حياج ويانا

هلا خيووو ام لجين ورغد

بصراحه ما اذكر عدل خبرج الذاكرة ميح بس ساعات اذا قعد وما رضى ينام ولا خلاني انام واني اذا ف راسي النومه وما ادري بروحها اصارخ عليه هو مسكين ع عمري يدور لي ويتم يطاعني ويضحك يخليني اغصب اضحك واوعي نفسي عشان اقعد الاعبه
والاحظه اذا ابوه يحط ايده ع ايدي وهو ع حظي يقعد يصيح ويضرب يد ابوه صلاة النبي يخليني اضحك عليه وابوه يرد اسوي له عشان يكرر الحركه وانتم نضحك عليه ربي يحفظه.

موضوع حلو ومهضوم متل صاحبته مشكوووورة
والله يحفظ اولادنا

حديث الروح ربي يخليلك ابنك هههههههه شو نعمل مع غيرتهم اللي بتجنن
مرة بنتي شام قربت على ابوها وبتلاعبه قلتلها بعدي هذا زوجي انا حبيبي قالتلي لاااااااااااء هذا زوزي أنا بيبي
خخخخخخ فرطت ضحك

والله المواقف كتييييير ربي يحميهم بس والله على قولة حديث الروح اذا فيني نوم ولا تعبانى بالصراخ
والقوة انيمهم ومع هيك يلزموني اغني لهم او احكي قصة ومع اني بكون بصرخ عليهم
فاتخيللو كيف لازم اهدي من صوتي وانا عم صرخ مشان يسكتو وارد اغني بصوت تاني هههههه

ماشاء الله على العيال عليهم سوالف..

ولدي قبل كم يوم قاعد يلعب في اللاي ستيشن حقت أخوي مانتبهنا ان هالسباق في بنات مسودات ويه،، الا يقول ماما الله بيعاقبني شفت خرابيط، قلت له ليش شنو سويت،، الا يقول جفت بنات مطلعين بطنهم في السباق،، قلت له صح ماما لازم مانشوفهم الا يقول لا ماما أحسن عشان أتعلم يحبون البنات... واي شنو هالسالفة بعد لازم الحين نحاسب على بنات خلق الله لا يقولون لي تعالي صححي غلطة ولدج..

وأمس آقول حق زوجي حبيبي كليت دواك،، الا يقول ماما عيب يقولون جذي...

مشكوووورة اختي ام لجين على الموضوع الحلو والله يوفقش

من كم يوم كان ظهري يالمني قلت حق زوجي يسوي ليه مساج انزين وهو يمرخني واني اصرخ من الالم ولدي قام يصيح لان يجوفني اصيح ويضرب ابوه وبتي تضرب ابوها ودقوليه الله بوديك النار لانك تضرب الماما هههههههه عاد متنا من الضحك عليهم

ههههههههههههههههههه الله يخليهم ان شاء الله ..

انا عندي اولاد اثنين والمواقف اكيد كثييييييرة وحاليا يحضرني موقف صار امس بمناسبة ذكر سالفة التدليك ..

زوجي ساعات يقوم ينطبح على بطنه ويخلي حسون يقعد عليه عند نهاية ظهره ويخليه يدلك ظهره ،، امس تفاجأت ان حسون قاعد على ظهر اخوه " أخوه اصغر منه " مباشرة انتبهت له وصرخت عليه الا يقول ماما انا بدلك حمودي لان ظهره يعوره هههههههههههههههههههه رغم اني كنت معصبة الا اني ضحكككككككككككككككت ضحك وخبرت زوجي بالموضوع لما رجع من الشغل وقعد يضحك عليهم لكن لازم يقول بعد حاسبي هالمرة :16:


واذا تذكرت مواقف برجع اكتبها :D

شخباركم والله ماذكر موقف محدد الى زهرتي بس هي على طول تسوي حركات تضحك

هههههههههههههههه الله يخلي لكم عيالكم انشاله والله هذا كله من برائتهم ،، وشكرا لصاحبة الموضوع ،، موضوعش وايد حلو

اني بنتي بعدها صغيره بس شهر وكم يوم بس ،، ماعندي موقف مثل مواقفكم بس عندي موقف كلش يعور قلبي اذا اتذكره

واهو اني لمه رجعت شقتي وفي احد الليالي وطبعا كنت بروحي مو نفس لمه كنت عند الوالده ظلت بنتي تصرخ سويت لها كل شي رضعتها وبدلتها بس ما راضيه تسكت وفيها النومه بس ما راضيه تنام فقمت اصيح وياها واصارخ في نفس الوقت وكنت احاول اهدأ روحي وهى كانت تصيح وتسكت شويه بس ما ادري وش فيه وكنت حدي معصبه ودي لو اموت

وفي لحظة وحدة كنت لو ابغي اسكتها بالغصب وطبعا ما سويت لها شي فطقيت روحي وكانها مسكينه حست وقامت تصرخ صرخه غريبه كانها مو راضيه على إلي صار وبعدها رديت اهدا نفسي واصيح لس لانه حسيتها تحس فيني <<< عمري بنتي

الله يخليها لي بتول الحلو واشوفها عروس انشاله كامله والكامل الله

موضوعك حلو وشيق جدا
انا بنوتي لسة صغيرة 3 شهور و3 اسابيع ملهاش لسة مواقف

موضوع حلوة مشكورة اختي

انا عندي ولد عمره 3سنوات ونص وبصراحة مواقفه وايد

بس اذكر هالموقف من جم يوم صاير كان يمزح وية ابوه ويقول ما نبيج ويانا هذا ابوي انا

وانتي ابوج هناك في بيت بابا عود وانا اقول له هذا يصير زوجي يقول لي لا

وبعدين لما خلص لعب وية ابوه

جى يقول لي شنو يصير لج البابا صديقج ههههههههههههه

ضحكني ضحك والله ههههههههههههههه

والله يخلي عيالنا يجنون وانا في اللحظات الي اكون مستانسة منه اقعد ادعي للمحرومين الله يرزقهم

بس التربية وايد صعبة يعني انا خلاني اقول ما ابي عيال الا لين يروح المدرسة

وحتى في لحظات الراحة والسعادة ما اغير رايي والكل يقول لي بس يكمل 3 سنوات بتحنين على بيبي ثاني

بس لحد الحين ما صار خاطر ولا شي التعب الي اتعبه ما اتخيل بواحد ثاني بعد مو قاصرة

والحين عمره 3 سنوات ونص ومصرة على رايي لين يروح صدوقي المدرسة افكر في الثاني

ولدي ماله أي مواقف توه عمره سنه

بس يحب يطل تحت ملابسي يبي يشوف الاندر وير لووووووووووووووووووول

ويصيح اذا ماخليته خخخخخخخخخ عينه قويه من الحين


واستغفر الله اندم اني جبته وقت النووووم

والله ودي انام لين اتنفخ خاطري اشبع نوووووم

الله يحفظه لي ويخليه

انا صار لي موقف مع ابن اختي
صراحة ما دريت اضحك او انقهر
اهو يحب الكتكااااااات
وكان عندي بالشنطة
جان يوم شفته اقوله حدوري انا عندي كتكات ابعطيك
وانشغلت ولمن جا وقت الصلاة واخلص ما التفت الا الاغراض
منثرة وهو ياكل بالكتكات
ووجهة مسوي له شنب ولحية من الشوكلاته
خخخخخخخخخخخخ

نور دربي;5073040:

مشكورة حبيتي أم لجين ورغد....تسلم أفكارك الحلوة
أنا بنتي عمرها 4 سنوات وما أذكر الحين إلا موقف واحد لأنه دائما يتكرر
كل ما تتفرج ألبوم الصور حق زواجنا تجلس تبكي وتسويلي مناحة ليش!!!!!
أنا فين؟
ليش ما أخذتوني معاكم العرس؟
ليش ما اتصورت معاكم؟
وانا اموت من الضحك وما أعرف كيف أرد عليها

حلووووووووووووووووووووووووة .. بس ليها حق ... ليش ماخدتوها معاكم خخخخخخخخخخخخخخ

هاهاهاهاهاها
ما في اجمل من براءه الاطفال
انا ولدي بعده صغير وللحين ما له مواقف
الله يحفظهم كلهم

انا بنتي صغيرة بعدها .... بس بقولكم عن اخويه الصغير عمره الحين 7 سنوات .... بس يوم اتزوجت كان عمره 5 سنين .... بعد زواجي .... شافته امي يصييييييييييح من قلبه قالتله شوفيك قال اخاف تتزوجين وتخلينا نفس ما تزوجت مفتاح قلب هههههههههههههههههه.....

ههههههههههههههههههههه

الله يخليهم ان شاء الله ..

ضحكني نمور ههههههههههههههههههههههههههههههه



بقول لكم موقف حق ولدي الكبير بعد::


انا ولدي الكبير مسوي من كم شهر عملية البلاعيم ..


عاد ابوه العود " جده " يسأله حسون وين بلاعيمك ؟ قاله: ما عندي .. سأله : وين راحوا ؟؟ قاله : شالهم الدكتور .. قاله ابوه العود : تبغي اشتريلك بلاعيم ؟؟ قاله حسين : لا ما ابغي .. فسأله ابوه العود : ليش ؟؟ قال حسين : علشان آكل ايسكريم هههههههههههههههههههههههههههه


الاخ يبغي ياكل ايسكريم على راحته لانه تعقد من كثر ما كنا نقول له لا تاكل ايسكريم بتعورك بلاعيمك هههههههههههههههههههههههههههه

هههههههههههههه
والله حرات اليهال اضحك صج
ولا عاد صديقج حبيبة جيمي هههههههههههههه
وعن حركات عبادي

اني مايضحكني الا الين معصبة وهو يضحك يخليني اضحك غصب عني
يفكر اني امزح معاه خخخخخخخخخخخ
الله يحفظهم لنا ويرزق كل محروم يارب

ماما حسون
وهو الصاج
يبي ياكل براحته
خخخخخخخخخخخخخخخخ

حديث الروح
ياحليله حسوني الغيور

رانيا البحرينية
ياحليله العسول

ماما حسون
انتبهي للياهل