قصة تقشعر لها الابدان ..

السلام عليكم ..



كيف الحال بنات :)




الليلة كنت قاعده مع زوجي وخبرني ان صديقه فلان زوجته ولدت امس ووووو ............... فتذكرت قصة او كارثة حدثت لهذا الصديق وحبيت اني احطها هني في المنتدى ..


هذا الشخص كان خاطب بنت عن طريق الاهل ، وكانت هالبنت وحيدة امها وابوها ،، ومدللة ودلوعة وايد وتمشي على كيفها ..
المهم البنت يوم يسألون عنها ما كان عليها اي كلام .. وهالشخص بعد ما صارت الملجة " عقد القران" قام يحاول انه يتواصل مع خطيبته .. وعندنا احنا هني في البحرين ان عادي بعد الملجة الرجل يطلع مع خطيبته ويقعد معاها ووكذا ..
لكن البنت كانت دايما تعتذر له واحيانا ماترد على اتصالاته واذا قعدت معاه تقعد بدون نفس ومتمللة وبسرعة تنهي اللقاء بينهم ،،وهو كان مستغرب لكنه كان يقول يمكن هي خجولة او تعبانه او شي من هالقبيل ،، وكانت بعد وايد تطلع وتقول مع صديقاتها وهو ما حب يمنعها عن صديقاتها لانها متعلقة بهم واهلها عودوها على هالمستوى من الحرية وكان هو عنده ثقه بها ..

المهم .. بعد فترة دامت اشهر يمكن ،، تفاجأ بها تتصل له مع انها ما تتصل له زين وكلمته بكلام رومانسي ووله وقالت له انت واحشني شرايك تجي الليلة البيت وتسهر عندنا .. الشخص تفاجأ من هالكلام لكنه في نفس الوقت استانس ولما صار الليل راح بيت خطيبته وتفاجأ ان خطيبته تستقبله بأبهى حلة وبكامل زينتها وبكلام عسسسسسسسل ولما دخل المجلس استقبلوه امها وابوها بحرارة " على غير العادة " ومجهزين له عشا فخم وحركات وكل شي ..
لما بعد العشا وكذا استأذنوا الام والاب بالانصراف وقالوا له خذ راحتك البيت بيتك .. بعدين قامت البنت وقالت له دقيقة بروح وبرد انتظرني شوي وطلعت البنت ورجعت عقب شوي وهي لابسة قميص نوم :eek:وقعدت تتدلع معاه وصارت شوية حركات وبعدين شدته الى غرفة نومها :ss: وصار كل شي ..


بس الصدمة ..

























ان البنت طلعت غير عذراء :rolleyes:




البنت الله يستر عليها طلع ان لها علاقات وانها ما قطعتها حتى مع ارتباطها ولما فقدت عذريتها حبت انها تلصقها بخطيبها لكنه اكتشف الموضوع واصر على الطلااااااااااااق ..



طبعا حصل الطلاق وهذا الرجل تم متعقد فترة في حياته يمكن 5 سنوات او اكثر وكان رافض الارتباط لانه فقد ثقته بكل النساء .. وبعد فترة الله هداه ووافق انه يتربط اخيرا ومن سنة وشوي جابوا له اول مولود وامس جابوا له المولود الثاني :)






الله يستر على الجميع ان شاء الله ...