السلام عليكم
خواتي والله موعارفه وش أقول وكيف ببتدي فعلا انا بصير أم بعد كم يوم لستة أطفال
تصورو ؟ أنا أكون أم آه ياقلبي حسبي الله ونعم الوكيل اخوي طلق زوجته الأجنبيه
والان مافيه حد معي بالبيت يتولى مسؤولية التربيه الا أنا تصورو من فتره اتركت عيالها
وراحت لبلدها وسعت صدرها وهم كلهم عندنا اقسم بالله وش تعبت حتى النوم ماصرت
أنوم وصغير عمره سنه و9 شهور وخواته صغار منيمتهم معي بالغرفه كل شوى مابكى
واقوم له اشوف وش فيه واسكته وخواته مرات يفزعون بالليل واقوم أقرأ عليهم قران لما
ينامون حسبي الله ونعم الوكيل تعبت نفسيا حسيت كأني أنا اللي جايبتهم اقوم مفزوعه
من نومي لاصحو واروح اطلعهم برى الغرفه واوصي أمي والخادمه عليهم واحرصها تسوي
لهم فطورهم ثم اروح اكمل نومتي الى الظهر ثم أصحى ونا افكر في أكلهم وشربهم
وأسألهم وش كلو واا حسيت ان حد منهم ما اكل اروح اسي لهم اكل واذا طلعت اجيب لهم
معي حلويات واشياء كثير يحبونها هذا غير عنايتي بنظافتهم ولبسهم واوصيهم بس يصحون
على طول يفصخون البجامه ويلبسون ملابس فترة الظهر الى العصر ثم بس يجي المغرب
البسهم ملابس السهره عشان لو جا احد او أطلعو معي او مع ابوهم يكونون لابسين
ومرتبين والله يابنات مرت علي ايام الدراسه بمعناة كبيره تعبت من صحوة الفجر عشان
اسوي لهم الفطور والبسهم واسوي لهم شعرهم تخيلو اول يوم سويت فيه شعرهم
للمدرسه جلست على راس كل وحده ربع ساعه لأني مو متعوده يكون عندي اطفال
امشطهم واسوي لهم شعرهم حتى بكل الشعر رحت اشتريتها لهم مع جكيتات المدرسه
والأب ولاكأنه موجود ولاسأل عنهم خلاص لأنه واثق من حنيتنا على الأطفال واكيد ماراح
نقصر عليهم بشي وياريتني محموده ولا مشكوره منه الا عنده ان هذا واجب وانه احنا
مو مسوين شي زايد عن حده لاحول ولاقوة الا بالله ياربي رحمتك المشكله الان انه طلقها
يعني العيال بعيشون معانا طول العمر ونا اكره شي عندي تحمل المسؤوليه انا انسانه
مو متزوجه وعندي اطفال عشان اعرف طريقة التربيه السليمه والصحيحه معاهم والله ان
الفتره اللي اتركتهم فيها تعبت نفسيا مع العيال يعني تصورو حتى الصراخ يصارخون علي
ويطولون السنهم مع انهم يحبوني من كل قلبهم بس سبحان الله العرق دساس الأم
الأجنبيه لابد تترك بصمه وصخه على عيالها من اخلاقها واطباعهم الشينه وكانو يحاولون
انهم يفرضون سيطرتهم بس انا استعملت معاهم كل الطرق بالمحبه واللين في اماكن
معينه والشده والعصبيه اللي طلعت مني غصبن عني في اماكن ثانيه وكنت جدا ندمانه
عليها لأن مو هذا قلبي ولا هذا اخلاقي ولا هذا تصرفاتي خاصة مع الصغار كون اني اموت
في شي اسمه اطفال بس من جد وقتها طلعوني من عقلي وصرت اشوف صورة امهم
القذره واللي سوته من سواد وجه واقول للأسف ما اخذتو هالصفات الا منها وبالأخير
اللي يتكلم معاهم بحب وحنيه يعتبرون انه سهل السيطره عليه فاصرت اتعامل معاهم
بخشونه عشان يسمعون كلامي ويكونون محترمين بس اعترف اني كنت قاسيه مرات
بس والله اني ندمت خاصة واني كنت عارفه انها فتره وبترجع تاخذهم وبرتاح .. بس المشكله
الان اني انا اللي بتولى تربيتهم والعنايه فيهم ونا ماأبغا اتحمل هالمسؤوليه بس خلاص
راح تكون مفروضه علي الان ونا الان والله لي يومين مانمت كويس والسبب هالعيال افكر
في راحتي وكيف بتعب وبنفس الوقت اقول بس هذي تربيه وعنايه وتدريس ومذاكره وأي
تقصير حتى في دراستهم بكون في وجهي مع اني والله يوم كانو عندنا ولله الحمد ماكنت
مقصره كنت فورا بس يرجعون موصيتهم تذكرون وتحلون الواجبات اللي تعرفونها وبس اصحى
اسمع لكم واحل معاكم اللي ماتعرفونه واشوف اللي حليتوه انتو .. واقسم بالله كل مافكرت
اقول يابنت انتي قلتي في هذيك الفتره انك راح تحتسبين الأجر عند رب العالمين وراح
تسوين لهم كل شي بس المشكله الان انهم بعيشون عمرهم كله عندنا انا كم أسبوع
والله حسيت اني دخلت في حاله نفسيه صعبه صارت حتى الكلمه اللي مافيها احترام
منهم تأثر علي وتحسسني اني ضعيفه لما اضغط على نفسي وماأرد عليهم وأكتفي
بنظره حاده هم عندهم ولاشي وان كانو نوعاما يحترمون نظرتي لهم بس عدم ردي
عليهم لأني ماأبغا أحسسهم بفقد أمهم كنت ابغا احسسهم بمحبتنا وبحتوائنا لهم
وانهم الان في راحه بعكس معاملة امهم لهم بالضرب باليد وانتو بكرامه بالنعله وتشد
شعرهم وترميهم على الجدران وهذا غير السب واللعن فينا وفي ابوهم حتى هم كانو
يقولون ان شاء الله أمي ماترجع الان وتطول عند اهلها ونا بخاطري اقول لا ان شاء الله
ترجع وتاخذكم وارتاح .. كل هذا من كثر ماهم مبسوطين بس انا بعد بشر ماتتخيلون
وش كثر الضغوطات اللي علينا خاصة لما سافرت امهم حتى عيال اخواني صارو زي اللي
يحاولون يستفزونهم ويهينونهم وهم مايتركون حقهم بس مرات يصير الشي زايد عن
مقدرتهم عن الرد عن انفسهم فلما اشوف الخطأ عليهم واوقف معاهم الأمهات هم اللي
يجلسون يقارنون مابين معاملتنا لهم ومعاملتنا لعيالهم وانه احنا نميزهم عن عيالهم
واحنا ربي الشاهد محبتهم وغلاتهم في قلوبنا وحده بس هم امهم اجنبيه وشايفين الويل
منها اما هم امهاتهم سعوديات يعني ماعليهم خوف بالنهايه ماراح تكون قلوبهم مثل
الأجنبيه اللي تركت بلدها وأهلها عشان تعيش في عز السعوديه ثم عادي اذا تطلقت
ولا يهمها لاعيال ولا غيرهم وهم هذا عادتهم يجيبون عيال ويرمون حسبي الله ونعم
الوكيل فاتصورو تجيني مية نظره ونظره من زوجات اخواني ويردون علي ماشفنا عيالنا
سوو شي هم اللي تحرشو فيهم فاردت حتى لما اكون شايفه الموقف واقولها انا شفت
تقول لا بس انا ماشفتهم وتروح تسأل ولدها ولا بنتها ويقولون احنا ماسوينا فاتقول شفتي
قلت لك ماسوو كذا فاتحط في قلبها علي .. اما هم عيال اخوي هذا حتى وهم غلطانين
مرات يبغوني اكون بصفهم فأنا اطنشهم واقولهم خلاص انتو أصدقاء وانتو تفاهمو وتصالحو
وانتو شاطرين وتحبون بعض مع كذا مايقتنعون لأنهم حابين يشوفوني ونا اهزئ عيال
اخواني عشان يحسون بالفرحه انهم اخذو حقهم منهم ونا بالأخير اللي اروح فيها
مابين اهاليهم مع اني والله مرات اقسى على عيال اخوي هذا قدام حريم اخواني واهضم
حقهم قدامهم عشان ما اشوف نظرة الحقد اللي تجيني لما اهزئ احد من عيالهم فاينكسر
خاطرهم بس اقول معليش اعرف كيف اصالحهم واخليهم مايزعلون واجلس الف وادور عليهم
بالكلام لما يقتنعون بس ضميري من داخل يعورني لأني مو قادره اكون حازمه وقت الجد
بسبب اهاليهم هذا غير الكلام اللي يجيني من زوجات اخواني بطريقة التحسر يعني
يحسسوني بعبئ المسؤوليه ويحاولون انهم يخلوني انا واهلي انه نتركهم ويقولون خلو
ابوهم ياخذهم عنده وينامون هناك انتو بعد مو ملزومين فيهم طول الوقت انتو بعد تتعبون
فلما مره قالو لي كذا قلت كيف يعني نخليهم ينامون عند ابوهم هم بنات نتركهم ينامون
في البيت مع ابوهم ولا عندهم احد يشوفهم لو يسوون شي ولا يخربون حاجه
ولا يحتاجون شي احنا ماقلنا ابوهم لاياخذهم احنا نقول اوكي اخذهم شوي العصريات
على الاقل يرتاح جو البيت عندنا من هالضجه واذا جا الليل جيبهم ولا كل يوم ياخذهم
لاطبعا مرات بس عشان احنا نرتاح شوي بس سبحان الله انا اقول لو عيالهم محل
هالعيال قالو هالكلام ولا احنا اصلا كنا بنرضى يارب رحمتك .. على فكره ماتلاحظون
ان كلامي دائما بالجمع واقول هل احنا بنرضى ههههههههههههههههههه مع انه ماله داعي
اجمع لأن انا اللي متوليه المسؤوليه بالبيت لو جاو فالمفروض اقول هل انا اللي برضى
اخليهم يروحون لاوالله ماأرضى لأني اتصور نفسي لو هم عيالي فعلا هل ارضى لهم
انهم يتشتتون وكأنهم مشردين من مكان لامكان أوكأنهم ضايعين لاوالله ماأرضاها لالنفسي
ولا حتى لعيال الناس فاهم هالشئ يحز في خاطري على اخواني وزوجاتهم وعيالهم
اللي مايقدرون اي ظرف يكون لأنهم شايفين ردة فعل اهلهم السلبيه تجاه عيال اخوي
هذا .. فامن جد حاسه بغصه قويه احس انه جسمي وراسي وكل شي فيني يألمني
لأني راح اتحمل مسؤوليتهم .. واقول كيف بكون بمثابة الأم الصالحه لهم ونا في حياتي
ماتوليت مثل هالمسؤوليه لأن طول عمري في حالي احب الصغار والعبهم وأحن عليهم
من كل قلبي بس اني اكون مسؤوله عنهم للأبد هذا اللي موقادره استوعبه وهو عنده
بنات واولاد وبناته بكره بيكبرون وبتكبر مشاكلهم اكثر من الان كيف بعلمهم وكيف اقدر
أستوعب اي تصرف او اي فعل منهم كيف اخليهم يحترموني ويسمعون كلامي لأنهم
عارفين اني انا اللي بكون مسؤوله عنهم خاصة وانهم اخذو صفة الوقاحه في الجدال
يعني حتى لما مثلا تردين برد بسيط او تعطينهم نظره انه خلاص الفعل اللي سويته
خطأ يجلسون يجادلون ويكررون في الكلام ونا اكره شي عندي الإنسان الوقح في
الجدال وهو غلطان ولا بعد يحدك بالتكرار زي اللي يبغا يقهرك لأنه شاف انفعال النظره
او الكلمه الحاده اللي انقالتله من باب إنهاء الكلام بس هم يجادل انا بجد مقدر اتحمل
ناس بهالطريقه ماخذين طريقة الأجانب في حرق الأعصاب ونا مو متربيه على هالشي
لأني جدا هاديه وقلبي طيب وحنونه ومهذبه واخلاق ولله الحمد يارب وحتى ان كان فيني
خطأ أسعى لتصحيحه لأن تهمني نظرتي لنفسي بحترام ونظرة الأخرين لي بنفس نظرة
الأحترام هذي .. اما هم لأنهم عاشو مع امهم وشافو كيف اخوي محترم ومهذب معاها
وهي كيف استغلت هالطيبه وحولتها الى انه سهل التحكم والتغلب عليه والسيطره على
شخصيته فاصارو عيالها مثلها .. ووالله العظيم يابنات انه انا مستعده لتربيتهم بس اتمنى
احس بالراحه والهدوء بعيدا عن المشاكل ولكن انا من الان تعبانه بسبب بس فكرة انه
خلاص بعد كم يوم راح يجوون عندنا والمدرسه والمذاكره ونا عارفه انه هذا ان شاء الله
فيه اجر من رب العالمين لي ولكن انا من كثر التعب والضغط النفسي احاول دائما اشتكي
اما هنا او لخوي اللي عايش معنا خاصة لما يكون فيه مشاكل بسبب طول لسانهم وصراخهم
والمشكله الاكبر ان اخوي هذا اسلوبه في الحياة في تصحيح الخطأ انه يجي للي غلط
ويكله بترجي ويقوله مثلا معليش ياحبيبي لازم تحترمها هي كبيره بعدين هي قصدها
مصلحتك ولازم تسمع كلامها هاه حبيبي خلاص يعني تحسون من كلامه ترجي مع ان
هالطفل هو الغلطان عموما اسلوب اخوي هذا مع الكبير والصغير دائما صاحب الحق يطلع
محقوق بس الشكوى لله .. تعرفون وش بعد مخوفني اني انا بكون مسؤوله من ربي عنهم
يعني الان من بربيهم ومين بعلمهم الصح من الخطأ غيري ومين بحرصهم على الصلاة ومين
بربيهم على الأخلاق والاحترام والتهذيب يارب تعيني وتسخرهم لي وتجعلني
يا الله احسن تربيتهم واكون لهم بمثابة الأم وينشئون على اخلاق ودين ..
وتمنحني سعة البال والصبر والقوه وتثبتي في ديني وتهديني وتصلحني لنفسي
ولهالأطفال اللي بكونون تحت رعايتي..
يارب اجعلني كفؤ لهذي المسؤوليه يارب يارب يارب يارب