انا وعمتي وحرمت اخو ريلي

السلام عليكم يا بنات

صدقوني ما فكرت اكتب لكم الا وضاقت بي الدنيا بنات انا متزوجه الحين من 3سنوات ونص تقريبا بس ولا يوم حسيت انه اهل ريلي يحبوني لانه ريلي خذني من البدايه وهم مب راضين بس حياتي انا وريلي الحمد لله بخير شرات كل الناس لازم مشاكل بسيطه بس انا راضيه فيها لاني ساكنه بعيده عنهم هذا الشي مسهل علي امور وايد.........
حتى بنتي ما يعاملها زين واحس انهم ما يحبوها كثر ما يحبون بنت ولدهم الكبرمع انه بنتي عمرها سنه و8شهور وهي اكبر من بنتي بثلاث شهور بس صح انه يشترون بين كم شهر كم لبسه لبنتي ولي بس صدقوني ما يتصلون فينا ولا يطمنون على بنتي لو مرضت مع انهم يعرفون انه ريلي بعيد في الدوام بس والله ما يدقون يطمنون......
جربت اني اروح وازورهم كل اسبوع مره اتعشا عندهم واسهر بعد ما في فايده كله يلستنا معاهم يتكلمون عن المصاريف ويتمون يوصوني لا تسرفين ولا تلعبين بالفلوس وحافظي على راتب ريلج ومن هالكلام الي يغث مع انه نحن ولا مره شكينالهم الحال ونحن مرتاحين ماديا والحمد لله مبسوطين........

حتة يوم توفت يدتي الله يرحمها ما فكروا يرفوعون السماعه ويعزوني على الاقل مع انه الغريب الي هو عم ريلي وحرمته يونا لين العزا وعزوني ووهم تلفون ما سوا وريلي زعل من موقف اهله بس يسوي هذيل اهله هو عاتبهم وتذرت امه انه ابوه كان تعبان وما قدرت تدق.....بالله عليكم هذا عذر مقبول يعني ما رامت تدق .........الحين من شهر 10 وانا ما زرتهم بس ريلي يروح عندهم ما يقطعهم حتى لو ما دق اقول له دق هاذيل اهلك.........

يعني تقريبا 4 شهور ما دقولي يعزون ولا يطمنون على البنت وانا الحين حامل في الشهر الرابع تقريبا حتى كلمة مبروك ما سمعتها منهم......

ولا يزورونا والله يمكن 5 او 4 مرات بس زاروني في بيتي وحتى ما يتقهون شرات الناس من الباب يمكن يكونون مارين عند حد ويخطفون علينا.....

والمشكله الثانيه اخوه الي اكبر منه حياته ما زارنا والله ولا مره خطف حتى عدال الباب.
يدق حق ريلي اذا محتاج خدمه او شئ.... يوم عيد ميلاد بنتي ما حضر لا هو ولا حرمته المصونه الي تكرهني كره العمى وتسبب مشاكل بيني وبين اهل ريلي وتقولني كلام ما قلته؟؟؟

يوم عيد ميلاد بنتها ما عزمتني لاكل اهل ريلي حلفوا علي اني احضر الحفله يمكن علشان يغثوني لانه يعرفون انه محد بعطيني ويه هناك والله وجودي كلان مثل عدمه تحملت اهانات بنات اهله الي تمر عدالي وما تعبر وقفتي علشان اسلم تحملت وقلت اني غلطانه لو يلست في بيتي احسن لي..

الحين كل هذا يعورني بس انا ما قدر اجبر حد يحبني لا امه ولا ابوه ولا حرمت اخوه بعد ....كل يوم اتخبر عنهم عن طريق ريلي من كم يوم حرمت اخوه ربت ما رحت زرتهم ولا عطيتهم ويه شرات ما هم يسون فيني ......
الي ما يباني ليش اذل عمري اكثر واغث روحي علشانهم كيفهم.........

انا الحين اقول حرام بنتي تكبر وهي بعيده عن يدها ويدتها بس هم ما يبونها وهذا واضح..بس شو بيدي اسوي واخاف الله يعاقبني لاني ما اوديها تزورهم وفي نفس الوقت اقول ليش هم ما يزورونا

ساعدوني شو اسوي بنات بليييييز؟؟؟؟؟؟؟؟