اليوم جايبتلكم غرفة ولدي عمار
طبعا هذه الغرفة فيها اشياء مشتريتها من قبل ما ينولد و لحد قبل كم يوم
يعني ما صارت بسرعة لان انا طبيعتي ما يعجبني اي شي و بنفس الوقت ما بغيت بغر فته اشياء فيها رسوم و تعبت وايد على ما حصلت اغراض هالغرفة و مع هذا الا ما صار كم شي فيهم وجوه بس انا اغطيهم بالليل
و عى فكرة الاخ عمار غرفته جاهزة و هو للحين ينام يمي بسريره
بس ان شاء الله بس تتعدل نومته راح اوديه لان انا ابدا مو من اللي يايدون نوم الطفل مع الاهل
انا صورت لكم كل شي و حتى سريره اللي هو بغرفتي
و نزلت هذا الموضوع لفائدتين هو انكم تعلقون بكل صراحة على الغرفة حتى استفاد من اقتراحاتكم
و الشي الثاني هو انه كل ام جديدة او حامل تقدر تستفاد من الافكار خصوصا اغلب الاثاث من ايكيا و ايكيا موجودة ببلدانكم
الحين و بعد المقدمة قولوا ما شاء الله
انا خليت غرفته فيها كل الالوان بس اللونين الاكثر هم الازرق و البرتقالي
اما بالنسبة للحايط و السرير فخليتهم ابيض لاني افضل الابيض للبيبي
هذا باب الغرفة مكتوب عليه اسمه
هذه الصور الملونة لزقتها على كل الغرفة مثل الشريط كسرت اللون الابيض
هذا الحايط الاول من الغرفة صورة عامة
هذا قياس الطول
[
و هذه المكتبة خخخخخخخخخخ لا هذه رفوف عليها البوماته و قصص و توزيعاته
و هذه الادراج فيها ملابسه و عليه دروج صغيرة مثل رسمة البردة و الكفر و حصالة و ساعة
هذه سلة يستخدمونها عادة للالعاب بس انا سويتها سلة ملابس وسخة
هذا الحايط الثاني
هذه طاولة التبديل
و هذه العلاقة
و هذا الحايط الثالث
هذه الكيس او ما ادري شنو تسمونه حاطه فيه دببة عمور
و هذا كرسي الطعام
و هذا الحايط الرابع المفروض السرير اللي هو حاليا بغرفتي
و هذا صورته
و هذا صندوق فيه الاشياء الزايدة من العاب و ملابس
و هذا كرسيه اللي يقعد عليه بالصالة
و هذه السجادة
و هذه اللمبة
هذا كل شي بالتفصيل الملل ان شاء الله ما ثقلت عليكم و ان شاء الله عجبتكم الغرفة
اسفة على الصور ان كانت مو واضحة
و انتظر ارائكم
