بنات قطر اللي تسال عن توزيعات اتجي

السلام عليكم شلونكم بنات ابلادي انشاالله بخير وشخبار الحمال المهم اليوم حبيت اكتب عن بعض الاشياء اللي شفتها في رحلت بحثي عن تقديمات مميزه للبيبي والاماكن اللي ممكن تقدرين تلقين فيها الاغراض

1 - الرونق في السوق
عنده شرايط وزيجات روعه باحرف البيبي او اشكال للبيبي اللي تستخدم للف الشوكلت او لف التوزيعات وفي منها الوان البيبي ازرق او وردي ابيض في اشكال واحجام وايد يصعب احددهم كلهم

وبعد عندهم قسم خاص للورد اذا تبين اتركبين ورد للستاند او الصواني

اممم اي نسيت اقول عندهم قلوب وورد من الاسفنج وسكاتات اصغار تقدرين تزينين فيها الهدايا وكلها اسعار بمتناول الجميع

2 - الرونق اللي بالمطار

عنده تحف اشكال البيبي وااااااااااااااااااايد ....غير مره شفت مثل سور الحديقه بس صغير يصلح اذا صبغتيه للحواف في الصينيه وبعد عندهم اشكال وايد من العربات الصغار والصناديق والكرستال وفي دلو صغير وايد كيوت يصلح تحطين فيه حلويات

3 - الشاهين
عنده تقديمات وتحف بس اسعارهم زياده عن الرونق تقدرين تاخذين من عنده تغليف الهدايا والورق والصناديق ساعات يجيب صناديق وقفاصه تصلح للهدايا كبار

4 - هوم سنتر يجيب كرستال وورد حلو وااايد وشموع حلوه واطباق غريبه للتزين

5 - لايف ستايل اوووو تلقين فيه اشياء الدببه الصغار والتعليقات الحلو بس يبيلج طولة بال وتفتيش وادورين بنف المكان كذا مره

6- المحل الياباني عنده تحف حلو ويجيب اشياء حلو ساعات للعلب بس اذا شفتي الشي خذيه على طول لان اذا رحتي ورجعتي تلقينه خلص

7- المنتديات الخاصه بالتسوق
تلقين عندهم حركات حلو وغريبه تقدرين تطلبينها واغلبها اسعار مناسبه واحسن من المحلات

8- نابينا
عنده اغراض واااايد حلوه وبوكسات وتغليفات واشياء تعلق على الكفاي مثل فساتين وسدريات للبيبي صغار حلوين

اممم واهم شي لم ادورين اتمعنين بكل شي فتره طويله ودورين كذا مره بالمكان علشان تنتبهين للاشياء عدل ... انشالله اكون قدرت فدتكم بالتوزيعات

زورو موضوعي فيه بعض الصور للتوزيعات وفيه صور توزيعات بنوت كنت مسويته حق وحده من هلي اتمنى يعجبكم
http://www.3roos.com/forums/t306312.html