بنات قطر ..حامل في الشهر الأول ومحتاجه مساعدتكم؟؟

,
الله يتمم لك بخير حبيبتي


وان شاء الله يدخلون بنات قطر ويفيدونك

والف الف مبرووووك

الف مبروك الحمل

الله يتممه على خير ويرزقج الذرية الصالحة

شوفي حبيبتي انا تابعت عند روزفي يوم كانت في حمد وكانت واايد ممتازة بس نادر تييج في الولادة

الحين راحت الاهلي وبصعوبه تلاقين عندها موعد

يعني اذا اتصلتي فيهم يمكن يعطونج موعد بعد شهر او اكثر على حسب جدولها

وعندج سميره في الاهلي بعد يمدحونها

حاليا انا اتابع عند دكتورة سامية موسى في مجمع الكندي اللي حذا مدرسة ام ايمن

هي عندها تكشف عليج وتسوي لج التصوير بعد

وااااااايد طيبة هالانسانة وملتزمة ولها طولة بال

وتشرح لج كل شي بالتفصيل ولا تتملل منج مهما قعدتي تسالينها

بس ما ادري اذا تولد في مستشفى خاص

وعندج تقدرين تتابعين في المركز الصحي اللي انتي تابعة له

وهم بعدين يحولونج على مستشفى الولادة

او تقدرين تابعين في مستشفى الولادة في العيادة المسائية

بس ما عندي علم بالدكاترة اللي موجودين

بس اسمع عن دكتور مؤيد يمدحونه

ودكتورة حليمة التميمي بعد يمدحونها

والله يوفقج

هلا اختي الله يتمملج على خير يارب

انا بعد فالشهر الاول...وعسى الله يثبت حملنا يارب..

بديت اراجــع في مجمع النخبه عند دكتور عمر ابوزينب

وان شاءالله بداية الشهر الثاني ببدأ افتح ملف في قسم الولاده الا بمستشفى حمد..


والمفروض اتروحين اتراجعين الدكتوره او الدكتور عسب اسوين فحص بالسونار ويطمنج ع الجنين ويعطيج الفوليك اسيد مع فحص البول((الله يكرمكم)) يمكن لا سمح الله في التهاب والا شي بس عسب تطمنين على عمرج..ويعطيج مراجعه كل ما كملتي شهر..وان شاءالله قدرة افيدج..

مشكورين البنات الي ردوا علي ، الله يتمم لنا حملنا على خير.

يعني أي أحسن آخذ المواعيد في خاص؟ وعقب أربي في الولادة؟ صح جذي؟ ويا ريت تمدحون لي دكاتره نسوان استحي دكتور يكشف علي ، وشلون الكشف بس تلفزيون ولا بعد من تحت؟ وما قلتوا لي متى أروح أكشف؟ في أي أسبوع من الحمل ؟ ولا أروح على طول؟

سوري أذيتكم ، بس ما عندي خبره في هالأمور.

حبيبتي الله يتمم لج على كل خير

يكشفون عليج للتلفزيون من البطن

انا عني اتابع في مستشفي العمادي عند الدكتوره صونيا

طيبه وحبوبه اما الولاده ما فكرت لين الحين احتمال الاهلي ولا الولاده

بس شكلي من الشهر السابع بابتدي اتابع في الاهلي او الولاده

عشان الولاده انتي روحي وجربي اي مكان ترتاحين له انا فتحت ملف

في الولاده بس متردده ويمدحون لي الاهلي ويذمونه

باستخير وبشوف الله يكتب الي الي فيه الخير

تقومين بالسلامه ان شاء الله ..

الف مبروك الحمل

الله يتممه على خير ويرزقج الذرية الصالحة

اختي بالشهور الاولى روحي لاي دكتورة ترتاحين لها مثلا عندج عيادات خاصه مثل هدي المحمد بالنصر او ليلاما او ساميه ابو نمله وغيرهم في واايد ومستشفي الاهلي عندج روزفي او سميرة وعندج بولادة مسائي بفلوس سمعت في وحده اسمها فاطمه الهيل فقط لاغير تتابعين لين شهر 6او7 وعقبها اذا تبين تحولين الولادة صباحي وتتابعين عند اي دكتورة او على راحتج تكملين مع دكتورة اللي تابعتي معاها بشهور الاولى لين شهر 8 وتفتحين ملف لازم عشان ولادة وتولدين هناك بأذن الله

طبعا بشهور الاولى يعطونج مثبت وفولك اسيد لين شهر 3 وبعدها يعطونج فيتامينات لين تولدين

بشهر سادس او سابع تسوين تحليل سكر لاسمح الله اذا فيج

وطبعا بشهر ثالث تسوين تحليل دم اذا فيج فقر دم لاسمح الله ويكررونه بسادس بس موشرط بنفس الشهور اللي ذكرتها بس لازم يسون لج تحليل دم على الاقل مرتين بفترة حملج

اما عن سونار لازم تعملين بالاسبوع 12لاسمح الله يكون طفل منغولي

وتسوين بالاسبوع 18 عشان تعرفين جنس الجنين

وتسوين بسابع و8و9 موشرط بس على طلب دكتورة

واتمني اني افدتج

وكشف مش من تحت لاتحاتين كشف على بطنج من فوق

الله يثبته لج يارب...
بس أهم شي تاكلين الفيتامين فوليك أسد بدايت حملج لمدة ثلاث شهور و لو تروحين العيادة الخاصه الحين أحسن على الأقل يعطونج موعد ولادتج و يطمنونج ع البيبي و بعدين روحي كل شهر مره عادي...
و تقومين بالسلامه إن شاء الله...

حبيبتي انا مو من قطر بس حبيبت افيدج روحي تطمني احسن وغير جذي اذا وصفت لج الدكتوره فوليك اسد او دوفاستون هذوله زينين مو تاخذينهم جذي لازم الدكتوره تقولج اما عن الفحص يفحصونج من فوق بطنج واذا مابين نبض الجنين يسوون من تحت انا كنت في الاسبوع السادس سوت لي من فوق مابين عقب قلت لها سوي لي من تحت ابي اتطمن ويوم سوت لي شافت نبض والحمد للله..

حبوبه

ترومين تروحين لدكتوره مريم سلمان

ودكتور عدنان وايد اوكيه

وحياج ف ملف تجهيزات الولاده هناك بتلقين التفاعل اكثر

ألف مبروك الحمل

والله يثبته لج

انا انصحج تروحين عند الدكتور فواز امين والله انه حبوووب ومحترم وخايف ربه

انا كنت اتابع عند مريم سلمان بس انسانه دمها ثقيل وبالموت تحصلين موعد

وسوي لج موعد عند الدكتور عماد في الولاده او بدرالدين ممتازين

وانصحج تسوين الاتراساوند بعد الاسبوع السادس

احسبي من عقب دورتج باسبوع

والله يتمم لج على خير

اختي على الاقل روحي المستشفى الي تتعالجيين فيه لما تحصلين على الدكتوره الي تبينها لازم تابعيين اول بأول ويعطونج حبوب فوليك اسد وتحليل بول ويطمنون على نبض الجنين في كل موعد لج ويعني تابعي حالتج من اول حملج لا تتركي الموضوع لما تختارين عياده خاصه او مستشفى الي تبينه وبعدها يصير خير لو تبين تغيرين اختي والله يثبت حملج ..

الله يثبته لج ويتمم لج على خير


انا اراجع عند الدكتور عمر ابوزينب في مجمع النخبه

وان شاء الله بحول على الولاده بس مب عارفه اي دكتوره اراجع عندها

مشكورين كل البنات الي ردوا علي ، رحت حق عمر أبو زينب ، وطمني على الجنين وكتب لي حبوب فولك أسيد ، وامدحوا لي د. مؤيد في مستشفى حمد.

اسمحوا لي طولت ما رديت عليكم بس اتنسى وتعبانه من اللوعه والترجيع.