تقدرون تساعدوني ،، انكليزيتي صفر

ع

عاشقة حتى البكاء

عروس مشرقة

28-01-2008 | 02:24 AM

بنات كيف حالكم

انا معاي ثانوية عامه

المشكلة اني لغتي الانكليزية ضعيفه

دخلت نت كثيييييييييييييييير وحاولت بس للاسف ماكو فايده

مرات افهم المقابل ايش يقول

وماعرف ارد

ومرات اعرف ارد واخجل او اخاف يطلع غلط

نزلت برامج كثير ودخلت دورات كثير

وهنا بهذا القسم احاول استفيد بس اول ما ابدي اقرا ووقفت عن كلمة ومافهمتها اكنسل الصفحه

ودي اغير نفسي

ودي اتكلم انكليزي

شسوي بليز

n

nevesta

عروس نشيطة

28-01-2008 | 06:53 AM

جربتي تدخلين دورات ؟؟

انا كنت سالب واحد بالانقلش بس الحين الحمد الله امشي حالي ..

بس مع الدورات اللي اخذها مررره استفدت ومع النت بعد استفدت اشياء كثيييييييير ..

بس انتي لازم اول شئ تحفظين كلمات .. القرامر يبيلك بس تتعلمينها صح .. والقواعد موب كثيره وسهله ..

بس مبدئيا احفظي كلمات ..

ان شاء الله يفيدونك غيري ..

وبالتوفيق ياربي

ش

شعنونة المزيونة

عروس مشاركة

29-01-2008 | 10:53 PM

في مجموعة cd وكتب مرررة فظيعة
اسمها الكامل في تعليم اللغة الانجليزية

د

دلوعتي2

عروس مشاركة

30-01-2008 | 04:40 PM

شوفي اختي ,,,,, انا أقول بالممارسه بتعرفين ان شالله ,يعني تتكلمين مع أهلج وقرايبج والبشاكير ,,,,اكسري الخجل والمستحا , لان هذا إلي ما بخليش ترمسين بنجليزي ولا تقولين انا ماأعرف , قولي في نفسج أنا اروم ,وحتى لو غلطي عادي مب عيب بالعكس بتثبت في مخج . والله يوفقج .

f

frawla

مشرفة سابقة

30-01-2008 | 05:45 PM

أهلين الغالية ..

تقدرين كـبداية لج ..

تشوفين مسلسلات خليجية فيها أسفل الشاشة ترجمة باللغة الانجليزية ..

مثل المسلسلات الي تطلع على قناة الـ ktv2 ..

وحاولي تترجمين معاهم الجمل ..

وبعدها طالعي أفلام أجنبية مترجمة ..

دخلي مواقع أجنبية ..

في ألعاب بالنت نزليها على جهازج مثل لعبة agatha christie ..

عبارة عن غرف ..

كل غرف بجنبها يحطون لستة أغراض مثل مشط ، كرة ، جنطة .....إلخ من الكلمات الصعبة والسهلة ..

وحاولي تترجمين الكلمات ..

وإذا صعب عليج دخلي مواقع ترجمة وترجميها ..

هذي كلها عبارة عن بدايات لتعليم اللغة الانجليزية ..

بعدها دخلي دورات أو ندوات لتعليم اللغة الانجليزية ..

وان شاء الله تتحسن لغتج ..

أتمنى لج التوفيق ..

تحياتي لج ..
frawla ..

:9_33: