لكل مجربة ارجو الرد .... عملية شق الفرج ؟؟؟

ليست ضرورية في كل الحالات لكن بنسبة كبيرة ممكن يكون في شق العجان وبالعكس بعد الخياطة يعود لسابق عهده او اضيق

حبيبتي يعتمد على كل وحده انا الصراحه في ولادتي ببنتي البكر ما كنت اعرف انه فيه شي اسمه شق العجان تخيلي ولا اعرف انه يسوون خياطه المهم عقب ماربيت اقول للدكتوره يالله متى اتودوني الغرفه اتقولي لحظه بسوي لج خياطه انصدمت عيوني طلعت :eek: وقلتلها ليش انتوا مسوين لي عمليه عسب اتسوون خياطه جان اتقولي لا وفهمتني الموضوع وقالت مانقدر انخليج جذي لازم انسوي لج خياطه وسوت لي والله الولاده اهون من الخياطه بوايد مت من الخياطه انا بس الحمدالله ردت الامور على طبيعتها بس بعد الاربعين يوم بيصير جماع بتحسين بالم خفيف وبينزلج دم شوي
انا بنت عمي ولدت بس ما سووا لها شق ولاخياطه فيعتمد على كل وحده وجسمها كيف
وربي يسهل على الجميع

الاطباء يفضلون شق العجان لكي لا يتسبب الضغط الحاصل من الولاده على المنطقه الضيقه الي بين الفرج والشرج ولكي لا تتعرض المنطقه الى جروح هي منطقه صعبه جدا وبالذات الشرج لو تأثر ما شي يعوضه لأنه عضله قابضه

وبالنسبه للأخت اللي ما حست بشق العجان اقول لش السبب ليش

في اثناء الولاده وعندما يقترب الرأس من الخروج تقوم الدكتوره بحقن المنطقه بأبره مخدره والمرأه لا تحس لها من شدة الام الولاده

بعدها يتم قص المنطقه بمقص صغير ومعقم

مع مراعاة الضغط على المنطقه الصغيره اللي تكلمت عنها قبل شوي

وبعدها تتم الخياطه من الداخل والخارج بخيوط عضويه اللي تذوب وتطيح من نفسها واللي ما يبان لها اثر







انا لسه ما حملت بس ادعوا لي

انا سالت دكتورتي عن خياطة العجان قالت مو لازم لك وحده بس اذا البيبي صار خطر عليه احسن انهم يسونها بس مو كل الحريم يحتاجونه

انزين عندي سؤال الحين اذا ماصار خياط للعجان وش راح يصير الوضع يعني احسن مع الخياطه ولا بدون ماني عارفه ؟؟؟؟

شكرا يأحاوتي على ردودكم ...... والله انا خايفة موت من قصة شق العجان وربي يستر بس والله موضوع محيرني واختي ظبيانه وافتخر ماقلتيلي هل المهبل ضل زي ماهو وإلا اتسع واختي صاحبة السمو الملكي ربي يعطيك ويرزقك بالذرية الصالحه

يعتمد على حسب حجم البيبي وعلى حجم المكان اللي بيطلع منه..

في حريم مايحتاجون هالعملية بالذات اللي والدة اكثر من واحد... والبكر عادة تحتاج لانها ضيقة ...

وهالشي انتي ماتقدرين تختارينه او ترفضينه.. الدكتورة تحدد الافضل لج...

لان لو كنتي ضيقة وماشقته لج .. ممكن يصير tearing يعني بتصير تشققات من داخل وماراح يعرفون مكانها عشان يخيطونها.. وبتصير بلااااوي من داخل...
فالافضل هي عملية شق العجان لانهم مكان مايشقون يخيطون

[الله يسهل عليج ان شاء الله]

هلا هايدي
المهبل لا اتسع ولا شي بالعكس رد مثل ماكان واحسن بس اهم شي لاتخوفين عمرج انتي واتوكلي على رب العالمين وكله خير

الله يبارك فيكم وشكرا على ردودكم وربي يسهل علينا وعليكم ..... هاذي هواجس مخوفتني من الولادة وانتو ساعدتوني على تخطيها ... الف شكر ليكم

انا ماسوولي هالعملية لأن بنتي راسها كان واايد صغيرون بس لما طلعت سوتلي جرح وايد يعور اثناء الولادة وبعدها والله شفت ان الافضل لو هم الي سووا العملية بدلا ما ينشق بروحه لما البنية كانت تطلع

انا مثلك ياختي خايفه مرة ب الحمدلله طمنتوني الله يجزاكم كل خير يارب

حبيبتي هذا يعتمد على حجم البيبي كل ما كان صغير يكون احسن بعديين ما تحسيين بالم لانه يكون مبنج وحتى الخياطة يبنجون المنطقه بس تحسين بحركة الابره والخيط عادي لا تخافين ..
الله يسهل عليج ولادج ....