوجي وحبه المرضي لمكالمة البنات -البارح كنت نايمة مبكر وجا زوجي تقريبا الساعة وحدة وانا غاطة في نومي فجاة لقيت نفسي قايمة كن احد مقومني والتفت على السرير ومالقيت زوجي واقعد ادوره بكل الغرف وبدون ماتكلم ومالقيته -وفجاة سمعت صوت همهمة بالحمام البعيد وبالظلمة-وقفت شوي والا زوجي المحترم يكلم وحدة-انا كان بيغمى علي تمنيت انه ميت ولا اشوفه يسوي كدا-فتحت عليه الباب بقوة ومافيني قوة اني اتكلم-ويوم شافني والا يسكر الجوال ويلحقني على غرفتي بسرعة وانا بس اصيح-وجتني حالة انهيار وانا حامل بالسادس وتعبانه حدي-قلت له ليش تسوي فيني كدا وانا اللي مزعلة اهلي علشانك-اهلي يبوني ازيدهم من راتبي وانا رافضة لاني اساعد زوجي في المصرف-صدقوني اني عمري ما قصرت معاه انا اصغر منه ب18 سنه وجميلة بشهادة الكل وانيقة ومهتمة بنفسي بزيادة -حتى بعلا قتنا الخاصة اسوي كل اللي يبسطه-حتى ادا دخل البيت احاول اوفر له جو هادي بعيد عن صجة العيال-اخليه بقسم خاص موفرة له ل شي-معاملتي له كني اعامل طفل -شجعته على تكميل دراسته والله اني اجلس من العصر لين بالليل اشرح له واحفظه-حتى بطاقتي الصراف دايم معه وتوني احس بكبر غلطتي وتفانيي في خدمته-واخرتها كل شوي يكلم وحدة شكل-المهم يوم شافني انهرت قاللي كدبة جديدة قاللي هدي وحدة مالي علاقة فيها هي لها علاقة باخوي ودقت علي ليش اخوك مايرد على تلفوناتي -قلت له انا ماني غبية اصدق هاتفاهات -تكف بس طلقني انا ماعاد اطيقك-وقام يحاول يهدي فيني وانا كن صابني جنون وامسك جواله اللي انا شاريته هدية له واكسره بالجدار قدامه وبغى ينجن ليش كسرت جواله وضيعت عليه ارقام اصدقائه-بس قبل لا اكسره تغافلت زوجي واخدت رقم الحقيرة -وبعدين رحت لحالي ودقيت عليها تصدقون ردت بسرعة لان رقمي نفس رقم رجالي بس اخر رقم يختلف-وقلت لها بعدت ماسمعت صوتها وتاكدت انها بنت قلت لها ياحقيرة لو فيك خير ماكلتي الرجال بانصاف الليالي والا تسكت ماترد واسكر-بعدين ارسلت لها رسالة وقلت لها ادا مارسلتي لي وقلتي لي وش تبين من اللي كنتي تكلمينه بكرة بتلقين رقمك وكل شي عنك في كل شات على كل القنوات التلفزيونية والانترنت بعد-بعد عشر دقايق بالضبط كان تدق وقالت انا ماني خايفة من تهديدك بس حبيت اوضح لك اني ماعرف اللي كلمني-قلت انا سامعتك يوم تكلمينه-طبعا طلعت كل كدبة اكبر من اللي قبلها -قلت لها ان زوجي موب اول مرة يكلم هو له سنين كدا بس يعلمني بككل شي لانا متفقين انا نكون صريحين وانه يحتقر كل اللي يككلمهم ويقول عنهم انهم عاهرات -قالت وشلون جبتي رقمي قلت زوجي عطاني اياه-علشان تعرف انه يلعب فيها -وحلفت لي بالمصحف انه ادا دق عليها بتعلمني-طبعا اكتشفت انها صايعة ولها علاقات قبل حتى سالتني انتي لك علاقة بشبان؟ طبعا انا يوم قالت كدا عرفت انها منتهية وقلت لها لا ان شاء الله ماسويتها وانا صغيرة بسويها وانا عندي عيال! وسكرت عقبها وللحين مانمت الحزن دابحني تصدقون طلع زوجي اليوم الصبح وهو مرة زعلان ماقال لي ولا كلمة ولا افطر حتى-اعدروني طولت عليكم بس قولو لي شسوي معه المشكله اني احبه موت ولا اطيق ابتعد عنه ولو ساعة-وانا متاكدة انه يحبني بس ليش يكلم اموت واعرف-ارجوكم شوفو لي حل انا ماتحممل انه يزعل علي هو زعل لاني كسرت جواله-وانا حاسه باهانه لي كبيرة واحس اني محتقرته بس احبه قولوا لي وش اسوي0