استفسار لمجربات المنشطات

انا اللي اعرفة انه الفحوصات من اول يوم الدورة
اما بالنسبة للمنشطات فطبيبتك توصفلك المناسب حسب وضع المبايض والرحم وهكذا ...

وطمنيننا
ويا ريت اللي تعرف غير هيك تخبرنا

احب اسألك أختي ، هل تعانين من شيء يمنع حملك ؟ إذا كان الجواب لا
ليش تعرضين نفسك لعلاجات وادوية وفحوصات بدون سبب ، اذا تأخر حملك مدة سنة بعدها
تقدرين تشكين انه عندك مشكلة اما قبلها فاتوقع انه بدري على الكشف والفحوصات والمنشطات
ما دام انك ما تعانين من شيء ....... والله يرزقك بالذرية الصالحة في القريب العاجل

الفحوصات اختي وقتها اول تلات ايام من الدوره هي فحوصات للهرمونات ..وصعب تاخدي اي منشطات بدون وصفه طبيه لانك ممكن ما بتحتاجي لاي تنشيط والوقت معك لسا بدري عليك ست شهور فتره قليله ..استني وان شاء الله ما بتلاقي حالك الا حامل يا رب..

الله يرزقج الذريه الصالحه المعافاه وانشاء الله مافيج شي اقترح انج تصبرين كم شهر اذا ماصار حمل بعدين روحي فحصي استمتعي بحياتج حبيبتي..ولا تفكرين وايد

Palms;5062982:
انا اللي اعرفة انه الفحوصات من اول يوم الدورة
اما بالنسبة للمنشطات فطبيبتك توصفلك المناسب حسب وضع المبايض والرحم وهكذا ...

وطمنيننا
ويا ريت اللي تعرف غير هيك تخبرنا

انا بكرة يصير لي 3 ايام من الدورة

مشطورة أختي على مرورك وردك

التوت البري;5063730:
احب اسألك أختي ، هل تعانين من شيء يمنع حملك ؟ إذا كان الجواب لا
ليش تعرضين نفسك لعلاجات وادوية وفحوصات بدون سبب ، اذا تأخر حملك مدة سنة بعدها
تقدرين تشكين انه عندك مشكلة اما قبلها فاتوقع انه بدري على الكشف والفحوصات والمنشطات
ما دام انك ما تعانين من شيء ....... والله يرزقك بالذرية الصالحة في القريب العاجل

هلا اختي

انا ما اعرف اذا شي فيني يمنع الحمل عشان كذا اريد اسوي فحوصات يعني ايد اطمئن بس وبصراحة احسني ماقدر اصبر اكثر كنت اتمنى احمل من اول شهر بس الله ما اراد

يالله عسى الله يرزقني ويرزق كل محرومة
وشكرا على مرورك وردك (f)

ريحانة القدس;5063946:
الفحوصات اختي وقتها اول تلات ايام من الدوره هي فحوصات للهرمونات ..وصعب تاخدي اي منشطات بدون وصفه طبيه لانك ممكن ما بتحتاجي لاي تنشيط والوقت معك لسا بدري عليك ست شهور فتره قليله ..استني وان شاء الله ما بتلاقي حالك الا حامل يا رب..

هلا اختي ،،،

انا لي زميلة صار لها متزوجة اكثر من سنه ونص ولما تاخر حملها راحت للطبيبة بعد اكثر من سنة قالتلها لو جيتي من فترة بعد 6 اشهر كان العلاج بيكون اسهل عشان كذا انا عزمت اسوي فحوصات من بدري

لكن شكلي ما بروح للطبيبة هذا الشهر ،،
يا رب ما اروحلها إلا وأنا حامل

مشكورة أختي على نصيحتك (f)

الحبُ الكبير;5064970:
الله يرزقج الذريه الصالحه المعافاه وانشاء الله مافيج شي اقترح انج تصبرين كم شهر اذا ماصار حمل بعدين روحي فحصي استمتعي بحياتج حبيبتي..ولا تفكرين وايد

ان شا الله بسمع نصيحتكم وبصبر كم شهر قدام
بس مشكلتي وايد افكر وحبي للاطفال مخلي فكرة الحمل شغلي الشاغل :(

اتمنى القى شيء يشغلني عن هذي الافكار


مشكورة اختي على مرورك وردك (f)

لما تاخر عندي الحمل
سويت تحليل ثاني او ثالث يوم من الدوره
و تحليل يوم 21 من الدوره
و بعدها يبين اذا كان عندج مشكله تمنع الحمل او لا
غير عمل السونار و التاكيد من كل شي
افضل شي انج تروحين عند طبيبه ممتازه و معروفه و راح تطلب منج التحاليل و اذا ما عندج سبب يمنع الحمل لا تاخذين منشطات حبيبتي
و 6 اشهر تو الناس في وااايد بناات يحملون بعد 9 اشهر او سنه حسب كل وحده
و الله يرزقج يااارب

اذا حابة حبيبتي تتطمني مش غلط تروحي و تعملي تحاليل الهرمونات اللي يفضل تكون ثاني يوم الدورة و اذا ماطلع في شىء يمنع الحمل انتظري حتى تكملي سنة و نصيحة من اخت لا تاخذي منشطات بدون داعي لانه اذا بديتي فيها لازم تستمري عليها و كما انه نسبة الحمل الطبيعي خلال السنة الاولى تصل ل 90% و اذا لا سمح الله مر سنة و ما حملتي خلي زوجك يفحص و ان شاءالله خير
انتي لسة عروس استمتعي بحياتك على الاقل اول سنة

الله يرزقك الذرية الصالحة ياااارب

اختي الافضل تستني وبعد سنة تروحي تحللي
واصلا معروف طبيا ان الوحدة تحاتي بعد مرور سنتين .. لكن الوحدة ماتقدر تصبر كل هالمدة لكذا يقولوا الك بعد سنه روحي حللي

وتقدري تروحي يوم 14 من الدورة لانه وقت التبويض وراح تشوف التبويض عندك طبيعي او لا
ونصيحة اذا قالتلك انه التبويض طبيعي وعطتك منشطات لا تاخديهم لانه يمكن يسببلك تكيس

عموما لسه بدري
بس لو مستعجله يستحسن انك تنزلي اي وزن زايد قبل ما تروحي تكشفي لانه سبب المشاكل غالبا
و لو انتي من النوع اللي حركته بسيطه حاولي تمشي مشي سريع ساعة في اليوم
لو بتعملي كل ده ممكن يحصل حمل من غير دكاترة
و كمان المريميه و الينسون و القرفه و العسل الطبيعي حاجات لازم تدخل نظامك الغذائي
وان شاء الله ربنا يكتب لك حمل بدون دكاترة

افضل وقت للعلاج بعد مرور سنه على زواجج

نصيحتي لج اصبري لين تكملين سنه

والله يرزقج بالذرية الصالحه

مشكورات أخواتي على ردودكن ونصيحتكن

الله يعطيكن العافية ويرزقكن ويحقق كل امانيكن

وانا بحاول انسى موضوع الحمل هذي الفترة لان عندي ضروف ماتشجع على الحمل خلال الاشهر القادمة

بس ارجع واقول >>>>>>>>>>>>>>>>>> يا رب أحمل ؛)