ساعدوني......الثاني بالطرييييق

حياكِ الله أختي وإن شاء الله تستفيدي من هذا القسم مثل ما نحن استفدنا منه:)..

أنا عن نفسي ماعندي خبرة بس بقول لك رأيي ..


برأيي لا تقولي لها الحين خل يمر كم شهر لأن بتمل وهي تنتظر ثمانية شهور .. خبريها بعد مايكبر بطنك علشان تصدق ويدخل في عقلها ..

وعلميها شلون يتكون داخل بطنك!!

وشلون بيكبر وبيصبح مثلها وراح يلعب معاها :D وشلون لازم تتحمل فيه ويعني من هالسوالف:D..


وإن شااء الله الأخوات اللي عندهم خبرة يقولون لك!

انا بعد ما عندي علم

بس كلام اختنا المخرخشه عجبني

جزاك الله خير أختي مخرخشة
ومسألة أني ما أخبرها
أحس معاكِ حق فيها خاصة ان بنتي ملولة جـــــــداً

عزيزتي ريم ....تسلمي على المرور

انا مع كلام اختي امخرخشه

انا من رايي انج تقولين لها بعد مايكبر بطنج شوي يعني في الخامس تقريبا عشان ماتمل قوليها عوديها ان البيبي يبيكون صديقها وانها راح تلعب معاه وتسوي له الرضعه وتلبسه مثل الباربيات وجذي وبعدين ماشاءالله بنتج كبيره وتفهم اعتقد فهالسن راح تحب البيبي والله يهون عليج

انا من راي تقعدين تكلمينها وتقولين لهاراح تجيبين بيبي يلعب معاها وطلعي معاها لما تجهزين وخليها تختار ثياب البيبي واشتري لها اشياء وقولي الها هاي هديه من البيبي عشان تلعبي معاه بس يعد الولاده ان شاء اله بالسلامه لاتهملينها وخليها تساعدش في اقل الاشياء وحاولي انك تخصصين وقت تجلسين معاها تلعبين وتقري قصص الها

أختى أعملي بنصيحتي ولاتخبرينها الحين الا لين كبر بطنك وقربت الولادة... لأن من تجربتي القاسية مع إبني خذيت الحيطة،، حملت عليه وهو له سنتين ونص،، من البداية خبرته بس لأن هو دلوع ماما وبابا صادته حالة نفسية وقام يمثل دور البيبي ويجي يركض ويضربني على بطني بقوة ويقول باذبح أخوي،،، يعني الولد ماكان حاب حد يشاركه الحنان والمحبة هذا وباقي على الولادة 8 شهور، وحسيت أنه راح يبهدلني وسبحان الله ماستمر الحمل الا شهرين ولما أجهضت خبرناه ان مافي بيبي خلاص طار من الفرحة وراحت الحالة اللي عنده..

فأنت يكون ماتخلينها تحس بالغيرة والإنتظار من الكائن المجهول اللي راح يشاركها كل شي وخصوصا أمها حبيبتها.. أنتظري حتى قريب موعد الولادة وأخذيها معك للسوق وخليها تختار أغراض البيبي وأشتري لها أي لعبة بخاطرها وقولي لها البيبي قال لي أشتري لك اللي خاطرك به....

هلا اختي الله يسهل عليج ان شاء الله ويكمل عليج باقي اشهورج بالسلامة
اي اختي راي من راي البنات بس نطري اشوي لأن الأطفال بطبيعتهم مللولين خلي يكبر بطنج وبعدين خبريها

كلام الاخوات مخرخشة ورانيا كتيير حلو
وربي يتمملك على خير يارب بس بنتك كبيرة نوعا ما ماشاء الله ويمكن خبر متل هيك يفرحها
ومثلا قليلها راح يجي اخوكي وبكرا بتلعبو سوا او اختك
وممكن تسهميها معك بامور شراء المستلزمات واهم شي الهدية اللي من البيبي حتى تحبه
وربي يسر امورك

انا عادني عندي ولد واحد وما دخلت في التجربة هذي لسه ... بس اعتقد ان الطفل في هذا السن بيكون متشوق لاخ له ... حاولي تكلميه عن البيبي ... حاولي تقولي لي له انه البيبي قال يحبك ونفسه يشوفك ... ويريد يلعب معك وكدة ..

أختي ابدأ معاها بمراحل خصوصا انها ماشاء الله بنت يعني رح تتفهم الموضوع والبنت لو تلاحظي كل العابها باربي وأطفال صغار فهي رح تتفهم موضوع البيبي مش زي الولد الي العابه سيارات وكرة خخخخ فانا رأي كالتالي :

1-لما توصلي للسادس او السابع فهميها انوا في بطنك بيبي وطبعا بما انها طفلة ما رح تتفهم بطريقة واضحة لكن حاولي اشرحيها انوا في طفل ودايما تكلمي عن الطفل بطريقة حلوة بس لا تبالغي لسبب انوا الاطفال خصوصا في الشهور الاولى كثيري البكاء والصراخ فيمكن يصير سوء تفاهم بين الحقيقة وبين مخيلتها .

2-حاولي خليها تشوف بيبي صغير في الشهر الأول اي حد من اقرابائك أو معارفك او حتى في الشارع و فهميها انوا هذا هو البيبي ولا تخليها تشوف بيبي في الأشهر الكبيرة علشان ما تنصدم فاخوها او اختها لانه الاطفال بيتغيروا فحاولي تقربي الصورة الها و ممكن خليها تشوف صور بيبيات صغار في الشهر الأول سواء الانترنت او التلفزيون و بعدين حاولي اتسوقي للمولود معاها وانت ببتسوقي وتخليها تشارك في شراء اغراض المولود اعطيها هدية رمزية علشان تتشجع وتتقبل فكرة الأطفال .


3-لا تحسسيها ولا باي صورة بتعبك او عصبيتك خلال حملك علشان ما تكره الحمل والمولود بالعكس خلي الامور عادية واحسن علشان تحب موضوع الأطفال .

4-اشتري لها لعبة مثل الطفل في اشهره الأولى وحاولي علميها كيفية الاهتمام به كي تصل الفكره لديها وحاولي تخليها تتحمل المسؤولية ونصحية لا تشتري لعبة ناطقة كي لا يختلف صورة اللعبة عن المولود .

5- أخيرا لما تولدي بالسلامة ان شاء الله ولو طلبت منك اشياء طفولة وحاولت تقلد البيبي ابدا لا تعصبي عليها علشان ما تكره وبالعكس تحس في مساواة بينها وبين المولود الى ان تكبر وتتقبل الفكرة يوم عن يوم وكوني صبووووووووووورة جدا معاها

الله يوفقك ويقومك بالسلامة طمنينا عليها وعليك ...........تحياتي