تصوير الحفلات النسائية بكاميرات الجوال أو الكاميرا الرقمية ؟؟؟ ما هو الحل ؟؟؟؟

تصوير الحفلات النسائية بكاميرات الجوال أو الكاميرا الرقمية ؟؟؟ ما هو الحل ؟؟؟؟

هاذي المشكلة ياما أشغلت بالي و بال أسرتي وبال الكثير من الأسر اللي تخاف على محارمها .........

سألت وحدة من قريباتي عن رايها في الموضوع قالت)) اللي تصور الحريم في المجتمعات النسائية المغلقة ... حقيرة.........))
و عفواً على هذي العبارة رغم إنها تستحق أكثر من كذا.... أصلا هيا ما حاولت تحط نفسها مكان البنت اللي بتنتشر صورها .......!!

صحيح إن الحشمة مطلوبة دايماً سواء فيه تصوير أو مافي !!!!
لكن حتى لو كانت الوحدة لابسة طويل و محتشم (( كان زمان )) لا وبعد متحجبة
بياخذون صورتها و بيعدلوها بالكمبيوتر بيحطوا الشعر و الجسم و اللون و و و و و و الخ
و الكل عارف ايش نوعية الصور اللي بتطلع بعد هذا التعديل (( البنات و الشباب مشتركين في هاذي الجريمة ))
بعدين نحنا البنات بنصير بنات ((...........)) في نظر الناس-------<< بدون تعليق
هذا غير الفضايح و السمعة الشينة و مين اللي بيصدق ...؟؟؟ محد ..

يعني قصدي إننا صعب نتخلص من هاذي الظاهرة لأن يد وحدة ما تصفق..
عن نفسي مستحيل أخرج زواج أو مناسبة وأنا لابسة عباتي و نقابي طول الوقت -------<< لو أنحبس كمان مصيبتين

حتى لو منعنا الأجهزة من السوق ...... بتدخل تهريب !!!!!!
أنا ما أقدر أعترض على الجهاز هو مفيد في حالات و ضار في حالات ثانية، و كمان ما أقدر أقول انه خطة صهيونية لكشف المجتمع الإسلامي زي ما يردد البعض...
الجهاز سلاح ذو حدين زيه زي كل الاختراعات اللي سبقته ........
المشكلة و المصيبة هيا في العقول الفاضيه اللي تستخدمه في الشر ..

الحل في رأيي وهو حل عارفة انه صعب رغم إننا بحاجته الحين أكثر من أول هو الرجوع إلى الله لأن ضعف الوازع الديني عند بناتنا و شبابنا سبب المصايب اللي انتشرت في هذا الزمن ......

و أقول للبنات حصنوا نفسكم كويس قبل ما تخرجوا من البيت، و ألبسوا محتشم و لا تطلعوا مكان مو واثقين فيه، و أخرجوا مع أهاليكم .. عشان بعيد الشر لو صار شي، ما يقدر أحد يفتح فمه لأنكم خرجتوا مع أهاليكم و كل شي صاير قدامهم ...

و أقول للي يسوي نفسه خطير و يقدر يقتحم الأسوار النسائية المحصنة اتق الله في نفسك و أهلك فكما تدين تدان و حط نفسك مكان ها الأسر اللي لا حول لها ولا قوه ...يعني لو إن هذا صار لأختك ولا أمك و لا حرمتك أو بناتك إيش بتسوي يا بطل، مو معقول ما تهتم!!!!! و صدقني الدنيا دوارة ...

و أقول للي طاحت في ها المصيبة الجئي لله و قولي حسبي الله و نعم الوكيل و طالما انك ما عملتي شي امشي وراسك مرفوعة ما يهمك أحد .......

و الله يبعد عننا الشر و عن بنات جمييييييييييييع المسلمين ..... قولوا آمييييين
و شكرا و اعذروني على الإطالة ........ بــــــــــــــــــــــاي