مادري هو روتين ولا شنو....دلوني الله يسعدكم

اللسلام عليكم
شلونكم حبايبي انشاء الله بخير مابطول مقدمات ببدي موضوعي على طول
انا متزوجه او ادرس صارلي تقريبا سنه او نص او ماعندي اطفال طبعا انا علاقتي مع زوجي احس انه روتين يومي ينعاد كل يوم هو يموت عل الطلعه او مايحب بقعد في البيت طبعا اول مايرجع من الدوام انا اكون نايمه او مثلا صايحه مسويا الغذا او نتغدى بيت الاهل المهم عقب الغذى يبدي الموضوع طبعا لازم بعد الغذى البس على ساس بنطلع وين بنروح مافي مكان عادي حتى لو نفتر بالسياره من غير شي او صرف بنزين او عشى بره فاست فود المهم مافي وقت انه نقضي مع بعض نسولف او نلعب شي حلو بالبيت
مثلا قبل النوم لازم تصبحين على خير هذي الكلمه روتينه يعدي نعرف انع بنقوله او شنو اجابتها او انه لمن اقوله كلام رومانسي في بعض الاحيان ابدا ما احس انه يتفاعل معاي ماعرف اذا هذا صمود منه او انه هو مايعرف يعبر عن شعوره يعني لو لابسه او مغيره بشكلي ابدا ما يقول والله صايره حلوه او شكلج غير هل اني لازم انا اسأله شرايك بلبسي او انتظر منه الاجابه لانه انا صراحه ما اسأله ها شرايك فيني اليوم بس ألومه لمن مايعطيني رده فعل او اي تعبير
انا احس هو مل مني يعني مافي حياتنا ريأكشن او شي حلو صج الحمدلله رب العالمين انه نطلع او نروح اماكن بس مافي شي عادي نطلع عقب نرجع البيت او بس
طبعا انا ادق عليه اكثر من ما اهو يدق او اذا كنت طالعه نفس الكلام بالمسج حافضته فأحس انه ماراح يغير شي او ادري شو بيكتب بالمسج
انا ماعندي سياره او اغلب طلعاتي معاه يعني لو بروح مكان هو يوديني هل هذي بعد جزء من المشكله انه كل ما ابي اطلع هو يوديني يعني لو عندي سياه يكون يشتاقلي يمكن اكثر مايشوفني مثلا وايد
او بعدين انا اخاف اقعد بالبيت بروحي فاذا هو بيروح مكان لازم يوديني بيت الاهل
ابي شوركم يا بنات حاولت اسوي ريأكشن بحياتي ماعرفت شلون ماني عارفه هو ماعنده اسلوبي ولا مايعرف يعبر ولا خجول ماعنده ماعتقد انه خجول
ودي لمن ارسله مسج يأثر الكلام فيه يقول والله حلو المسج
لمن اتصل عليه يقولي مشتاقلج
انا ما اتصل عليه وايد يعني عادي بس ما ادري ليش مايشتاقلي ولا يقول كلام حلو انا احس انا اشتاقله اكثر
او بعض المرات لمن اكون متضايقه يحاول يراضيني مره مرتين او بس ماينزل نفسه اكثر ماعرف هم الريايل جذي ولا بس هو هو لما يكون زعلان ما اسوي اي شي الا لمن مااخليه يزعل او اعرف شو مزعله احاول اراضيه.....
دلوني من وين الغلط او شو اسوي يابنات
ما ابي اخسر حياتي على هل الشي البسيط مثل مايقولون الرياييل ملولين فكيف اخليه يشتاقلي اكثر يعني ودي هو ينقط علي اكثرمن ما انا ناحيته....
ماقصرتو او اللي عندها اجابه بس تدلني او راح ادعييلها من كل قلبي
الله يعطيكم العافيه او يفرج عنكم كلكم:ss: