ولدي يشرب حليب ..شو الحل؟؟

حبيبتي يمكن ولدك ما ياكل عدل خلال النهار لهذا يجوع بالليل

خلي له 3 وجبات رئيسية و جذي راح يتنظم وضعه

الله يحفظه لك

اي خيو نظمي ليه الوجبات ولاتعطينه خرابيط اجباس وهرار وان شاء الله ماعليه شر

اختي هالشي عادي ،، انا ولدي تم يرضع صناعي الين صار عمره سنتين وشهرين وكان دايما يقعد يطلب الحليب رغم انه في الفترة الاخيره اللى سبقت فطامه كان ما يرضع الا وقت النوم وطول النهار ما يرضع ابدا .. لكن الحمدلله بمجرد ما فطمته انتظم نومه ،، وطبعا عودته وقتها على انه يشرب ماي قبل النوم " في كاس طبعا " وهو كان يقعد بالليل يطلب يشرب شوية ماي ويرجع ينام ببساطة .. وبعدها ترك هالعاده نهائيا ..

الحين عمره قريب ال4 سنوات واحيانا يقعد يطلب ماي ،،بمعدل طبيعي يعني :) وغالبا ما يقعد طول الليل ..


واكيد متأذية الحين من الحفاظ لانه كل يشرب يسويها وتمتلئ الحفاظة هههههههههههه <<< مجربة
لكن راح تلاحظين فرق كبييييييييييييييييييييييير بعد فطامه عن الرضاعه (a)

يمكن ما يشرب الكمية المطلوبة اللي مكتوبة على علبة الحليب

معدتة ما تستحمل من جدي يجوع

و هذا الشي طبيعي

هذا الشي طبيعى خيواا لا تحاتين انتينة اكلية عدل ان شاء الله مايقعد ليش

ابرار الجنة
أم زهاري
ماما حسون
أم فاطمة
طفوف(1)
جزاكم الله خير عالإفاده, و إن شاء الله ولدي يقدر يوقف شرب الحليب في الليل لأنه يتعبني في الليل و بعد شهرين إن شاء الله بيكون عندي بيبي الله يعيني
المشكلة حاولت إني ما أعطيه حليب في الليل أو أعطيه بداله ماي بس يتم يصيح

اختي الله يعينك ويقومك بالسلامة

والطفل اذا اعتاد على عادة صعب نخليه يتخلص منها بسهولة

حاولي حبيبتي تخلينه ياكل قبل لا ينام وتكون وجبة مشبعة مثل جبن وتوست

او زبادي بالفواكه او اي شي يحبه وعطيه بعدها شوي حليب والماي طبعا عشان لا يعطش

يعني الشي يجي تدريجيا مو مرة وحدة وشوي شوي ان شاء الله يقطع هالعادة

وربي يعينك ويحفظه لك

عادي حبيبتي انا ولدي الان كذا

عاااااااادي اختي انا بنتي كذا

حبيبتي
انا فطمت ولدي من شعبان وعودته على حليب مزاز وعلى كذا يصحى احيانا يبغى حليب يشرب شوي ويرجع ينام؟؟

شكرا حبيباتي على المعلومات اللي أفدتوني فيها و ردودكم و جزاكم الله ألف خير و إن شاء الله ولدي يغير هاالعاده

لا تطمني الوضع طبيعي انا ولدي الى ثلاث سنوات وهو يشرب ويصحى كل فتره يبغى رضعه