من فترة نزلت موضوع انه خاطري في كبة باللبن مع عيش بشعرية ..
وماقصروا الخوات كلهم عطوني طرق متشابهه لعملها ...
واخيراً امس سويتها ...
اللي احتجته واستخدمته ...
12 علبة روب تقريباً .. لأني سويت كمية ..
وهني بعد ما خلطته في الخلاط عشان يكون سائل .. واضفت له الثوم المطحون و النشا المذوب في الماء ..
وهذي الكبة بعدها مثلجة .. استخدمت كبه جاهزة والحمدلله كان طعمها حلو...
هني بعد ما حطيت اللبن على النار ... لازم اخليه يغلظ شوي .. واضفت له الملح وبدون قياس محدد بس لين تطعمين انه صار زين ..
وفي هالوقت قليت الكبة .. ولازم النار تكون هادية عشان تستوي من داخل ..
وبعد ما خلصت من قليها.. حطيت الكبة في اللبن .. وخليتهم يغلون مع بعض تقريباً غلوتين..
وبعدها ضفت شوية بقدونس ناشف .. وشوية نعناع مقطع صغير.. هذا كنت اقدر اضيفه عند التقديم بس عاد تدرون اول مرة ههههههه
واخيراً .. هذا الطبق النهائي.. مع العيش بشعرية ..
اسمحوا لي ماكان عندي وقت عشان اعدله واكشخه ههههههه مال يوع بسرعه بسرعه ..
والي ما ذاقها قبل ما بيتلذذ فيها وايد ههههه بس رهيبه وسهله ماتاخذ وقت ..
وعندي ملاحظات واخطاء وقعت فيها ..
1- كنت اشوف اللبن على النار بعده خفيف وياخذ وقت لين ما يغلظ ... وتركته فترة طويلة على النار لين عند التقديم صار غلييييظ وايد .. بس بعد كان حلو :D
2- كثرت النشا ..ويمكن يكون سبب انه كان غليظ لأني سويت الروب على دفعتين بسبب انه الخلاط كان صغير .. فكنت اضيف نشا على كل مرة وهذا اتوقع انه خطأ.. يكفي نحط ملعقتين نشا في كوب ماء بارد..
وسلامتكم...
