قصة ولادتى باحلى مريومة ونودى

السلام عليكم ورحمة الله وبركاته
وحشتونى جدا :D معلش اتاخرت عليكم بقصة ولادتى لان الكمبيوتر كان عطلان وكمان تعب الولادة:confused:
:o المهم انا كان ميعاد ولادتى 26/12/2007 ولانى حامل فى توام فقلولى مش حتكملى التاسع وادونى اخر ميعاد يوم 10/12 لكن اختكم كانت مستعجلة اوى:o (6 لانى بدات اقلق وبدات الكوابيس (6) ده غير التقل الى حساه من الشهر السادس والوحم والترجيع اللى استمر لحد الشهر السابع المهم كنت عايزة اخلص لا هما كانوا محددين قيصرى من الاول وانا كنت نزلت مصر اول 9 وجيت نص 10 وهنا فى زامبيا مفيش حد معايا الا ربنا وزوجى وصاحبتى فى المنتدى هنا هايدى جزاها الله عنى خير وتقوم بالسلامة قريبا
المهم رحت لميعادى مع الدكتور ة باكستانية وقالتلى ميعادك لسة 10/12 طبعا زىى ما قلتلكم انا كنت هلكت من التعبوكان ميعادى كل اسبوعين لحد ما ادخل الشهر التاسع قالتلى بقى كل اسبوع رحتلها فى اخر يوم فى الاسبوع ال35 قالتلى ضغطك عالى 150/100 لازم تنامى هنا فانا رفضت طبعا وقلها زوجى نيجى كل 4ساعات نقيس الضغط فوافقت على مضض وقالتلى لازم تيجى اليوم وتكلمينى فجيت بليل وانا قلبى بيدق لقيت ضغطى كويس مع الدوا 130/90 كلمتها من هناك قالتلى تقدرى تروحى وتيجى بكرة الصبح الى هو يوم السبت اول يوم فى التاسع قمت الصبح لبست وقلت للسغالة تحضر سرير البيبيهات كان قلبى حاسس وطبعا من يوم الجمعة حطيت هدومى وهدوم البيبيهات فى العربية لانى كنت حاسة انها حتيجى فجاة واكيد جوزى حيتلغبط ومش حيعرف يجبلى الى انا عايزاه المهم لبست على اننا حنروح المستشفى ونطلع منها نفطر برة ونجيب الحاجات الى ناقصة بالمرة لكن هيهات هيهات للا تاتى الرياح بما تشتهى السفن لقيت ضغطى 170/110 وهنا اعلنوا الطوارىء وكلموا الدكتورة بتاعتى الى لقتها جت فى لمحة بصر رغم ان اليوم السبت والاحد العطلة الاسبوعية هنا فى زامبياجت وقلتنلى بوجه بشوش بالانجليزية لازم تولدى النهاردة قلتلها ازاى ده اول يوم فى التاسع ووزن العيال 1.700و 2.300 قالتلى لازم تولدى والافى خطر عليكى وعلى البيبى
صاحبتكم الى كانت عاملة عنتر وعايزة اولد مش عايزة استنى قعدت ابكى واقول انا لوحدى طبعا هدانى زوجى وجتلى صحبتى واتحضرت للعملية الساعة 2 بعد الظهر لبست لبس العملياتوكانى داخلة اوضة اعدام جتلى دكتورة التخدير وخيرتنى بين النصفى والكلى طبعا اختكم جبانة اخترت الكلىطبعا وبدات العملية ودخلولى حاجة زى الابوب من تحت صوت منها وبعدين ما حستش بحاجة الا وانا سامعة اصوات زى الحلم وزوجى جنبى بيبكى اول حاجة سالت فين عيالى هاتوهم قالولى شوية وحنجيبهم بعدين لقيت الم رهيييييييييييييييييييييييييييييييب فى بطنى قلتلهم بطنى اااااه طبعا ما فهموش قلتها بالانجليزى وانا مغمضة عيونى قالولى حنديكى مسكن وبعدها ارتحت شوية لما شفت بناتى ربى يخليهم ليا مريم وندى صغيريرن خالص بس الحمد لله دلوقتى عمرهم شهرين والعملية الحمد لله كانت ليزر احسن من الخياطة كتير
(f)(f)(f)(f)(f)(f)(f)(f)(f)(f)(f)(f)(f)(f)

معلش طولت عليكم وعقبالكم وربى يدى كلواحدة يا رب اااااااامين
انتظرو صور الامورتين