تكفوووووون نونو محتاجه لردودكم ظروري

ن

نونو كتكو نايس

عروس مشاركة

29-01-2008 | 09:26 PM

[FRAME="3 10"]حيايبي سلامي الحار لكل الأخوات الطيبين شلونكم وشخباركم
بصراحه انا من العضوات اللي فعلن ما أستغنى عن خدمات أخواتي اللي بالمنتدى
ولا أستغفل عن مشورتهم ولا أرائهم الثمينه
فلو سمحتوا ابي مساعدتكم بالاجابة عن استفساري ظروري عفيه
انا شاكه اني حامل وادعولي اكون حامل عفيه
انا توني متزوجه وتونه هالشهر اشتغلنا على سالفة الحمال
لا تقولولي حسبي لاني ما اعرف اشلون احسبها
بس انا يتلي الدوره سته بالشهر
واشتغلنا بعدها بأسبوع تقريبا يعني 18 بالشهر
واليوم اللي بعده يعني 19 بالشهر
وبعدين 21
وبعدين تعبت لاعت جبدي قطيعه
فشقحنا لي 26 بالشهر
فهل في احتمال حمل ولا لأ تكفون ريحوني وادعولي انا احب اليهال واتمنى اكون حامل عفيه دعواتكم حبيباتي[/FRAME]

م

ماي الحياة

عروس مشاركة

29-01-2008 | 09:35 PM

هلا حبيبتي نونو الله يوفجج إن شالله وياااااااااااااااااااااارب تكونين حامل

أكثر فرص الحمل تكون من اليوم 14 - 22 إنتي إنتظري لين التاريخ اللي دايما إتيج الدورة يعني تاريخ 6 إحسبي عليه بعد 10 أيام ما ياتج الدورة معناته لازم تسوين فحص وإن شالله حامل

ف

فجري العميق

عروس برونزية

29-01-2008 | 11:35 PM

حبيبتي الله يوفقك وتكوني حامل وتبشرينا بالخير
واقولك انو مو لازم اليوم الي تسوين فية شي تحملين على طول
الحيوانات المنوية تبقى حية فى الرحم يومين ثلاث
ان شاء الله ربي يطمن قلبك وتفرحين يارب بالحمل وترتزقي بذرية المصونة المعافا

ش

شووووق

عروس برونزية

30-01-2008 | 03:16 AM

انشاااااااااااااااااااااااااااااا الله
حــــــــــــــــامــــــــــــــــــل

d

daaanaaah

عروس جديدة

30-01-2008 | 03:27 AM

الله يرزقك اللي في بالك

.

..★شـــااانيل★..

مشرفة سابقة

30-01-2008 | 04:34 AM

انشاءالله حامل واذا ماحصل حمل فطريقه الحساب سهله جدا راح اقولها لك وانشاء الله تفهمينها
اليوم الي تجيكي فيها الدوره اضيفي عليها7 ايام000 و يصبح عددها13 يوم 00هذا اذا كنت دورتك 6 ايام000 وفي الايام13و14و15و16 بعون الله تكون الاباضه ويحصل الاتصال مع زوجك وفي هذه الفتره تكون فرصه الحمل مرتفعه 000وكذلك للمعلوميه فان الحيوانات المنويه تعيش بداخل الرحم لفتره يومين0000فباذن الله يحصل حمل0000واذا احببتي ان تكملي ليوم17و18و19الاتصال مع زوجك فيكون افضل0000
وانشاءالله تكون واضحه الطريقه وفهمتيها وانشاءالله تكوني حااااااااااااااااامل وما تحتاجيها وتبشرينا بحملك واحنا ننتظرك

د

دره قطر

عروس جديدة

30-01-2008 | 05:10 AM

ان شالله تكونيين حامل واول ما تتاكدين انج حامل فرحينا وياج ..........مو تنسينا

f

feedback

عروس ماسية

30-01-2008 | 07:29 AM

ان شاءالله تكونين حامل

*

*Hala*

عروس فضية

30-01-2008 | 07:32 AM

ان شاء الله تكونين حامل حبيبتي وتبشرينا يارب,

s

ss dd

عروس جديدة

30-01-2008 | 11:08 AM

هلا حبيبتي شوفي يابعد قلبي انتضري للشهر الجاي تاريخ 6 ماجتك الدورة ضيفي عليها 14يوم ماجتك الدورة روحي سوي تحاليل وانشاء الله تكونين حامل

n

nasiba

عروس مشرقة

30-01-2008 | 01:16 PM

إن شاء الله حامل

h

hala2000

عروس نشيطة

30-01-2008 | 01:26 PM

انشالله تفرحي و تفرحينا

ا

الــــــــــود

عروس نشيطة

30-01-2008 | 01:36 PM

الله يرزقكم اللي في بالكم وتكونين حامل بأذن الله ..... لكن اللي فطسني ضحك لما قلتي اشتغلتي صح الله يسعدكم ههههههههههههههههه ..... تبين الجد الحمل مايجي كذا توكم انتو عرايس انبسطو شوي وكل شي جاي بالطريق خليه يستانس وانتي بعد ولاتفكرين كثير بالحمل من البدايه وربي كذا يمل الرجال لأن بتصير حياتكم الشخصيه انتي عارفه قصدي كل شي يصير بس عشان الحمل وين الحركات الحلوه والرومنسيه افهمي يادبه انبسطووووووووووووووووووووووووووووووووووووووووووووووووووووووووو وعذرا على كلمة الدبه

q

qtr-dream

عروس مبدعة

30-01-2008 | 10:19 PM

الله يرزقج ان شالله

f

fatma

عروس ماسية

31-01-2008 | 05:20 AM

enshalaaaaaaaaa

*

**ام يارا**

عروس فضية

31-01-2008 | 08:49 AM

ياااااااااارب ان شاء الله تكووني حاامل وتفرحون فيه ....امين
بشرينا

ن

نونو كتكو نايس

عروس مشاركة

01-02-2008 | 02:50 AM

[FRAME="3 70"]بعد قلبي والله خواتي فديتكم ما قصرتوا عالرد الحلو اللي صج يفرح القلب ويحيي فيني الأمل انشالله يارب الله سبحانه يسمع منكم يارب
وشكري خاص للكل
ss dd
hala
feedback
daaanaaah
(درة قطر و ج.ن مين يطولها وشووووق وأم نمير وماي الحياة)
مشكورين خواتي ويعطيكم ألف ألف عافيه واللي يرزقني يرزقكم انشالله يارب
اللي ما تزوجت الله يرزقها بولد الحلال اللي يريحها ويسعدها
واللي متزوجه الله يزقها بالذريه الصالحه
واللي رازقها الله يعوض صبرها وتعبها خير يارب
ما تقصرون حبيباتي[/FRAME]

ن

نونو كتكو نايس

عروس مشاركة

01-02-2008 | 02:56 AM

وشكري لكل الخوات اللي ردوا علي واللي راح يردون علي وسامحوني اذا تأخرت بس لأني ما أشبك وايد واذا شبكت أدش موقع عروس أقرا وأطلع على طول
بس صج القعده معاكم ومع موضوعاتكم ما ينمل منها
أستأذن خواتي ومشكورين حبيباتي
nashiba
hala2000
fatma
qtr.dream
الود
وأم يارا
لكم ولكل الخوات اللي ردوا واللي راح يردون ويعطيكم ألف ألف ألف ألف عافيه حبيباتي وما تقصرون وعقبالكم انشالله

ا

انادي

عروس نشيطة

01-02-2008 | 04:42 AM

انا نفس حالتج باديه على مشروع الحمل انشاءالله باذن الله ثم بدعوات بنات المنتدى يصير حق كل وحده ودها بنونو حمل يالله اه انا ودي بحمل مو عدها 14 الشهر والله احاتي ودي بحمل ادعولي بليز اه اه اه