شخباركن يا حٍمل وشخباركن يا الامهات.. ان شاء الله تكونون بخير وصحه وسلامه يا رب..
خلوني ادخل الموضوع علطول يا خواتي..
الأسبوع الي طاف رحت العيادة لان كان عندي موعد.. عيادة بلهول علعاده.. وهذي ثاني موعد بعد مرور 6 اشهر هههههههههههههههههههههه..!؟
طبعا رايحه وانا شوي خايفه كلعاده من فحص الدم انه بعده يكون عندي نقص في الهيموجلوبين..وشيكت علي الدكتوره بالالتراساوند.. فشفنا ال baby منسدح ويبتسم.. (شكله يقول والله متفيجين خلوني لحالي) والدكتوره تتمصخر عليي..
وتمينا ندردش شوي..
ومره وحده قالت لي الياهل هذا شكله هاااااااااااادي وما له بارض حق اي شي.. لانه ابد ما يتحرك شكله رااااااااقد..
قتلها لاني انا احس بهالاحساس..
قالت لي سبحان الله كيف انتي تحسين ال baby يحس نفس الشي..
ووايد اتسولفنا والله..
وعقب سالتني انتي تاخذين ادويتج قتلها honestly لأ.. تمت اتطالعني نظرات وقالتلي يا فلانه اجبري عمرج.. قتلها الحين انا آكل زين.. فما احس اني محتاجتنه..!؟
طلعت من عندها وانا مستانسه حيل.. لان قالت لي دشيتي الثامن تقريبا..المشكله قالت لي البيبي في وضع عرضي المفروض يكون طويل............!؟
قتلها هذا الشي خطير قالت لي لا المفروض الشهر الياي يعدل وضعيته..
وقالت لي انه ضخم شوي.. عادي تولدين وهو وزنه 4-5 كيلو..
قتلها المهم بقدر اولده طبيعي قالت لي هيه لا تحاتين..
استغربت هل هالشي طبيعي...........!؟
المهم طلعت وعطيتهم تكرمون عينة بول وسويت تحليل دم..
وقالت لي خلاص كل اسبوعين مره موعد لان بطنج نازل..!؟
قلتها هل عادي اولد في الثامن قالت لي لا علاقل تكملين 37 اسبوع؟! لا تولدين مبكر..المهم اليوم اتصلوبي وعطوني النتيجه..
الا وهي..
الدم ما فيه اي مشاكل والحمدلله.. وحتى الهيموجلوبين.. والحمدلله..
ولكن.......................؟!
قالت لي اليوريوم..!؟ شو هذا بعد..!؟
يا في بالي تكرمون البول..
قتلها هل هالشي خطير قالت لي معظم الحوامل يعانون منه..
فيه نسبه بسيطه من ال enfection لا تحاتين..
مري وخذي الدوا باجر..
وهاي هي قصتي..