ساعدوني .. لي خدامه جديده و ماعرف شو اسوي؟؟

يعني انتي بتخلين بنتك اللي عمرها شهر مع الخدامه وبتروحين تدرسين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب ودي بنتك وشغالتك عند امك كذا ازين لك واريح او ام زوجك حرام البنت صغيره

وانا رايي من راي البنات خلي البنت مع الخدامه عند امك

وانتي قسمي لها احتياجاتك في البيت

مثلا تمسح النوافذ تغسل المطبخ وكل يوم عطيها شي

خليها نظام يومي غسيل ملابس تنظيف البيت مسح النوافذ والابواب وتنظيف الجدران من الغبار ترتيب الغرف ترتيب الدواليب والملابس داخلها غسل الاطباق والصحون مسح ادراج المطبخ وترتيب الاواني داخلها تنظيف الفرن من الداخل والخارج غسيل يومي لدورات المياه (واذا كان البيت سيراميك غسل يومي له) والبيت لو تدورين مليان اشغال لو كان صغير وعلميها تشوف البيبي وتغيير البامبرز لها وتهتم بغسيل الرضاعه وتنظيفها انا اكلمك بحكم الظروف يمكن ماتقدرين تودينها لاهلك او مكان اخر علميها بس وهي راح تقلدك بكل شي والله يوفقك ويصلحها لك

كل يوم عليها تنظيف القسم في الفتره الصباحيه .. غسيل و كوي .. وكل ما يحتاي البيت من شغل .. لكن فتره المسا تفضى لبنتج و طبعا تقوليلها شو الاشياء اللي لازم اتسويها وتعطيها للبيبي ..

الله يسهل عليج ويوفقج في دراستج وحياتج ...

مشكورين عالردود والحلول المتنوعه وايد فادتني

والله يوفقكم جميع ويوفقني



وكلن وظروووفه الخاصه.....

اختي مرة قريت موضوع عجيب ما اذكر اذا في هالمنتدى او منتدى بنات الامارات
كانت وحدة كاتبة انها اشترت كاميرات ووزعتها في البيت كامل مع انها مو كانت شغالة (خربانة شاريتها من سوق المقاصيص) ومن جات الخدامة قالت لها هذي الكاميرات اشوف منها كل شي تسوينه
وتقول انها والحمد لله ارتاحت من الشغالة وايد لانها صارت منظمة وما تلف يمين او يسار
فاذا ضروفج ما تسمح انج تودين بنتج لاي مكان سوي هالحركة وبتكون الخدامة رحيمة على بنتج
وانا عن تجربتي الخاصة لما كنت بيبي ^^ كانت خدامتي قمة في الروعة... كنت احبها اكثر من امي خخخخخخخخ
كنت اتم عندها طول النهار وامي تقول لها شنو تسوي وشنو تعطيني، يعني تعطيها الجدول كامل والباقي عليها...
اما عن شغل البيت خليها التساعدج فيه في النهار بس من الساعة وحدة او وحدة ونص الين العصر تقريبا 3 ونص لا تخلينها تسوي شي، او الين ما بتطلعين... وتخلص شغلها 10 ونص بالليل او 11، كذا تكون مرتاحة في شغلها وبتقوم لج الصبح نشيطة وبتشتغل زين
وحاسبي، لا تخلينها تشتغل اول ما تجي، اول اسبوع بس خليها تتفرج عليج، يعني انتي اشتغلي وهي ما تمسك ولااااا شي، وهالحركة منها فايدتين، اولا علشان تتعلم منج، ثانيا علشان ما تحس ان هالشغل صعب عليها ومستحيل تقدر تسويه
واسفة عالاطالة والله يعينج

مشكوره ام عبدالله على المشاركه..

والله الكميرات فكره وايد حلوه.. ان شاء الله بجربها ..

العفو اختي :)
انا في الخدمة