سؤال مهم جداً جداً جداً

ماهي ام الصبيان؟؟؟؟
يا ريت تفسري

اختي احس هذي خرافات مش اكثر....مجرد راي

كل إلي شافوا الموضوع ما ردوا ... أشكرج أختي nunnah _koki ... حبيبتي هذي بعيد الشر عنج ينيه أتي عن طريق الحسد أو إنه الوحده تكون دايسه على شئ وياها مس منها لأنه كل مل تنزل بويضه هيه تاكلها ...والله أعلم أنا أعرف وحده جذا قالتلي إنها سارت عند مطوع سوالها جامة وقالها إربطي كبش في البيت لأنه كل ما تحاول تتقرب منها تاكل الكبش بداله والله أعلم

أشكرج يا الفراشة بس الغالية هذي مب خرافات هذا واقع وأنا أعرف الحرمة عز المعرفة وتجدرين تسألين أي حد له تجربة بها الشئ... أشكرج على مرورج

ليش محد عنده معلومة

كلها بدع وخرافات تخلي الانسان يقع في الشرك بالله والعياذ بالله

وهاي اللي يقول حطي كبش حق الجن اكبر نصاب

لانه ما يجوز التضحية باي شي الا لله

ام الصبيان مثل حمارة القايلة

اللي كانوا يخرعون فيها اليهال علشان ما يطلعون الظهر من البيت

الوحده تتوكل على الله وبس

لانه مافي شي يصير الا بارادة رب العالمين

لو اجتمع الإنس والجن على أن ينفعوك بشيء لن ينفعوك إلا بشيء قد كتبه الله لك .

ولو اجتمعوا على أن يضروك بشيء فلن يضروك إلا بشيء قد كتبه الله عليك .

يزاج الله خير حبيبتي JeWeL

انا اول مره اسمع عنها بس ما اعتقد صج خرفات والوحده المفروض تتحصن بالمعوذات الي تحميها من اي كان...

اختي اقرأي قرأن سورة البقره والمعوذتين وتوكلي على الله وبأذن الله ما اشي بيضرك .. اعتقد انه ما في منه هالحكي موضوع الحمل وتأخره بيد الله وما حدا بيقدر يتدخل فيه .. وربنا يرزقك يا رب..

لا ام الصبيان ما تاخر الحمل بس تسبب الجهاض اللي حامل في ولد البنت عادي يكمل حملها

ماعندي اي معلومة عنها

رأي من رأي البنات تحصني بالقران ... والله يكفيك شر الجن والأنس

يــــــــــــزاكم الله خير يا حبيباتي بس أنا حرمة أخوي كانت كل ما تحمل بس توصل الثالث أو الرابع يطيح لأنه هيه تاكلهم... وبعدها سولها كتاب بالقرآن والحمدلله هيه بخير وأختها وصلت السابع وبغته تاكله عنها بس الله ستر وريلها قراء عليها وسوالها كتاب بالقرآن والحمدلله الله حفظها...

أشكركم أنا كتبت الموضوع لأني حبيت أسمع رايكم يزاكم الله خير

انا سمعت عن هذا المس ولكن مايتعالج بهذي الطريقه من شعوذه وخرابيط ياختي اذكري الله والجئي اليه وروحي لشيخ يقرا عليك وفي طريقه ثانيه باذن الله تشفيك وعلاج سهل وصعب بنفس الوقت -------------وهو الحلتيت وهذا يباع عند العطار وهو زي المعجون يؤخذ مثل حبت الحمص ايام الدوره لمدة اسبوعين وعلى فكره ترى ريحته مره قويه ويسبب مغص افضل انك تنقعينه في موية زمزم لمدة يوم كامل قبل الاستخدام ماتخافين يطرد الجن من البدن وعسى الله يكتبلك الخير----

اول مرة اسمع عنها

بس احس انها خرافة


والرزق عند رب العالمين ومب عند حد ثاني