صديقتي وريلي

اختي الحين الحين
تتصلين فيهااا تقولين لهااا
سمعي يابنت النااس
انتي صديقتي مو صديقت ريلي
واتمنى اني ماشوف رقمج في جوال ريلي
انا اغار وماحب هالشئ يصير مره ثانيه
واذا تحبين تكون ربع خليناا نحترم صدقتناا
واذا بتزعل وايد احسن
بس خلي عينج عليهااا
؟؟!!
وقولي حق ريلج
لو سمحت يابو.. لاترد عليهاا لانك تقلل من حاتراامي لوسمحت
وبس
هاي لو اناا كنت مكاااانج
اذا خايفه على زعلهم
ليش هم ماحطو لج اعتبار حق احساسج؟؟
لو مره؟؟

حرم الشيخ;5065782:
اختي الحين الحين
تتصلين فيهااا تقولين لهااا
سمعي يابنت النااس
انتي صديقتي مو صديقت ريلي
واتمنى اني ماشوف رقمج في جوال ريلي
انا اغار وماحب هالشئ يصير مره ثانيه
واذا تحبين تكون ربع خليناا نحترم صدقتناا
واذا بتزعل وايد احسن
بس خلي عينج عليهااا
؟؟!!
وقولي حق ريلج
لو سمحت يابو.. لاترد عليهاا لانك تقلل من حاتراامي لوسمحت
وبس
هاي لو اناا كنت مكاااانج
اذا خايفه على زعلهم
ليش هم ماحطو لج اعتبار حق احساسج؟؟
لو مره؟؟

والله الصراحه كلامهاا 100% صح ورمسي ربيعتج وعطيها العين الحمراء(6):mad:

صديقة زي هذي ماهي صديقة وقفيها عند حدها وههديها بانك راح تبلغين اهلها واخوانها اذا زودتها وان معاكي ادلة هذي وللله تبط الكبد وانتبهي لاتوصلين اعجابها بزوجك واسمحيلي انت السبب

انتي الحين اش حقه اتكابرين وتسوين نفسج مو مهتمه لي متى يعني لين ينخرب بيتج وتطور العلاقه ويتزوجها؟؟

وبعدين خلي كرامتج تنفعج ؟
لا حبيبتي المفروض اتوقفينهم عند حدهم بعدين لاكثرت الاتصالات بينهم وربي ماراح يقدر يستغنى عنها

والله هالايام حتى اقرب الناس لج ما تاتمنينه بالذات الربع ذول الله يستر منهم فالاحسن الواحد يخلي علاقته مع ربعه خارج اطار الحياه الزوجيه

ورفيجتج ذي دقي عليها وقولي لها انج تدرين بالسالفه وعطيها كلام زي السم خليها تصحى وتعرف انج مو سهله اهي الحين عبالها انج نايمه ماتدرين باللي قاعد ايصير وقولي لها ان ريلج يقول لج بكل شي عشان تعرف ان ريلج اهني اقص عليها

وصراحه الله يعينج
ويا ليتتتتتتتتتت اكون فدتج

واثقه من نفسج ماقلنا شي

بس تحطين لها حدوووووووووود ماتتخطاها
شنو يعني تتصل على ريلج ؟؟؟؟
شنو الدنيا سايبه .. ولا هالكثر هي فري .. لا حسيب ولا رقيب
وانتي وفرتي لها المناخ المناسب
تضحك وتتغشمر وانتي ساكته لها !!
بذمتج هذي يسمونها صديقه ؟؟
اصلا ماينخاف الا من القراب .. لانه عدوج تعرفينه عدل وتحذرينه



الحين شتسوين ؟
تبينين لها حدودها وين
وتوضحين لريلج ان هالسالفه مصخت وانج ماتحبين انه يضحك ويتغشمر مع كل من هب ودب
السالفه مو سبيل
وتحملي تترددين
ترى ان كبرت السالفه .. محد بينلام غيرج

لانج شفتي وسكتي .. ولا حركتي ساكن


عسى الله يصد قلبه عنها .. ومايشوف غيرج حريم بهالدنيا

فديتكم كلكم....... مشكورين حبيباتي على الرد بس انا ماعندي الجراه اقولها هالشى لاني شويه خجوله

شو رايكم اطرش لها مسج

طيب اذا الخجل مانع

خلها تتصل عليه
وتخيلي عاد
هي تسولف وهو يضحك
وهي تضحك وهو يسولف

شوي شوي يدش الشيطان بينهم
ويلعب براسهم
ماراح اقول يغلط

بس اقل شي يتزوجها

ليش لا؟؟

ومرته اعز صديقاتها يعني وين بيحصل احسن من جذي :)




جذي اوكي حبيبتي ؟


انتي حكمي

هذي فيها خراب بيوت

وشوفي الدين ماحرم شي الا ولمصلحتنا


فكري عدل .. وشيلي الخجل في هالسالفه تراه بيضرج

فاهمه قصدج انج ما تبين تبين لهم غيرتج...

بس ترى ممكن يتعود ريلج و يقول هذه عادي عندها...

اليوم وياها تلفون باجر مقابلات...

لا تقولين ريلي غير...الشيطان شاطر...

بتقوله ضايجه و ماعندي حد اشكيله همي...

وانت تفهمني و مابا ارمس جدام صديقيتي عشان ما تفهمني غلط...

يعني هي بينت انه نيتها سليمه...

و المقابلات ممكن تتطور....

فاحسن شئ من الحين اقطعي عرق و سيحي دم...

قوليلها ريلي قالي اتصلتيله اليوم...!!!

عسى ما شر؟؟؟ وليش ما تصلتيلي؟؟؟

و احسن شئ اطلبي الخدمه حق تلفون ريلج...

انها من تتصل يطلع لها مغلق او مشغول...

و اقطعيها احسن...هذه لا قدرت منج و لا حشمت...

ليش انتي تقدرين منها؟؟؟

الله يسخرلج زوجك...

الغاليه انا الغلا كل الغلا اعرف ان الخجل مسبب لي اشياء وايد غلط بس شو اسوي طبعي الزفت هدا؟؟؟

الغاليه ندايم كيف اسوي هلخدمه علشان يطلع لها الرقم مسكر

شتسوين؟؟

تغيرينه !! .. للابد


بس تدرين .. ما اشوف غيرتج ظاهره
انتي شكثر تحبينه؟؟



حبيبتي الحيا شي .. والخجل شي ثاني


الحيا شعبه من شعب الايمان فوايده كثار
بس الحيا مايمنع ان الواحد يحط حدود للغير اذا تعدوا حدودهم معاهم
والحيا مايمنع انج تدافعين عن زواجج وريلج



بس الخجل مضر .. لان الواحد يخجل انه يقول الحقيقه
او يخجل انه يدافع عن روحه
الخجل وصلج لهالمرحله اللي خلتج تشوفين وساكته ؟؟؟

عاجبج الوضع ؟؟


كلام اختي ندايم عدل
اقريه اكثر من مره وفكري فيه

حبيبتي في هالشي مافي شي اسمه خجل،،ولازم توقفينها عند حدها ولاتسمحين لاي حد سواء صديقتك والا غيرها ولازم تبينين لزوجك أن كل شي له حدود وخل يحط لك اعتبار،، والله إني مقهورة مع إني مب متزوجة،، وانا اصلا خجولة ومااحب ابداً أصارح حد بشي يكون محرج له او لي وتلقيني اتحامل على نفسي عشان الناس وهذا غلط كوني طيبة وحليوة مع الناس اللي تستاهل هالشي مب كل الناس..بس الحياة تتطلب أن الوحدة تكون شوي جريئة وتاخذ حقها أتمنى حبيبتي تتجرأين وتبتدين بريلك من اليوم بس بتفاهم وهدووووووء وفهميه شعورك ولو هو يحبك بيحترم غيرتك وماراح يرضى عليك،،وعقب تكلمين صديقتك ولاتخربين بيتك بسكوتك والله يبعد عنك المشاكل ويخلي لك زوجك ويبعد عنكم كل سوء ياااارب..

أحسن شي أنج تصارحين البنت الله يعيينج والله انا صار لي نفس الموقف بس الحمدلله عدت السالفه على خير...

خايفة تزعلينها وهي مااهي خاايفة على مشاااعرك ولله لو ملقت سهلة مااحطت عينها على زوجك انتبهي لافات الفوت ماينفع الصوت

حبيبتي انا عندي حل حق الخجل ذي

في علم النفس ايقولون اذا في شي انت مستحي اتقوله او ماعندك الجرائه اتقوله

وقفي جدام المرايه

وقولي اللي تبين اتقولينه يعني مثلي كرريه اكثر من خمس مرات لين اتحسين انج خلاص تعودتي عليه وتقدرين اتقولينه وذيج الساعه روحي لعند الشخص اللي تبين اتقولين له السالفه وقولي نفس الكلام اللي قلتيه جدام المرايه وبتشوفين اشلون الكلام راح يطلع بسهوله لا ويحسسج انج ووووايد قويه


هاااا اشقلتي ؟؟؟؟

واذا تبين شي تراني حاضره

انا اعرف وحده صاره لها مثل سالفتج هم صديقتين وتالي اخذت رجل صديقتها..

وطبق عليهم هالمثل(خاويني واخاويك واخذ رجلك واخليك)


حبيبتي لازم لازم تكلمينها ولاتخليها تاخذ رجلج وانتي ساكته...

واله ييسرلك اموره ياقلبي...


....................................

تحياتي لك:

في قلب زوجي <<فديته والله انا هالحلو

الله يساعدج ويعينج اختي


بس حلي المشكله هذي بهداوه عشان ما تكبر وتصير مشكله اكبر من المشكله هذي

انتي حاولي تبتعدين عنها تدريجيا .... خلي ريلج يغير رقمه .... بيني لزوجج انج تغارين عليه بس عاد في حاله وحده.. اذا زوجج ما يحب سوالف الغيره لا تقولين انج تغارين عليه لان بيقول لج .... انتي كيف تفكرين .. انتي ما تثقين فيني وتغارين من ربيعتج ومن هالكلام .... قولي له انج تغارين عليه في حل انه ما بيرد عليج بهالكلام اوك.... حاولي انتي انج تتصلين في زوجج اكثر ... عشان لما تدق عليه ( هذا في حال رفض انه يغير رقمه ) تلاقي الخط مشغول .... عاد انتي وفنج ... حاولي تسولفين معاه وتطولين وما تخلينه يمل من المكالمه ... حاولي تطلعين معاه اكثر هالايااام ... حسيسيه بانج موجوده .... واذا قالج انه كلم ربيعتج اليوم ... قولي له هذي بلها كل يوم تتصل ما جايفه خير ... يمكن اول مره حد يعطيها ويه واذا تحسين هالجمله بتسبب مشكله لا تقولين لوووووول .... وادعي انه الله يخلي لج زوجج ويحفظه لج من كل شر ومن كل البنااات... بدل لا تخلينه يتعود على اتصالاتها خليه يتعود عى اتصالاتج .... ويمكن فعلا زوجج نيته صافيه وما بينه وبينهم شئ... بس البنت الله اعلم بنيتها .... كل ما جفتيها حاولي تعقين نغزات .. انج متضايجه .. انج ما تحبين هالنوع من البنات .... واذا امدحت زوجج او قالت شئ عنه ... لا تقولين كل المدح لزوجج .... باجر يمكن يقارن بين مدحها ومدحج له ... وبيني لها انج تعرفين عن كل اتصالاتها وانه زوجج يخبرج .... يعني يوم يرجع زوجج البيت ويقولج ترى ليوم رمستي ربيعتج ... انتي اليوم الثااني او في نفس اليوم دقي لها اونج تسالين عن احوالها وقولي لها .. هييه صح انتي اليوم متصله في زوجي شو كنتي تبييين .. بس بطريقه مزح ومصخره عشان لا تبينين لها انج منقهره و بجذي اهي بتعرف انه زوجج يقولج عن اتصالاتها له ... وبيني لزوجج اشكثر انتي تحبينه وانج تتضايجين من تصرفات هالبنت واذا قالج انتي اللي دخلتيها بيتنا وبينا وعرفتيني عليها .. قولي له بس انت بعد كان لازم تحطي حدووود معاها وما ترد على كل مكالمه ... بس حاولي كثر ما تقدرين تبينيين لزووجج اشكثر تحبييينه كل يوم قولي له احبك .. حبيبي ... فديتك ... تدلعي عليه ... دلعيييه ... سوي لكم ليله رومانسيه ... رجعيه للايام الخوالي لوول ... تغزلي فيه .... انا ما ابى اخووفج بس ليش ما نفترض انه البنت مثلا تتغزل فيه .... فعشان جيه اقولج اتغزلي فيييه ..دلعييييه ... لا تخلينه يحس بالدلع والغزل من حد ثاااني ... حاولي في كل جمله بتقولينها قولي كلمه حبيبي .. واذا البنت ما كانت تتغزل فيه وهذا كان مجرد شئ قلت خليه نفترضه .. فاذا كانت الفرضيه اللي افترضناها ما صارت بالاساااس ... انتي حاولي تملكييينه بعد و دلعيه وتغزلي فيه اكثر واكثر واتدلعي عليييه .. عشان اذا في اي حد ثاني يبغي يتغزل فيه ما يترس عييينه لانج انتي موفره له كل شئ


اختي لن انساااج بالدعاااء ... ولا تنسين تدعين


والله يتسر على هابنت ويهدييها يارب

وادعي لها بالهداااايه دائما

اتمنى انه كلامي ما يكون ثقيل وان شاااء الله يكون مفيد

والسموحه منج واتمنى كلامي ما فيه زعل