الياهل مسؤولية الام !

أختي انا مريت بمواقف عديدة من ها النوع خصوصا ابني انولد 8 شهور وكان صغيييييييييييييير وعلى طول مرييييييييييييييض و كانوا يقولوا غلطتك ومسؤوليتك :rolleyes:و حماتي لما اسهى شوي عن ابني تقول انت السبب ومن ها الكلام وكانت دايما تقول لي ابنك نحييييييييييييل وانا ما خليت شيء نشوي ودسم الا اكلت ولدى ومع ذلك ما في فائدة وبالاخير رحت ابكي لامي :cry:وقالت لي وهي تضحك يا بنتي انتي وانت بها العمر سمينة وفي بنفس عمرك عارضات ازياء .........فوالله ضحكت ورضيت ان فعلا ابني نحيل خلقة ربه مش مني لاني احاول ما اقصر فيه ابدا وما اهتم بكلام احد و لكن هذه الموقولة موجودة كثيييييييييييير في حياتنا خصوصا من الامهات والنساء الكبيرات في السن:mad2: .........مشكووووووووورة اختي على طرح للموضوع الجميل والله يسعدك ويوفقك ........تحياتي

:up:

صح كلامش جمانة والله صدقتين...(y)
كلشي احنا مسؤليين عنة يعني احنه بقولش سالفة صديقتي... من يوميين بنت صديقتي حترقت شوي في يدها من الشوربه،كانت مخليه بتها عند ختها وطالعه ، وختها حطت الشوربة وكانت بجيب ماي جت بنت صديقتي وحطت يدها في بادية الشوربة وحترقت ..ما يسوى على هلأم الفقيرة ، اولشي زوجها كلش عصب معاها وقالها وانتي السبب فنفسيتها مسكينة تعابانه كلش ، وام زوجها متصل لها دقولها انتي مهملة وادا ما صرتين اوكيه ترى مو في صالحش لان في وحدة حرقت بنتها وقام زوجها وطلقها،، تخيلو احد يقول هلحجي،،
مساكين احنا الامهات كلشي يطيح براسنا....

كلام سليم منطبق على الواقع الدي نعيشه 100% ولكن للأسف هل هو صائب وهل هده النظرة للأم صحيحه ؟؟
طبعا لا فالابن ليس فقط مسئولية تربيته تقع على عاتق الام فالاب لهو دور كبير في دلك ولا بد ان يتقاسم مع الام الدور بالتساوي وليس كدلك فالامر ايضا يقع على عاتق البيئة المحيطة بالطفل فلها ايضا دورا في مراعاة الطفل وتنشأته التنشئة المناسبة فهو في الاخير سيكون جزءا منها يساهم في رقيها والنهوض بها فلابد لها هي ايضا ان تساهم في تربيته والنهوض به مند السنوات الاولى ..فلو كان الامر فقط يقع على عاتق الام لكان الطفل في الاخير منزويا ومنعزلا ولا يحب مشاركة الجماعة وهدا لا شك سينعكس عليه في المستقبل فمن المعروف ان السنوات الاولى لها الاثر الكبير في صقل شخصية الطفل حتى يكبر وينمو ..
الحديث طويل ولكن لا اريد الاطالة حتى لا تملوا

عندك حق والله يا جمانة يعني حتى لو لا قدر الله الطفال جاله اي مرض الكل يقول امه السبب
مشكورة على موضوعك الجميل

gha1982

السيدة البحرينية..

تراتيل ..

مروركم عطر الموضوع .. وردودكم رائعة..


-*-*-*-*-*-


اخواتي جميعاً..

تذكرون جميعاً قصة الام اللي توفى عندها 3 اولاد بيوم واحد؟ وكان اعتقد في المجتمع السعودي ونشرت عنه الصحف والكل تأثر لقصتها الام المسكينة..
ملخص الحادثة عشان اللي ما سمع فيها.. هي ان الام كانت في الحمام تحمم طفلها الصغير، بينما الطفلين الاكبر كانا يلعبان.. فراح واحد منهم واحضر اداة حادة سكين او مفك ما ذاكرة بالضبط واثناء اللعب غرزه في حلق اخوه بالخطأ .. وطبعاً صرخ صراخ قوي، فالام ارتاعت وطلعت لهم.. فوجدت الطفل يلفظ انفاسه، بينما الكبير خاف جداً وهرب برا الشارع بدون شعور وعبر الشارع فدعمته سيارة وتوفى ايضا.. ولما رجعت البيت وجدت اللي بالحمام غرق ولحق اخوانه.. استغفر الله العظيم تبدو القصة غير حقيقية لكن لولا نشرها في الجرائد ايامها ما صدقنا.. سبحان الله الحوادث هذي ممكن تصير دائماً..



تخيلوا فقط... هذه الام اللي صار لها كل هذا يجي من يلومها.. انتي السبب.. كله من امهم... وووو كلام يقطع القلب حقيقةً...
صحيح الام بالدرجة الاولى مسؤلة عن ابنها وما يصير تترك مسؤليته كاملة على غيرها، لكن مش معناه انها تترك اللي قدامها واللي وراها وتجلس فقط تراقب الطفل،


احيانا افكر في اللي يحذرون الزوجات من عواقب الانشغال بالطفل وتربيته عن الاهتمام بالزوج وما يلحق الزوجة جراء ذلك من تضجر الزوج ووو.... هل لو تركت الام الطفل وتخلت عن " جزء " اكرر جزء من مسؤليتها تجاهه .. بأن مثلا يكون عند الخادمة ساعة معينة ولا عند امها او اختها.. لو اصابه مكروه وقتها هل من الجائز لوم الام عليه؟


سواااااالف ...

موضــوع رااائــع بالفعــل .... لأنــه من واقعنــا نحن الأمهـــات
أول ما يصيــر شي لأولادنـا لا سمـح الله تقــوم قيامـة الأهل
سـواء من الــزوج ولا الحمــوات...

أم زوجــي لمـا ولدت زوجـة ولدهـا كان قبلي بأربعـة أشهــر
تقــولــي شوفـي كيف بنتهـا مربربــة وخدودهـا حلـوين

وأول ما ولــدت ولدي طلـع ما شــاء الله مربـرب ولما شافتـه
سكتت ما قالـت شي..

أختــي ولــدهـا نحيييييف وااااايد.... وكل العايلـة هذا نحيف
ويش ما تأكليه ما تعطيــه.... اذا هذي خلقتـه هي ويش بيدهــا

الله المستعـــان


مشكوووورة جمــونة على الموضـــوع

دمتـــــــــــي بــــــــــود.............

imy_emg


اي والله اختي .. انا عن نفسي اموت قهر اذا احد لامني بشأن اولادي.. يعني ايش معنى كلامهم؟ محد يحب اولادي اكثر مني ..

عروس جنان..

اي والله صعب قصة المقارنة.. وكأن الام بيدها شيء.. لو كانت مقصرة معلش.. بس لو كانت تعمل جهدها.. والواقع كما هو.. راح يقهرها الانتقاد بصحيح..




بقولكم قصة عن نفسي..

انا من تزوجت احترم عمي ابو زوجي جداً جداً.. وهذا طبعاً عشان عيون زوجي .. فاخجل اني ابتديه بالكلام او اكلمه بكلام عادي او صوت مرتفع..
المهم مرة كان ابني مريض وكان وقتها ابن 5 شهور.. ولساته ما قلب ولا شيء.. لما رحت به العيادة ... طلب مني الطبيب اخليه على سرير الفحص.. فأنا نومته عليه وخففت عنه ثيابه وقماطه ووو.. وقمت " وهذا غلط كبير " ابتعدت عنه عشان اعطي زوجي فراشه يحمله، فسبحان الله ما طق بدماغ ولدي يقلب الا الحين ! وسقط من فوق سرير الفحص الى الارض اللي كانت سيراميك والحمدلله جات سليمة بعد ما فحصناه وكل شيء..

زوجي سكت لأنه يعرف اني مو قاصدة ووو اول مولود .. بس اللي حز بنفسي هو عمي اللي تلقاني من الباب بصراخ وكأني ابغي اقتل ولدي ! ردة فعلي كانت البكاء وتجاهل عميي لفترة طويلة ولا زالت بنفسي آثار هذ اليوم اقصد التبعات نفسها وليس السقطة ذاتها..

موقفــج صعب جمـانــة

أنـا بعد الأربعيـن رجعـت بيت زوجـي وكنت والـدة بعمليـة
ومـا أقـدر أنـزل وأطلـع ع الدرج.. وكان أول أيـام الفطـر ...
قمـت وجهـزت زوجــي وراح للصـلاة وأنا رحت أتجهــز وولـدي
كــان صغير ونايـم ما حبيت أصحيـه...
عمتـي يوم شافتنـي لابسـة فتحـت عيونهـا>> قصدهـا ليش لابسـة
وولـدي ما لابــس... المهـم هي سكتت أول ما رحت بيت أبوي
بدت في الكـلام قايمـة من الصبـح جاهزة وكاشخـة وما ملبسـة
ولدهـا وخلـت عمي يتضايـق ... أخو زوجي خبر زوجي بالسالفة
وزوجي تضايق واااااايد...

أنـا يومهـا زعلت منهم بس ما بينت بس أثر هذاك اليـوم لحد
الحيـن ما أنســاه... ويوم عيد الأضحـى قمت من الصباح
أكلـت ولدي وسبحتـه وجهزتـه سكتوا وسكروا حلقهـم
وعرفوا اني أنا عرفت بالي صار.....

صدق المثل اللي قال رضا الناس غاية لا تدرك ..
اللي يشوف هم غيره يهون عليه همه ..والله بالنسبة لي نفس الحالة ولدي نحيل واهو طبيعة لونة بشرته مايله للصفرة فكل ما احد يشوفه من الأهل واو ولدش صاير اصفر ما تاكلينه زين ..وهنيه اظل احاتي ويش فيه ولدي ويحز في نفسي ..مع اني احاول قدر المستطاع اعطيه اكل لكن اهو ساعات ما يرغب للاكل بعد الطفل وشهيته ويش اسوي اسدحه واربط اياديه واافج فمه واجعم فيه ؟؟ بعد ما يصير مو تصرف سليم ..

صحيح الجاهل مسؤولية الام لكن
والاب بعد............
مش بس الام اللي جابت الولد
لتتحمل مسؤوليته..بس الناس ما تفهم!!!!!!!
تصدقين جمانه انا من جبت بنتي كان وزنها 2كيلو ونص وضعفانه
ما تبين..وكانت حماتي والد قبلي وولدها 3 ونص ومربرب شوي
وشوفي الكلام اللي جاني من عمي وعمتي وأهل زوجي بالخصوص
دايما يفكروا إني ما اهتم فيها وما ارضعها عدل ودايما يقولون
شوفي حماتك وولدها انتي ما تعرفي تربي ولا تعرفي تكبري الجهال
والله ياجمانه اني قمت ما انام الليل من كلامهم ,,مع العلم انه وزن ولد حماتي يزيد
كيلو الى كيلوين بالشهر وبنتي كيلو ومن المرض اللي يصيدها نص!!!!!!
بس صحتها وتغذيتها والتحاليل كلها سليمه وما تركوا شي ما سوو عليه تحليل
ولكن حماتي ما ترضع طبيعي ولا حاولت من ولد وهو يشرب صناعي!!!!!!!!!
وما احد منهم تكلللللللللللللم ..وبنتي بس طبيعي
والى الان بنتي اللي يشوفها جسمها يقول عمرها 4 أو 5 شهور
مع انها بالعاشر...بس الكلام ما ينتهي..
وما لنا الا الصبر...........

اختي
انا صار لي موقف اني حملت وسقطت
طبعا لمن طاح كان عمره يا شهر او ثلاثة اسابيع
والكل ايقولي للان مع اني عندي بنت عمرها ست شهور
يقووولون انتي السبب

والله اخت جمانة ساعات الام ملامة و ساعات لا أنا قاعدتي في الحياة أن لا يمكن ان الشئ يكون مطلق لكن صج قهر التنغز والله اشفيه ولدج اضعيف و هو لا اضعيف و لا شي يعني اشكره ما تعطونه اكل !! لا و اللي تقولج عن قصد أظافره اطوال بقصد انها اتبين لحماتج مثلا ان شوفي افلانة ماتقص اظافرة صارت معاي قمت و رديت عليها من يومين قاصتهم !! مايتركون احد في حاله حشه

والله صحيح كلام الخوات الام ملامة في كل شي الله يعيننا
مشكورة خية حمانة

جمانه قصة ولدج مثل قصة بنت اخوي

امها حطتها ثواني راحت تجيب لها ملابسها وانقلبت وطاحت وهي اصلا ماتنقلب وعلى سيراميك الحمام

سبحان الله

عني انا لين الحين محد لامني

مع ان شفنا في صبع ولدي حرق وزوجي شافه قبلي

يوم قالي شنو هاااي ماعرفت ارد قلت له مادري سكت ماحب يجرحني

بس محد لامني قضاء وقدر

والله لايجيب هاليوم لاني احس اني بشيل بخاطري على هالكلمه ( كل منج)

خصوصا ان احنا نتعب معاهم من اكل من سبوح من لبس من نوم من مرض

يعني ايش هالطاقة اللي بتستحمل كل هذا

والله ياجمون انه فعلا الطفل من مسئولية الام لانها تجلس مع اطفالها اكثر من اي احد تاني

والام برأيي ملامة اذا صاب طفلها مكروه بس في فرق عندي يعني
والله اذا الطفل تعرض لاصابة مثلا وقع ولا صدم راسو بحيط او اي حادث نتيجة شقاوة منه او انه من الله
او خارج نطاق رعايتها هو بمكان وهي بمكان ثاني فهالشي الام مالها دخل فيه وهذا قدر ربنا

اما والله مثل القصة اللي قلتي عنها فهذا اهمال والام ملامة صحيح انو قدر ربنا بس كمان ربنا قال اعقل وتوكل
يعني اطفالي صغار والله شاقيهم ليش اخليهم لحالهم ولاء في مواد حادة وكمان من عمية قلبها مسكينة
تخللي الطفل الثالث بالحمام وتتركه ماهو معروف كبير ممكن يغرق بشبر مي ((ماء ))
فكيف طفل صغير انا ما بلوم هالام الله يكون لها عون ويعوضها خير
بس والله المفروض نكون اكثر حرص وخصوصي مع هالجيل ابن يوم عم نشوفه بيضحك وبيتحرك فجيل بده انتباه
كبييييير وحرص اكبر

(( ومن عاش منتبها قلة مصائبه )) شعار بابا الله يخليلي ياه
مابعرف يمكن رايي مغاير لرأيكم بس مابعرف اذا رايي غلط او لاء ؟؟

صح كلامج اختي جمانه كل شي على الام انا زوجي الحمدلله مايقول شي لانه يعرف مافيه احن على عيالي مني لكن الاهل اوف يبطون جبدي من قلب ساعات اقول في نفسي اهما شلهم خص وخاصه عاد اذا الياهل ضعيف ليش ماتأكلينه انتي ماتهتمين فيه سوي له هالشكل والخ .

يعطيج العافيه اختي جمانه

فعلا في مجتمعاتنا صارت المسؤولية تقع على عاتق الام كليا لكن هذا حرام لازم الاب يشارك بعد ليش بس الام

والمشكلة دايما من اهل الزوج حتى لو كان الزوج حاب يساعد ولو بالقليل قالوا ليش وشلون انت رجال على بالهم ان الرجال خلاص ملك مايصير يخدم ويساعد اوووووف

يالله انا مااهتم لكلامهم اسمعه من اذن واطلعه من اذن ثانية لان هم بس يبون يتكلمون سوي وسوي وكيت وكيت وهم مايدرون بالتعب اللي تتعبه الام طول اليوم

تسلمين حبيبتي جمون على الموضوع الحلو خليتينا نفضفض شوي

موضوعج حلوة جمانة

انا اتفق مع الدمشقية بكلامها وفعلا الياهل مسؤولية الام

يعني لما الطفل يحرق روحه بالمكواة او يجرح روحه بالسكين من الغلطان هني ..؟؟ الام اكيد

لازم تحطها في مكان ما يوصل له الطفل وما تغفل ولا لحظة اذا تكوي الملابس او تقطع فواكه او اي شي من هالقبيل

وانا اشوف ان الام مسؤلة عن كل شي لانة هي الي تهتم في الطفل من اكله ولبسه وكل شي

بس في شي اسمه قضاء وقدر مهم الوحدة تسوي وتهتم في قضاء وقدر ومشيئة الله فوق كل شي

مثلا انا عندي ولدي الوحيد صادق (3سنوات)مهتمة في اكله وايد وايد وعلى كل هذا صادته ثعلبة بسبب سؤ التغذية وصاده نقص كالسيوم لما كان صغير

وقبل جم شهر وهو بيدخل الحجرة ضرب في طرف الباب وصاده جرح في جبينه وهو ما كان يركض ولا شي عادي يمشي وبيدخل الحجرة وانا كنت صوبه وهذا مو اهمال هذا قضاء وقدر

لاني مهتمة في ولدي وايد ومحد من اهل زوجي او اهلي يقدر يلومني لانة يشوفوني اي قد اتعب والاحق وراه حتى وهو يلعب

لكن في مواقف وايد تصير الام تستاهل اللوم فيه

انا الشي الي يلوموني فيه الناس ان ولدي مو اجتماعي وما يحب يلعب وية الاطفال لعب جماعي

واذا اطلع وياه كل يقول يالله نرجع البيت اذا طلعات بيوت للاهل او اعراس

والكل يقول اني عودتينه وكل محبوس في الشقة وياج .............

شنو اسوي يعني وين اخليه يروح وين ادور له اطفال يلعب وياهم

انا صج عايشة وية اهل زوجي لكن الكل عايش في حاله وصاك عليه بابه

شنو اسوي اقول طلعو عيالكم يلعبون وية ولدي.....؟؟؟؟؟؟؟؟

وهذا الشي الوحيد الي حاز في خاطري ومضايقني وانتظر روحته الروضة السنة الجاية عشان يتغير ويحتك مع اطفال في عمره ويلعب وياهم ويصير اجتماعي

مشكورة ام حسين على الموضوع خليتيني افضفض ههههههههه