طبعا احنا الحين في فترة امتحانات ....وبعدها طبعا تبغون تفرحون عيالكم وتحتفلون معهم بنجاحهم :D وكيكتي اللي سويتها هذي تنفع للبنات ....وتراها مرررررررره لذيذه وكشخه
وهذي الطريقه مع الصور
كيكة باربي بالسويسرول وموس الفراوله
6 حبات كيك سويسرول بالفراوله كبير
1جيلي فراوله مذوب في كوب ماء+1 كوب قشطة خفق
للتغليف :كوب ونص كريمة خفق +نص كوب سكر +ملون طعام احمر
مارشميلوا للزينه
نغلف زبديه ببلاستيك ..ثم نقطع الكيك الى شرائح شبه رفيعهونرصها في الصينيه
نخفق الكريمه حتى تثقل ثم نضيف لها الجيلي البارد والشبه متماسك بالتدريج < حوالي نص الكميه >بحيث تضل الكريمه متماسكه
نبداء بوضع طبقه كريمه ثم طبقه كيك ثم كريمه الين تنتهي الكميه بطبقة الكيك ..ثم نغطي السطح بالبلاستيك وندخلها الثلاجه كم ساعات حتى تتماسك >>معليش نسيت اصور هذي الخطوه
نحظر كريمة التغليف بخفق الكريمه والسكر وشوي لون احمر....طبعا الين تصير ثقيله
وبعدين ندهن فيها الكيكه بطبقه سميكه وندخلها الثلاجه
نجيب جسم عروسه ..النص العلوي طبعا ونشيل ملابسها ونقصقص مارشميلوا ونلصقه بغرى المسدس على شكل فستان >>>نسيت اصور هذي الخطوه ..
نغرز في وسط الكيكه عود ساتي على حسب الارتفاع المطلوب عشان يكون قاعده للعروسه وندخل فيه جسم العروسه
نزين اطراف الكيكه بالمارشميلوا وكمان ننثر عليها بنفس النوع اللي لصقناه على جسمها
نزيد لون على باقي الكريمه عشان يكون احمر ونحطها في كيس صغير ونسوي للكيس
فتحه صغييييره ونبدأ نسوي زخرفه على الكيكه
نحطها في الثلاجه لليوم الثاني ولا تخافي لا تغطيها ماراح تنشف
اتمنى ان كيكتي تكون عجبتكم ...وتراها فعلا لذييييييييذه جدا وتفرح البزران<<<حتى انا فرحت
في انتظار ردودكم ومثل العاده أي سؤال انا حااااااااضره
يابنات ويامشرفات الله يسعدكم علموني كيف اقدر احط اسمي في الصوره ؟؟عجزت وما عرفت
الله يجعلها في ميزان حسناتكم >>>بديت اشحت خخخخخ
